ព័ត៌មានជាតិ

ក្រសួងសុខាភិបាលកម្ពុជា ជូនដំណឹងថា ចំនួនអ្នកចាក់វ៉ាក់សាំងចិនស៊ីណូហ្វាម ចាប់ពីថ្ងៃទី១០កុម្ភៈ គិតមកដល់ថ្ងៃទី១២មីនានេះ មាន១សែន៦ម៉ឺន៥១៣៣នាក់ ក្នុងនោះស្រី្តជិត៥ម៉ឺន៥ពាន់នាក់។ នេះបើយោងតាមប្រកាសព័ត៌មានពីក្រសួងសុខាភិបាល ៕

គ្រឹះស្ថានអង្គរជូនដំណឹងដល់សាធារណៈជនជាតិ អន្តរជាតិ គ្រប់ប្រតិបត្តិករទេសចរណ៍ ព្រមទាំងភ្ញៀវទេសចរបរទេសទាំងអស់មេត្តាជ្រាបថា ដើម្បីសម្រួលដល់វិស័យទេសចរណ៍ និងធានាភាពទាក់ទាញភ្ញៀវទេសចរមកទស្សនារមណីយដ្ឋានអង្គរ ក៏ដូចជាមកព្រះរាជាណាចក្រកម្ពុជា ក្នុងកំឡុងពេលមានវិបត្តិនៃជំងឺកូវីដ១៩ រាជរដ្ឋាភិបាលបានសម្រេចផ្តល់គោលនយោបាយលើការលើកទឹកចិត្តដល់ភ្ញៀវទេសចរបរទេស នូវការលក់បណ្ណចូលទស្សនាមរណីយដ្ឋានអង្គរ គិតចាប់ពីថ្ងៃទី១១ ខែមីនា ឆ្នាំ២០២១ ដល់ថ្ងៃទី៣១ ខែធ្នូ ឆ្នាំ២០២១។

បន្ទាប់ពីបានអញ្ជើញចុះពិនិត្យដោយផ្ទាល់ កាលពីរសៀលថ្ងៃទី ខែមីនាឆ្នាំ២០២១ ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម បានចាត់ឲ្យក្រុមការងារខេត្តដឹកនាំដោយឯកឧត្តម ហេង វណ្ណនី អភិបាលរងខេត្តដឹកនាំដឹកនាំមន្ទីរ អង្គភាពជំនាញ និងអាជ្ញាធរមូលដ្ឋាន សហការ​ជាមួយ​ដៃគូ​ក្រុមហ៊ុន ឯកជន​មួយ បាននិងកំពុង​ចាត់វិធានការ ទប់ស្កាត់​ការបាក់​ច្រាំងទន្លេ​មេគង្គ ស្រុក​ស្រី​សន្ធរ និង​ស្រុក​កងមាស ប្រវែង​សរុប​ប្រមាណ ២.០០០ ម៉ែត្រ និង​រៀបចំ​បូម​យក​ខ្សាច់ និង​ដី​ពី តំបន់​កោះ​តូច នាពេល​ឆាប់ៗ ខាងមុខនេះ​។ ក្រោយពី​មាន​សំណូមពរ​របស់ ប្រជាពលរដ្ឋ នៃ​ស្រុក​ទាំងពីរ​។​

អភិបាលខេត្តកំពង់ចាម និងជាប្រធានគណៈកម្មការប្រយុទ្ធប្រឆាំងជំងឺកូវីដ១៩ខេត្តឯកឧត្ដម អ៊ុន ចាន់ដា នៅថ្ងៃទី១២ ខែមីនា ឆ្នាំ២០២១ បានដឹកនាំក្រុមការងារ ជាពិសេសក្រុមគ្រូពេទ្យជួរមុខ ចុះពិនិត្យ អ្នកកំពុងធ្វើចត្តាឡីស័ក នៅមជ្ឈមណ្ឌលគរុកោសល្យភូមិភាគខេត្តកំពង់ចាម ក្នុងគោលបំណងដើម្បីឱ្យបងប្អូនចូលរួមសហការជាមួយអាជ្ញាធរ ក្រុមគ្រូពេទ្យ ក្នុងការទប់ស្កាត់ និងប្រយុទ្ធប្រឆាំងនឹងជំងឺកូវីដ-១៩ ដែលកំពុងរីករាលដាលពេញសកលលោក។

