ព័ត៌មានជាតិ

នារសៀលថ្ងៃទី ០៣ ខែ មីនា ឆ្នាំ២០២២ រដ្ឋបាលខេត្តប៉ៃលិនបានរៀបចំបិទសន្និបាតមន្ទីរអប់រំ យុវជន និងកីឡាខេត្តប៉ៃលិន ឆ្នាំ២០២១-២០២២ និងលើកទិសដៅអនុវត្តការងារបន្ត ឆ្នាំ២០២៣ ក្រោមអធិបតីភាព លោកស្រីបាន ស្រីមុំ អភិបាលខេត្តប៉ៃលិន

លោកជំទាវ មិថុនា ភូថង អភិបាលនៃគណៈអភិបាលខេត្តកោះកុង បានសម្តែងនូវការនឹករលឹក និងសួរសុខទុក្ខដល់មន្រ្តីអប់រំ បុគ្គលិកសិក្សា លោកគ្រូ អ្នកគ្រូ សិស្សានុសិស្ស ទូទាំងខេត្ត វិស័យឯកជន ក៏ដូចជាអង្គការដៃគូសហប្រតិបត្តិការលើវិស័យអប់រំ យុវជន និងកីឡាក្នុងខេត្តទាំងអស់ និងសូមថ្លែងអំណរគុណយ៉ាងជ្រាលជ្រៅ និងសូមកោតសរសើរចំពោះរាល់សមិទ្ធផលការងារដែលលោក លោកស្រីជាមន្ត្រីអប់រំ គ្រប់លំដាប់ថ្នាក់ អង្គការជាតិ អន្តរជាតិ និងដៃគូអភិវឌ្ឍទាំងអស់ ដែលបានខិតខំជួយអភិវឌ្ឍវិស័យ អប់រំ យុវជន និងកីឡាក្នុងខេត្តកោះកុង

គោលបំណងដែលគណៈប្រតិភូចិន អញ្ជើញមកខេត្តកោះកុង នាពេលនេះគឺតាមការអញ្ជើញរបស់បណ្ឌិត អ៊ុក ភ័ក្រ្តា អភិបាលរងខេត្តទទួលការងារវិនិយោគ ដើម្បីចូលជួបសំដែងការគួរសម និងទស្សនកិច្ចសិក្សាអំពីសក្តានុពល និងកាលានុវត្តភាពវិនយោគរបស់ខេត្ត ក្នុងនោះលោកបណ្ឌិតប្រធានគណៈប្រតិភូ បានបញ្ជាក់ថា ក្រុមការងារ ដែលអញ្ជើញមកនាពេលនេះគឺសុទ្ធសឹងជាសមាសភាពសំខាន់ៗ មានដូចជាទីប្រឹក្សាជាន់ខ្ពស់សម្រាប់ការអភិវឌ្ឍ អ្នកជំនាញលើគម្រោងវិនិយោគថាមពលកកើតថ្មី និងអ្នកជំនាញការលើការអភិវឌ្ឍទីក្រុងពហុបំណងខេត្តព្រះសីហនុ ដែលអញ្ជើញមកពីទីក្រុង ស៊ិនជិន ប្រទេសចិន

នៅថ្ងៃទី០៣ ខែមីនា ឆ្នាំ២០២៣នេះ សាលាដំបូងរាជធានីភ្នំពេញ បានចេញសាលក្រមកាត់ទោសជនជាប់ចោទឈ្មោះ កឹម សុខា ពីបទសន្ទិដ្ឋភាពជាមួយបរទេស ឬហៅថា បទឃុបឃិតត្រូវរ៉ូវគ្នាជាមួយបរទេស ដែលជាប្រភេទបទល្មើសក្បត់ជាតិ ដាក់ពន្ធនាគារចំនួន២៧ឆ្នាំ តាមមាត្រា៤៣៩ និងមាត្រា ៤៤៣ នៃក្រមព្រហ្មទណ្ឌ នៃព្រះរាជាណាចក្រកម្ពុជា។ ព្រមទាំងដកជាស្ថាពរនូវសិទ្ធិបោះឆ្នោត សិទ្ធិឈរឈ្មោះឲ្យគេបោះឆ្នោត និងសិទ្ធិធ្វើសកម្មភាពនយោបាយផ្សេងទៀត តាមបញ្ញត្តិមាត្រា៤៥០ នៃក្រមព្រហ្មទណ្ឌ។ ក្រៅពីនោះតុលាការបានដាក់ជនជាប់ចោទ ឲ្យស្ថិតក្រោមវិធានការត្រួតពិនិត្យតាមផ្លូវការ មិនត្រូវចាកចេញពីបរិវេណនៃលំនៅឋាន, មិនត្រូវឲ្យជួបបុគ្គលណាម្នាក់ ទាំងសញ្ជាតិខ្មែរ និងបរទេស លើកលែងតែក្រុមគ្រួសារ

