ខេត្តស្វាយរៀង៖ ឯកឧត្តមនាយឧត្តមសេនីយ៍ សៅ សុខា សមាជិកអចិន្ត្រែយ៍ គណៈកម្មាធិកាកណ្តាល និងជាប្រធានក្រុមការងារ គណៈកម្មាធិការកណ្តាល គណបក្សប្រជាជនកម្ពុជា ចុះមូលដ្ឋានស្រុករមាសហែក នៅព្រឹកថ្ងៃទី១៤ ខែ មីនា ឆ្នាំ២០២១ នេះ បានអញ្ជើញជាអធិបតី ក្នុងពិធីសំណេះសំណាល និងប្រគល់រថយន្ត ១គ្រឿង ជូនគណៈកម្មការ ប្រយុទ្ធប្រឆាំងនឹងជំងឺកូវីដ ១៩ ស្រុករមាសហែក និងម៉ូតូចំនួន ១៦ គ្រឿង ដល់មន្ត្រីសុខាភិបាល សម្រាប់ បម្រើការងារ តាមមណ្ឌលសុខភាព ទាំង ១៦ ក្នុងស្រុករមាសហែក និងបានផ្តល់ម៉ាស៊ីន វាស់កំដៅ ៥០ គ្រឿង មួកសុវត្ថិភាព ៥០ ។
លោក ស៊ូ ម៉ុល អភិបាលស្រុករមាសហែក បានឲ្យដឹងថាៈ ដើម្បីឆ្លើយតប ប្រយុទ្ធប្រឆាំង នឹងជំងឺកូវីដ១៩ កន្លងមក នៅឆ្នាំ២០២០ រដ្ឋបាលស្រុករមាសហែក បានបង្កើតច្រកគោល ដៅ ៥ ទីតាំង តាមព្រំដែន រវាងខេត្តព្រៃវែង និងខេត្តស្វាយរៀង ក្នុងការត្រួតពិនិត្យសុខភាព ប្រជាពលរដ្ឋ ជាពលករ ដែលវិលត្រឡប់មកពីបណ្តាខេត្តនានា ក្នុងនិងក្រៅប្រទេស។ មណ្ឌលចត្តាឡីស័កកម្រិត២ ខេត្ត នៅវត្តអណ្តូងត្របែក និងសាលាបឋមសិក្សា អណ្តូងត្របែក និងចត្តាឡីសក័កម្រិត១ តាមកំណត់គោលដៅ គឺសាលបឋមសិក្សា តាមបណ្តាឃុំ ចំនួន ១៥ ទីតាំង។ មណ្ឌលចត្តាឡីស័កកម្រិត ២ ខេត្ត នៅមន្ទីរពេទ្យស្រុកប្រតិបត្តិ ស្រុករមាសហែក។
ឱកាសនោះ ឯកឧត្តម សៅ សុខា បានកោតសរសើរ ដល់ថ្នាក់ដឹកនាំ ថ្នាក់ខេត្ត ថ្នាក់ស្រុក ឃុំ និងកងកម្លាំងនគបាល កងរាជអាវុធហត្ថ កងយោធពលខេមរភូមិន្ទ បានសហការគ្នាល្អ ជាមួយមន្ត្រីសុខាភិបាល ប្រយុទ្ធប្រឆាំងនឹងជំងឺកូវីដ ១៩ ក្នុងឆ្នាំ២០២០ បានជោគជ័យ (អវិជ្ជមាន)សូមកោតសរសើរយុទ្ធជនអាវ ស កងកម្លាំងអនុវត្តបទបញ្ជា របស់ប្រមុខរាជរដ្ឋាភិបាល និងអនុវត្តតាមគោលការណ៍ របស់ក្រសួងសុខាភិបាល ការពារសុខភាព ជូនប្រជាពលរដ្ឋ ជាពិសេសស្រុករមាសហែក (អវិជ្ជមានកូវីដ១៩) នេះគឺជោគជ័យ ហើយត្រូវតែបន្តអនុវត្តវិធាន ៣ការពារ ៣កុំ ឲ្យមានប្រសិទ្ធភាព។
ឯកឧត្តមក៏បាននាំនូវការផ្តាំផ្ញើសួរសុខទុក្ខរបស់ សម្តេចតេជោ ហ៊ុនសែន និងសម្តេចកិត្តិព្រឹទ្ធបណ្ឌិត ប៊ុនរ៉ានី ហ៊ុនសែន ដែលតែងតែគិតគូរ អំពីសុខទុក្ខរបស់ប្រជាពលរដ្ឋ មន្ត្រីរាជការ ជនរួមជាតិ ទាំងសូមជនពរមានសុខភាពល្អ ទាំងអស់គ្នា។
ឯកឧត្តមបានបន្តថាៈ ការធ្វើចត្តាឡីស័ក គឺជាការរក្សាគម្លាត ដូច្នេះត្រូវរៀបចំដាក់គ្រែ ឲ្យបានចម្ងាយ ២ ម៉ែត្រពីគ្នា និងឲ្យមានបរិស្ថានល្អ គោលការណ៍ទី១ ធានាសុខភាពជូនប្រជាពលរដ្ឋ កន្លែងស្នាក់នៅស្អាត ត្រូវផ្តល់ឃីដ១ (មុង ១ ភួយ១ កន្ទេល១ ខ្នើយ១ និងក្រមារ១) ម្ហូបអាហារហូបចុកគ្រប់គ្រាន់ ទឹកប្រើប្រាស់ ភ្លើង បង្គន់អនាម័យ មានទូរទស្សន៍ មើលកំសាន្ត ដោយមាន VCD ចាក់ស្បតអប់រំ រូបភាពកូនក្មេង ស្លាប់ដោយកូវីដ១៩ ការយកសំណាកក្មេងយំ ការនាំគ្នាទៅចាក់វ៉ាក់សាំង ការពារកូវីដ១៩ ផ្សព្វផ្សាយច្បាប់ ស្តីពីកូវីដ១៩ អនុក្រឹត្យ ស្តីពីបទល្មើស ការផាកពិន័យ នៃបទល្មើសកូវីដ១៩ និងវិធានការ ៣ការពារ ៣កុំ ដើម្បីឲ្យប្រជាពលរដ្ឋ ដែលកំពុងធ្វើចត្តាឡីស័ក បានមើលហើយបានយល់។ ត្រៀមឃីដ ក្នុង១ឃុំ ២០ ឈីដ ស្មើ ១៦ ឃុំ ៣២០ ឃីដ ហើយបើមានពលករ មកធ្វើចត្តាឡីស័ក នៅឃុំណា ១០នាក់ ត្រូវចែក ១០ ទិញថែម ១០ ឲ្យគ្រប់ត្រៀម ២០ ឃីដវិញ ចំពោះពលករដែលធ្វើចត្តាឡីស័ក គ្រប់ ១៤ ថ្ងៃ អវិជ្ជមានត្រឡប់ទៅផ្ទះវិញ គឺឲ្យយកឃីដ ទៅផ្ទះតែម្តង៕