លទ្ធផលនៃជំនួបតាមប្រព័ន្ធវីដេអូរវាងនាយករដ្ឋមន្រ្តីនៃប្រទេសទាំងបី ព្រះរាជាណាចក្រកម្ពុជា សាធារណរដ្ឋប្រជាធិបតេយ្យប្រជាមានិតឡាវ និងសាធារណរដ្ឋសង្គមនិយមវៀតណាម នៅថ្ងៃទី១០ ខែមីនា ឆ្នាំ២០២១។

ក្រសួងការបរទេសនិងសហប្រតិបត្តិការអន្តរជាតិ នៅថ្ងៃទី១១ ខែមីនា​ ឆ្នាំ២០២១​ បានជូនដំណឹងស្តីពីការផ្តល់ទិដ្ឋាការដល់ជនបរទេសសម្រាប់ការធ្វើដំណើរចូលព្រះរាជាណាចក្រកម្ពុជា៕

ឯកឧត្ដម ឧត្តមសេនីយ៍ទោ សោម ស៊ុន មេបញ្ជាការតំបន់ប្រតិបត្តិការ សឹករង កំពង់ធំ ប្រធានសមាគម អតីតយុទ្ធជនកម្ពុជា ខេត្តកំពង់ធំ បាននាំយកអំណោយរបស់ឯកឧត្តម បណ្ឌិត ហ៊ុន ម៉ាណែត និងលោកជំទាវ ពេជ ចន្ទ មុន្នី ឧបត្ថម្ភជូន អតីតយុទ្ធជនពិការ និងគ្រួសារអតីតយុទ្ធជនពលី ដែលមានជីវភាព លំបាកខ្វះខាត ចំនួន១២គ្រួសារ រងផលប៉ះពាល់ ដោយសារការឆ្លងរីករាល ដាល មេរោគកូវីដ១៩ ជាសកល នៅឃុំម្សាក្រង ស្រុកស្ទោង ខេត្តកំពង់ធំ ដោយក្នុងមួយគ្រួសារ ទទួលបាននូវអង្ករ ចំនួន៣០គីឡូក្រាម មីជាតិចំនួន មួយ កេស ទឹកត្រី ចំនួនមួយ យួរទឹកសុទ្ធ មួយយួរ និងថវិកាមួយចំនួនផងដែរ។

សម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជា បានចេញបទបញ្ជាឱ្យរដ្ឋបាលរាជធានីភ្នំពេញ និងមេបញ្ជាការកង​​ទ័ព​​ជើង​គោក និងភាគីពាក់ព័ន្ធមួយចំនួន ត្រូវរៀបចំសណ្ឋាគារចំនួន២បន្ថែមទៀត ក្នុងរាជធានីភ្នំពេញ ដើម្បីធ្វើជាមន្ទី​​រពេទ្យ​សម្រាប់ព្យាបាលអ្នកជំងឺកូវីដ-១៩។

ក្រុមការងារតាមដានការ ដោះស្រាយមតិយោបល់ ឬសំណូមពររបស់មហាជន ក្នុងគេហទំព័រហ្វេ សប៊ុករបស់ សម្ដេចក្រឡាហោម ស ខេង ឧបនាយករដ្ឋមន្ដ្រី រដ្ឋមន្ដ្រីក្រសួងមហាផ្ទៃ កាលពីខែកុម្ភៈ ឆ្នាំ២០២១ បានបញ្ជូនទៅបណ្ដាអង្គភាពពាក់ព័ន្ធ ដើម្បីធ្វើការដោះស្រាយបានចំនួន ៣៦ករណី និងកំពុងដោះស្រាយ ចំនួន៣៨៥ ករណី។ នេះបើយោងតាមលិខិត របស់ក្រសួងមហាផ្ទៃ ។