នាព្រឹកថ្ងៃទី០៣ ខែមីនា ឆ្នាំ២០២៣ រដ្ឋបាលខេត្តត្បូងឃ្មុំ សហការជាមួយមន្ទីរកិច្ចការនារីខេត្ត ប្រារព្ធពិធីអបអរសាទរទិវាអន្តរជាតិ៨មីនាខួបលើកទី១២ ឆ្នាំ២០២៣ ក្រោមប្រធានបទ (ស្ត្រីរួមគ្នា រក្សាសុខសន្តិភាព ដើម្បីកិច្ចអភិវឌ្ឍក្នុងយុគសម័យឌីជីថល ) ក្រោមអធិបតីភាពឯកឧត្តមបណ្ឌិត ជាម ច័ន្ទសោភ័ណ អភិបាលនៃគណៈអភិបាលខេត្តត្បូងឃ្មុំ និងលោកជំទាវ និងឯកឧត្តម ស៊ាក ឡេង ប្រធានក្រុមប្រឹក្សាខេត្ត និងលោកជំទាវ

នៅសាលាខេត្ត ព្រឹកថ្ងៃទី០៣ ខែមីនា ឆ្នាំ២០២៣ លោកជំទាវ បាន ស្រីមុំ អភិបាល នៃគណៈអភិបាលខេត្តប៉ៃលិន បានអនុញ្ញាតឱ្យឯកឧត្តម ង្វៀន ថាញ់វ៉ាន់ អគ្គកុងស៊ុល នៃសាធារណរដ្ឋសង្គមនិយមវៀតណាមប្រចាំភូមិភាគ៥ នៅខេត្តបាត់ដំបង ចូលជួបសម្តែងការគួរសម និងពិភាក្សាការងារ ដើម្បីពង្រឹងកិច្ចសហការល្អ រវាងប្រទេសទាំងពីរ កម្ពុជា-វៀតណាម ព្រមទាំងជូនពរក្នុងឱកាសទិវានារីអន្តរជាតិ ០៨មីនា ផងដែរ

ក្នុងឱកាសអញ្ចើញជួបសំណេះសំណាលជាមួយបងប្អូនអាជីវករលក់ដូរ នៅជើងភ្នំយ៉ាតក្បែរអាស្រមលោកយាយយ៉ាត ចំនួន ១៣៦នាក់ នារសៀលថ្ងៃទី០២ ខែកុម្ភ: ឆ្នាំ២០២៣ លោកជំទាវ បាន ស្រីមុំ អភិបាលខេត្ត​ប៉ៃលិន បានមានប្រសាសន៍ណែនាំដល់អាជីវករលក់ដូរទាំងអស់ ត្រូវចូលរួមថែរក្សាអនាម័យបរិស្ថាន និងមានសណ្តាប់ធ្នាប់ របៀបរៀបរយល្អ ដើម្បីបង្កើនសោភ័ណភាពតំបន់បេតិកភណ្ឌវប្បធម៌ធម្មជាតិប្រវត្តិសាស្ត្រភ្នំយ៉ាត ជាពិសេសគឺទាក់ទាញភ្ញៀវជាតិ និងអន្តរជាតិ មកកំសាន្តក្នុងខេត្ត ឱ្យបានកាន់តែច្រើនឡើង ដែលជាកត្តាមួយរួមចំណែកក្នុងការជំរុញកំណើនសេដ្ឋកិច្ច ជីវភាពរបស់ប្រជាពលរដ្ឋឱ្យបានកាន់តែល្អប្រសើរឡើង

សៀវភៅដែលប្រគល់ ជូនរដ្ឋបាលខេត្តកោះកុង រួមមាន សៀវភៅកូនប្រុសច្បងដ៏មានឥទ្ធិពល សៀវភៅអ្នកយុទ្ធសាស្ត្រវ័យក្មេងនៅអាស៊ី សៀវភៅទឹកចិត្តអ្នកជួយសង្គ្រោះ សៀវភៅ សម្តេច ហ៊ុន សែន ៣យន្តការឈ្នះកូវីដ-១៩ និងសៀវភៅ សម្តេច ហ៊ុន សែន កំពូលស្ថាបនិក និងបិតាសន្តិភាពរបស់កម្ពុជា

