ព័ត៌មានជាតិ

វង់ល្បែងស៊ីសង (បៀរ អាប៉ោង) មួយកន្លែង ត្រូវបានឯកឧត្តម ម៉ៅ ធនិន អភិបាលនៃគណៈអភិបាលខេត្តពោធិ៍សាត់ និងជាប្រធានគណៈបញ្ជាការឯកភាពខេត្ត ដោយមានការសម្របសម្រួលពី ឯកឧត្តម កូយ កាន់យ៉ា ព្រះរាជអាជ្ញា នៃអយ្យការអមសាលាដំបូងខេត្ត បានដឹកនាំកម្លាំងកងរាជអាវុធហត្ថខេត្ត ចុះបង្ក្រាបឃាត់ខ្លួនមេអាប៉ោង និងក្រុមញៀនអាប៉ោង បានចំនួន១១នាក់ ក្នុងនោះស្រី២នាក់ និង៦នាក់ទៀតរត់រួច។

ឯកឧត្តម អ៊ុន ចាន់ដា បានស្នើ ដល់មន្ត្រី ពាក់ព័ន្ធ ឲ្យ រួមគ្នា ធ្វើ ការ ដោះស្រាយបញ្ហា ជនអនាថា និង ជន វិបល្លាសស្មារតី ដើម្បី លុបបំបាត់ ភាព អនាធិបតេយ្យ

សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានបញ្ជាក់ថា បន្ទាប់ពីបានចាក់វ៉ាក់សាំងបង្ការជំងឺ​កូវីដ​-១៩​រយៈពេល៣ថ្ងៃកន្លងមក គឺសុខភាពរបស់សម្ដេចនៅរក្សាភាពធម្មតា គ្រាន់តែងងុយដេកបន្តិចនៅថ្ងៃទី១។

សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានសម្រេចបិទបញ្ចប់ការធ្វើចត្តាឡីស័ក ​នៅតាម​ព្រំដែន​កម្ពុជា​-ថៃ សម្រាប់ពលករត្រឡប់មកពីប្រទេសថៃ ដែលមានសុខភាពធម្មតា។ ក៏ប៉ុន្តែនៅបន្តធ្វើចត្តាឡីស័ក ចំពោះ​ពលកររូបណាមានអាការៈសង្ស័យ ហើយត្រូវយកសំណាកទៅពិនិត្យ។ ការសម្រេចយ៉ាងដូច្នេះ បន្ទាប់ពី​ស្ថា​ន​ការណ៍ នៃការរាតត្បាតនៃជំងឺកូវីដ-១៩នៅប្រទេសថៃ ជាពិសេសខេត្តព្រះជិនបុរី ដែលនៅជាប់ព្រំដែនជាមួយកម្ពុជាមានការថមថយជាងមុន។

៣ការពារ និង ៣កុំ នៅក្នុងតួនាទីរបស់ស្ត្រី នៃបរិបទប្រយុទ្ធនឹងជំងឺកូវីដ-១៩ ដេីម្បីចូលរួមអបអរសាទរទិវានារីអន្តរជាតិ ៨មីនា ៖

បងប្អូនប្រជាពលរដ្ឋ ១១៥គ្រួសារ ដែលមានលំនៅដ្ឋានមិនរៀបរយលើចំណីផ្លូវ ដែលស្ថិតក្នុងគម្រោងស្ថាបនាហេដ្ឋារចនាសម្ព័ន្ធផ្លូវ៣៨ខ្សែ នៃក្រុងសៀមរាប បានស្ម័គ្រចិត្តចូលរួមចាប់ឆ្នោត ទទួលយករបបគោលនយោបាយរបស់រាជរដ្ឋាភិបាល ដើម្បីផ្លាស់ប្តូរការរស់នៅ ពីទីតាំងចាស់ដែលមិនស្របច្បាប់ ទៅរស់នៅលើទីតាំងដីឡូត៍ថ្មីដោយស្របច្បាប់ ក្នុងតំបន់អភិវឌ្ឍភូមិធម្មជាតិ រុនតាឯក ឃុំរុនតាឯក នៃស្រុកបន្ទាយស្រី។