ប្រមុខសហភាពអឺរ៉ុប លោក ស្រី អឺ ស៊ូ ឡា វ៉ុន ដេ ឡេន បានព្រមានថា វ៉ាក់សាំងជាច្រើនទៀត នឹងត្រូវបិទ មិនឱ្យនាំចេញឡើយ ដោយនិយាយថា ចំណាត់ការប្រឆាំងនឹងអូស្ត្រាលី កាលពីសប្តាហ៍មុន “ មិនមែន ធ្វើតែម្តង ហើយឈប់នោះទេ ” ។

ប្រទេសចិនបានចាប់ផ្ដើមដំណើរការហើយនូវកម្មវិធីចេញវិញ្ញាបនបត្រសុខភាពសម្រាប់អ្នកដំណើរនៅក្នុងស្រុក ដែលនេះជាការនាំមុខគេនៅក្នុងផែនការដែល គេស្គាល់ថា «លិខិតឆ្លងដែនវ៉ាក់សាំងប្រឆាំងវីរុសកូរ៉ូណា (COVID-19)»។ នេះបើយោងតាមការចេញផ្សាយដោយសារព័ត៌មាន CNA នៅថ្ងៃអង្គារ ទី០៩ ខែមីនា ឆ្នាំ២០២១។

រដ្ឋបាលខេត្តកំពង់ចាមសំរេចផ្អាកការរៀបចំពិធីមង្គលការ ពិធីជប់លៀង ការជួបជុំតាមបែបសាសនានានាជាបណ្ដោះអាសន្នរយៈពេល ២សប្តាហ៍

ឯកឧត្តម សុខ លូ អភិបាលខេត្តកំពង់ធំ នៅព្រឹកថ្ងៃទី ១០ ខែមីនា ឆ្នាំ២០២១ បានប្រកាសថាបានត្រៀមខ្លួនរួចជាស្រេច ដើម្បីទទួលបងប្អូនពលករជាង៤០០នាក់ មកពីខេត្តបន្ទាយមានជ័យ មកបន្តចត្តាឡីស័កនៅខេត្តកំពង់ធំ ដែលនឹងត្រូវមកដល់នៅយប់នេះ ។

ក្រុមអ្នកសេដ្ឋកិច្ចវិទូនៅថ្ងៃពុធនេះបានធ្វើការព្យាករណ៍សាជាថ្មីចំពោះកំណើនផលិតផលក្នុងស្រុកសរុប ឬ GDP របស់សិង្ហបុរីសម្រាប់ឆ្នាំនេះដែលមានទំហំធំជាងមុនដោយសារកត្តារីកចំរើនខ្លាំង ជាពិសេសៃគឺវិស័យផលិតកម្ម និងហិរញ្ញវត្ថុ។

ឯកឧត្តម ងួន រតនៈ អភិបាលខេត្តបាត់ដំបង បានដឹកនាំក្រុមមន្រ្ដីជំនាញនៃមន្ទីរសុខាភិបាលនៃរដ្ឋបាលខេត្តបាត់ដំបង អញ្ជើញចុះពិនិត្យទីតាំងមណ្ឌលចត្តាឡីស័កកម្រិតទី១ចំនួន៣កន្លែង ក្នុងនោះមានស្រុកមោងឫស្សី ស្រុកគាស់ក្រឡ និងស្រុកសង្កែ ខេត្តបាត់ដំបង ដើម្បីត្រៀមទទួលពលករដែលទើបមកពីប្រទេសថៃវិញ ដែលត្រូវយកពួកគាត់មកដាក់នៅតាមស្រុកកំណើតរៀងៗខ្លួនគាត់វិញ ដោយស្របទៅតាមអនុសាសន៍សម្ដេចតេជោ ហ៊ុន សែន ដែលបានសម្រេចឲ្យពលករមកពីប្រទេសថៃ អាចធ្វើចត្តាឡីស័កនៅតាមបណ្ដារាជធានី ខេត្ត ក្រុង ស្រុកកំណើតរបស់ខ្លួន។

ការនាំចេញផលិតផលគ្រប់ប្រភេទរបស់កម្ពុជាទៅកាន់ទីផ្សាររបស់ប្រទេសមហាអំណាចសេដ្ឋកិច្ចសហរដ្ឋអាមេរិកក្នុងខែដំបូងឆ្នាំ2021កន្លងទៅនេះមានការកើនឡើងរហូតដល់ប្រមាណ 580 លានដុល្លារ ស្មើនឹងប្រមាណ3.7ភាគរយបើធៀបទៅនឹងរយៈពេលដូចគ្នាកាលពីឆ្នាំ2020។