សារលិខិតអបអរសាទររបស់សម្តេចវិបុលសេនាភក្តី សាយ ឈុំ ប្រមុខរដ្ឋស្តីទី នៃព្រះរាជាណាចក្រកម្ពុជា គោរពជូនសម្តេច ធម្មវិសុទ្ធវង្សា សៅ ទី ហេង សំរិន ក្នុងឱកាសនៃការប្រារព្ធខួបអនុស្សារីយ៍លើកទី១១២ នៃទិវាអន្តរជាតិនារី ៨មីនា ឆ្នាំ២០២៣

សារលិខិតអបអរសាទររបស់សម្តេចវិបុលសេនាភក្តី សាយ ឈុំ ប្រមុខរដ្ឋស្តីទី នៃព្រះរាជាណាចក្រកម្ពុជា ជូនលោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច ក្នុងឱកាសនៃការប្រារព្ធខួបអនុស្សារីយ៍លើកទី១១២ នៃទិវាអន្តរជាតិនារី ៨មីនា ឆ្នាំ២០២៣

សារលិខិតរបស់សម្តេចវិបុលសេនាភក្តី សាយ ឈុំ ប្រមុខរដ្ឋស្តីទី នៃព្រះរាជាណាចក្រកម្ពុជា ក្រាបបង្គំទូលថ្វាយសម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ក្នុងឱកាសនៃការប្រារព្ធខួបអនុស្សារីយ៍លើកទី១១២ នៃទិវាអន្តរជាតិនារី ៨មីនា ឆ្នាំ២០២៣

សារលិខិតអបអរសាទររបស់សម្តេចវិបុលសេនាភក្តី សាយ ឈុំ ប្រមុខរដ្ឋស្តីទី នៃព្រះរាជាណាចក្រកម្ពុជា គោរពជូនសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា ក្នុងឱកាសនៃការប្រារព្ធខួបអនុស្សារីយ៍លើកទី១១២ នៃទិវាអន្តរជាតិនារី ៨មីនា ឆ្នាំ២០២៣

លោកជំទាវ មិថុនា ភូថង អភិបាល នៃគណៈអភិបាលខេត្តកោះកុង បានលើកឡើងថា កាលពីថ្ងៃទី៥ ខែកុម្ភៈ ឆ្នាំ២០២៣ ក្រុមការងារនៃរដ្ឋបាលខេត្ត ដឹកនាំដោយលោក អន សុធារិទ្ធ អភិបាលរងខេត្ត បានចូលរួមវេទិកាទេសចរណ៍អាស៊ាន២០២៣ ASEAN Tourism Forum 2023 (ATF2023) និងបានតំណាងបេក្ខភាពខេត្តកោះកុង ទទួលជ័យលាភីពានរង្វាន់ទេសចរណ៍អាស៊ាន២០២៣ នាទីក្រុងយុក្យាការតា ប្រទេសឥណ្ឌូនេស៊ី។

ល្ងាចថ្ងៃពុធ ១០កើត ខែផល្គុន ឆ្នាំខាល ចត្វាស័ក ព.ស២៥៦៦ ត្រូវនឹងថ្ងៃទី១ ខែមីនា ឆ្នាំ ២០២៣ សម្តេចវិបុលសេនាភក្តី សាយ ឈុំ អនុប្រធានគណបក្ស និងជាប្រធានក្រុមកាងារគណបក្ស ចុះជួយរាជធានីភ្នំពេញ បានអញ្ជើញចុះជួបសំណេះសំណាលសួរសុខទុក្ខសមាជិក សមាជិកា គណៈកម្មាធិការបក្ស សង្កាត់ទឹកល្អក់ទី៣ ខណ្ឌទួលគោក រាជធានីភ្នំពេញ

លោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្ត្រី និងជាសមាជិករដ្ឋសភានៃព្រះរាជាណាចក្រកម្ពុជា បានទទួលជួបសំណេះសំណាល និងពិភាក្សាការងារជាមួយនឹង ឯកឧត្តម វ៉ិចទ័រ អូ សមាជិកព្រឹទ្ធសភាកាណាដា ដែលបានអញ្ជើញមកបំពេញទស្សនកិច្ចនៅកម្ពុជា​ នារសៀលថ្ងៃព្រហស្បតិ៍​ ១១កើត ខែផល្គុន ឆ្នាំខាល ចត្វាស័ក ព.ស. ២៥៦៦ ត្រូវនឹង ថ្ងៃទី២ ខែមីនា ឆ្នាំ២០២៣​