ឯកឧត្តម អ៊ូច ភា អភិបាល នៃគណៈអភិបាលខេត្ត និងជាប្រធានគណបញ្ជាការឯកភាពខេត្តតាកែវ ព្រមទាំង ឯកឧត្តម លោកឧកញ៉ា សប្បុរសជន នៅព្រឹកថ្ងៃសៅរ៌ ៨រោច ខែ ផល្គុន ឆ្នាំជូត ទោស័ក ព.ស២៥៦៤ ត្រូវថ្ងៃទី ០៦ ខែ មីនា ឆ្នាំ ២០២១ បានអញ្ជើញចុះសាកសួរសុខទុក្ខ និងនាំយកសម្ភារៈគ្រឿងឧបភោគបរិភោគមួយចំនួនធំ ប្រគល់ជូនកងកម្លាំងឈរជើងនៅតាមបន្ទាត់ព្រំដែន ខេត្តតាកែវ – ខេត្តអានយ៉ាង ប្រទេសវៀតណាម ដែលពិធីនេះក៏មានការអញ្ជើញចូលរួមដោយ លោកឧត្តមសេនីយ៍ត្រីមេបញ្ជាការសឹករងតាកែវ លោកស្នងការរងនគរបាលខេត្ត លោក ឌឹម គឹមសាន អភិបាលស្រុកអង្គរបូរី លោក លោកស្រី អភិបាលរងស្រុក លោកវរសេនីយ៍ឯក យ៉ុង ប៊ុនយ៉ុន អធិការនគរបាលស្រុក ព្រមទាំងមន្រ្តីពាក់ព័ន្ធជាច្រើនរូប។

លោកជំទាវ បានស្រីមុំ អភិបាលខេត្តប៉ៃលិន និងឯកឧត្តម សៅ សារ៉ាត់ អ្នកតំណាងរាស្ត្រមណ្ឌលប៉ៃលិន ព្រមទាំងថ្នាក់ដឹកនាំមន្ត្រីរាជការ ប្រធានមន្ទីរជុំវិញខេត្ត បានអញ្ជើញជួបសំណេះសំណាលសួរសុខទុក្ខ និងចែកអំណោយ ដល់បងប្អូនអតីតយុទ្ធជនពិការ និងជនពិការចំនួន៨០គ្រួសារមកពីឃុំទាំង០៤ ក្នុងស្រុកសាលាក្រៅ ខេត្តប៉ៃលិន ព្រឹកថ្ងៃទី០៧ ខែមីនា ឆ្នាំ២០២១ ។

សេចក្តីព្រាងច្បាប់ស្តីពីវិធានការទប់ស្កាត់ការឆ្លងរាលដាលនៃជំងឺកូវីដ-១៩ និងជំងឺឆ្លងកាចសាហាវ និងប្រកបដោយគ្រោះថ្នាក់ធ្ងន់ធ្ងរផ្សេងទៀត ត្រូវបានសម័យប្រជុំរដ្ឋសភាជាវិសាមញ្ញនីតិកាលទី៦ ក្រោមអធិបតីភាពសម្តេចអគ្គមហាពញាចក្រី ហេង សំរិន ប្រធានរដ្ឋសភា បានអនុម័តផ្តល់ការគាំទ្រចំនួន ៨៣សំឡេងរួចហើយ នៅព្រឹកថ្ងៃទី៥ ខែមីនា ឆ្នាំ២០២១នេះ។

ឯកឧត្តម​ ជា​ សុមេធី​ អភិបាលខេត្តព្រៃវែង​ និងជាប្រធានគណៈកម្មាធិការសាខាកាកបាទក្រហមកម្ពុជាខេត្តព្រៃវែង​ និងលោកជំទាវ ជា ផល្គុន អនុប្រធានកិត្តិយស សាខាកាកបាទក្រហមកម្ពុជាខេត្តព្រៃវែង ជាមួយឯកឧត្តម ឧកញ៉ា សុខ ផេង អនុប្រធានអចិន្ត្រៃយ៍គណៈកម្មាធិការសាខាខេត្តព្រៃវែង​ និងសហការី បានចុះជួបសួរសុខទុក្ខ និងចែកអំណោយមនុស្សធម៌ ដើម្បីជួយសម្រាលទុក្ខការលំបាករបស់មណ្ឌលកុមារកំព្រាខេត្ត និងអង្គការសហព័ន្ធនារីពិការ ក្នុងកំឡុងពេលការរីករាលត្បាតជាសកលនៃជំងឺកូវីដ-១៩ ដែលមានចំនួនសរុប ១៦០នាក់នៅភូមិលេខ៦ និងភូមិលេខ៣ សង្កាត់កំពង់លាវ ក្រុងព្រៃវែង។

ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម នាព្រឹកថ្ងៃទី០៥ ខែមីនា ឆ្នាំ២០២១ អញ្ជើញដឹកនាំកិច្ចប្រជុំពិនិត្យ ពិភាក្សាលើសំណើរបស់ក្រុមហ៊ុនដៃគូឯកជន ក្នុងការកសាងច្រាំងទន្លេ ដែលបានបាក់-ស្រុត ក្នុងចំណុចឃុំសូរគង ស្រុកកងមាស និង ឃុំឬស្សីស្រុក-ឃុំកោះអណ្តែត ស្រុកស្រីសន្ធរ ក្នុងគម្រោងស្តារដីដុះ និងកោះដុះថ្មី ដើម្បី តម្រង់ចរន្តទឹកហូរ បញ្ជៀសការបាក់-ស្រុតច្រាំងទន្លេ ដែលបណ្តាលឲ្យប៉ះពាល់យ៉ាងធ្ងន់ធ្ងរដល់លំនៅដ្ឋាន ស្រែ ចំការរបស់បងប្អូនប្រជាពលរដ្ឋ។

តាមសំណើសុំវិនិយោគលើគម្រោងបង្កើតរោងចក្រកាត់ដេរសម្លៀកបំពាក់របស់ក្រុមហ៊ុន JIANGYAO (CAMBODIA) GARMENTS CO., LTD. គណៈកម្មាធិការវិនិយោគកម្ពុជានៃក្រុមប្រឹក្សាអភិវឌ្ឍន៍កម្ពុជា បានសម្រេចចេញវិញ្ញាបនបត្រចុះបញ្ជីជាស្ថាពរ ជូនដល់ក្រុមហ៊ុនខាងលើដែលមានទីតាំងវិនិយោគស្ថិតនៅសួនឧស្សាហកម្ម “ស៊ូចូវ ខេមបូឌា” អគារលេខ១ ផ្លូវជាតិលេខ២១ ភូមិព្រែកទ្បុង សង្កាត់រកាខ្ពស់ ក្រុងតាខ្មៅ ខេត្តកណ្តាល មានទុនវិនិយោគប្រមាណ ២,១លានដុល្លារអាមេរិក និងអាចបង្កើតការងារបានចំនួន ២.៦១១កន្លែង៕

ពាណិជ្ជកម្មទ្វេភាគីរវាងកម្ពុជា និងចិនមានតម្លៃ 8.118ពាន់លានដុល្លារក្នុងឆ្នាំ2020 ធ្លាក់ចុះ 5,2% បើប្រៀបធៀបនឹងឆ្នាំ 2019 ។

រាជរដ្ឋាភិបាលជប៉ុនបានផ្តល់ជំនួយឥតសំណងសម្រាប់គម្រោងទ្រង់ទ្រាយតូចផ្នែកវប្បធម៌គូសាណូណិ និងគម្រោងទ្រង់ទ្រាយតូចសន្តិសុខមនុស្សជាតិគូសាណូណិ ដែលមានទឹកប្រាក់សរុប១១៦,១៧៤ដុល្លារអាមេរិកដល់កម្ពុជា សម្រាប់យកទៅអនុវត្តផ្នែកអប់រំកាយសម្បទា និងអនាម័យនៅតាមសាលារៀននៅកម្ពុជា។

លោក គាំ សុខុម នាយកសាខាកាកបាទក្រហមកម្ពុជាខេត្តព្រះសីហនុ និងមន្ត្រីសាខា បាននាំយកអំណោយមនុស្សធម៌របស់កាកបាទក្រហមខេត្ត ទៅចែកជូនប្រជាពលរដ្ឋដែល កំពុងធ្វើចត្តាឡីស័ក ដែលពាក់ព័ន្ធព្រឹត្តិការណ៍ ២០កុម្ភៈ ចំនួន ១៨២គ្រួសារ ស្ថិតនៅភូមិ០១ សង្កាត់លេខ៣ ក្រុងព្រះសីហនុ ខេត្តព្រះសីហនុ កាលពីរសៀលថ្ងៃព្រហស្បតិ៍ ៦រោច ខែផល្គុន ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី០៤ ខែមីនា ឆ្នាំ២០២១។

ឯកឧត្តម ម៉ុម សារឿន ប្រធានគណៈកម្មាធិការសាខាកាកបាទក្រហមកម្ពុជាខេត្តស្ទឹងត្រែង ព្រឹកថ្ងៃទី ០៥ ខែមីនា ឆ្នាំ២០២១ បានដឹកនាំក្រុមការងារនាំយកនូវអំណោយចែកជូនប្រជាពលរដ្ឋក្រីក្រ ស្រី្តមេម៉ាយ ចាស់ជរា និង ជនងាយរងគ្រោះគ្មានទីពឹងចំនួន១០០នាក់ ស្ថិតក្នុងឃុំ ស្តៅ ស្រុកសេសាន ខេត្តស្ទឹងត្រែង។