នៅចំណុចភូមិត្នោតលេី ឃុំឬស្សីស្រុក ស្រុកស្រីសន្ធ ខេត្ដកំពង់ចាម ដោយស្ថិតក្រោមការដឹកនាំនិងសម្របសម្រួលរបស់ឯកឧត្ដម អ៊ុន ចាន់ដា អភិបាលនៃគណ:អភិបាលខេត្ដកំពង់ចាម និងគណ:កម្មការ បានចូលរួមក្នុងការដោះស្រាយលេីបណ្ដឹងរបស់ប្រជាពលរដ្ឋចំនួន០៤គ្រួសារដែលសុំបេីកផ្លូវសាធារណ:នៅចំណុចភូមិត្នោតលេី ឃុំឬស្សីស្រុក ស្រុកស្រីសន្ធ ខេត្ដកំពង់ចាម ដែលត្រូវបានកាន់កាប់ដោយឈ្មោះពិន ផល្លា(កូនស្រីបង្កេីតរបស់ឈ្មោះឈឹម រ៉េត)។

ឯកឧត្តម ថង សាវុន អភិបាលខេត្តរតនគិរី អមដំណើរដោយលោកមេបញ្ជាការកងកម្លាំងប្រដាប់អាវុធទាំងបីប្រភេទ និងប្រធានមន្ទីរពាក់ព័ន្ធមួយចំនួន បានអញ្ជើញត្រួតពិនិត្យកងកម្លាំង ដែលកំពុងឈរជើងលើដងផ្លូវជាតិ៧៦ ក្នុងការរឹតបន្តឹងការធ្វើចរាចរណ៍ចេញចូល ដើម្បីការពារទប់ស្កាត់ការឆ្លងរីករាលដាលជំងឺកូវីដ-១៩ ត្រង់ភូមិសាស្រ្តស្រុកលំផាត់។

ក្រោយពីទទួលបានបទបញ្ជាដ៏ខ្ពង់ខ្ពស់ពីសម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ឱ្យទទួលយកពលករមកធ្វើចត្តាឡីស័ក នៅតាមបណ្ដាខេត្តរបស់ខ្លួនវិញ ឯកឧត្ដម អ៊ុន ចាន់ដា អភិបាលនៃគណៈអភិបាលខេត្ត និងជាប្រធានកម្មការខេត្ត ប្រយុទ្ធប្រឆាំងនឹងជំងឺកូវីដ-១៩ បានចាត់ឲ្យ ឯកឧត្ដម កែវ នាឬទ្ធិ អភិបាលរងខេត្ត ដឹកនាំក្រុមការងារខេត្តកំពង់ចាម ដើម្បីទៅទទួល និងដឹកជញ្ជូនបងប្អូនពលករ មកពីបណ្ដាខេត្តនៅតាមព្រំដែនកម្ពុជា-ថៃ ក្នុងនោះមាន៖ ពោធិ៍សាត់ ប៉ៃលិន បាត់ដំបង បន្ទាយមានជ័យ ប៉ៃលិន និងខេត្តឧត្តរមានជ័យ។

ឯកឧត្ដម អ៊ូច ភា អភិបាលខេត្ត នៃគណៈអភិបាល ខេត្តតាកែវ រួមជាមួយមន្រ្តីជំនាញពាក់ព័ន្ធ នៅព្រឹកថ្ងៃអង្គារ ទី០៩ ខែមីនា ឆ្នាំ ២០២១ បានអញ្ជើញចុះពិនិត្យមណ្ឌលចត្តាឡីស័ក នៅក្នុងអាគារអន្តេវាសិកដ្ឋាននៅមជ្ឈមណ្ឌលគរុកោសល្យភូមិភាគតាកែវ ព្រមទាំងសួរសុខទុក្ខពលករជាង១០០នាក់ ដែលទើបតែវិលត្រឡប់មកពីប្រទេសថៃ។