រសៀលថ្ងៃទី០២ ខែមីនា ឆ្នាំ២០២២ លោកជំទាវ បាន ស្រីមុំ អភិបាលខេត្តប៉ៃលិន បានអញ្ជើញជួបសំណេះសំណាល ជាមួយបងប្អូនអាជីវករលក់ដូ នៅក្បែរអាស្រមលោកយាយយ៉ាត ដើម្បីរៀបចំកែសម្រួលសណ្តាប់ធ្នាប់ អនាម័យ បរិស្ថានអោយកាន់តែមានរបៀបរៀបរយល្អថែមទៀត

អ្នកនាំពាក្យ​គណបក្ស​ប្រជាជន​កម្ពុជា ឯកឧត្តម សុខ ឥសាន បានមានប្រសាសន៍ថា គណបក្ស​ប្រជាជន​កម្ពុជា​មិនអាច​ទទួលយក​ការ​សុំទោស​របស់លោក​ សុន ឆ័យ ឡើយ ខណៈ​សំណុំរឿង​វិវាទ​ជាមួយ​លោក ​សុន ឆ័យ បាន​ធ្លាក់​ដល់ដៃ​តុលាការ​ទៅហើយ​ដែល​ជាការ​ហួសពេល​ទៅហើយ ដោយ​លោក​ប្រៀប​​ធៀប​ថា «​អង្ករ​បានក្លាយ​ទៅជា​បាយ​ទៅហើយ​»​ ខណៈ​ភាគី​គណបក្ស​ប្រជាជន​កម្ពុជា​ធ្លាប់​ទុក​ឱកាស​ឱ្យ​សុំទោស​យូរ​មកហើយ​ដែរ

ឯកឧត្តមបណ្ឌិត ជាម ច័ន្ទសោភ័ណ អភិបាល នៃគណៈអភិបាលខេត្តត្បូងឃ្មុំ អញ្ជើញជាអធិបតីភាពក្នុងកិច្ចប្រជុំផ្សព្វផ្សាយ សៀវភៅកម្មវិធីវិនិយោគបីឆ្នាំរំកិលខេត្តត្បូងឃ្មុំ (២០២៣-២០២៥) និងវគ្គរំលឹកស្តីពីការកសាងកម្មវិធីវិនិយោគបីឆ្នាំរំកិល (២០២៤-២០២៦)

នៅព្រឹកថ្ងៃទី១ ខែមីនា ឆ្នាំ២០២៣ ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម អញ្ជើញដឹកនាំកិច្ចប្រជុំស្ដីពីការរៀបចំប្រារព្វពិធី ទទួលភ្លើងគប់ត្រឡប់ពីបណ្ដាប្រទេសអាស៊ាន និងដង្ហែភ្លើងគប់ជុំវិញបឹងទន្លេសាប សម្រាប់កម្មវិធីប្រកួតកីឡាសុីហ្គេមលើកទី៣២ និងអាស៊ានប៉ារ៉ាហ្គេម លើកទី១២ ឆ្នាំ២០២៣ និងកិច្ចប្រជុំការងារចំបាច់ចំពោះមុខមួយចំនួនទៀត នៅសាលប្រជុំសាលាខេត្តកំពង់ចាម

លោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្រ្តី និងជាប្រធានសមាគមនារីកម្ពុជាដើម្បីសន្តិភាព និងអភិវឌ្ឍន៍ បានអញ្ជើញជាអធិបតីក្នុង ពិធី អបអរសាទរ ពិធីរំលឹកខួបទី១១២ ទិវាអន្តរជាតិ៨មីនា ឆ្នាំ២០២៣ ក្រោមមូលបទ «ស្រ្តីរួមគ្នា រក្សាសុខ សន្តិភាព ដើម្បីកិច្ចអភិវឌ្ឍ ក្នុងយុគសម័យឌីជីថល» នៅក្រសួងទំនាក់ទំនងជាមួយ រដ្ឋសភា-ព្រឹទ្ធសភា និងអធិការកិច្ច  នាព្រឹកថ្ងៃពុធ ១០កើត ខែផល្គុន ឆ្នាំខាល ចត្វាស័ក ព.ស.២៥៦៦ ត្រូវនឹង ថ្ងៃទី១ ខែមីនា ឆ្នាំ២០២៣