លោក ទូ​សាវុធ អភិបាលរង​ខេត្តកោះកុង​បាន​ឲ្យ​ដឹង​នៅ​យប់​ថ្ងៃទី​០៥​មីនា​នេះ​ថា​អ្នក​ភ្នំពេញ​រស់នៅ​តំបន់​ផ្ទុះ​ជំងឺ​កូ​វីដ​១៩​ពេលធ្វើ​ដំណើរ​ទៅ​ខេត្តកោះកុង​ត្រូវធ្វើ​ច​ត្តា​ឡី​ស័ក​ចំនួន​១៤​ថ្ងៃ​និង​យក​សំណាក​រក​ជំងឺ​កូ​វីដ​១៩​។

តំបន់ប្រវត្តិសាស្ត្រយោធាតេជោភ្នំ៣២”ដែលស្ថិតក្នុងស្រុកសំពៅលូន ខេត្តបាត់ដំបង គ្រោងរៀបចំប្រែក្លាយតំបន់សមរភូមិប្រយុទ្ធដ៏ក្តៅគគុករវាងខ្មែរនិងខ្មែរហើយក៏ជាទីតាំងដ៏រឹងមាំរបស់អតីតក្រុមទាហានខ្មែរក្រហម និងជាទីតាំងបញ្ជាការដ្ឋានយោធាជាន់ខ្ពស់សមរភូមិមុខ នៅក្នុងអំឡុងមុនពេលធ្វើការផ្តាច៎ខ្លួនចុះចូលធ្វើសមាហរណកម្មជាមួយរាជរដ្ឋាភិបាលកម្ពុជាដំបូងបង្អស់មុនគេនៅក្នុងអំឡុងឆ្នាំ១៩៩៦កន្លងមកហើយក៏ជាទីតាំងអតីតសាលានយោបាយរណសិរ្ស២៥០និងផ្ទះស្នាក់នៅរបស់កម្មាភិបាលរណសិរ្ស២៥០​ “កូនភ្នំ៣២” ផងដែរ។

ឯកឧត្តម រ័ត្ន វីរៈ អនុប្រធានគណៈអចិន្ដ្រៃយ៍ក្រុមការងារគណបក្សស្រុក និងជាប្រធានលេខាធិការដ្ឋានគណបក្សស្រុក បានអញ្ជើញជួបសំណេះសំណាលជាមួយលោកមេឃុំ និងក្រុមប្រឹក្សាឃុំព្រះធាតុ អំពីស្ថានភាពទូទៅនៅក្នុងឃុំ និងបានណែនាំឱ្យបន្តការយកចិត្តទុកដាក់កាន់តែខ្លាំងចំពោះការចូលរួមទប់ស្កាត់ និងបង្ការការរាតត្បាតជំងឺកូវីដ១៩ តាមការណែនាំរបស់ ក្រសួងសុខាភិបាល ក្នុងនោះផងដែរឯកឧត្តមបានឧបត្ថម្ភថវិកាតាមសំណើរបស់គណបក្សឃុំដើម្បីផ្តល់ជូនការីកុំព្យូទ័រសម្រាប់រៀបចំការងារការងារប្រចាំថ្ងៃរបស់ឃុំ។

ឯកឧត្តម ឃួង ស្រេង អភិបាល រាជធានី នៅព្រឹកថ្ងៃសៅរ៍ទី០៦ ខែមីនា ឆ្នាំ២០២១នេះ បានបន្ដដឹកនាំអជ្ញាធររាជធានី ចុះចែកអំណោយជាស្បៀងអាហារជូនដល់បងប្អូនប្រជាពលរដ្ឋដែលកំពុងតែធ្វើចត្តាឡីស័កតាមផ្ទះផ្ទាល់ខ្លួនចំនួន៣០គ្រួសារ ស្ថិតនៅភូមិជង្រុក និង១៥គ្រួសារ ស្ថិតនៅក្នុងសហគមន៍ត្រពាំងអញ្ជាញសង្កាត់ត្រពាំងក្រសាំង ខណ្ឌពោធិ៍សែនជ័យ រាជធានីភំ្នពេញ។