ព័ត៌មានអន្តរជាតិ

រដ្ឋមន្រ្តីការបរទេសសិង្ហបុរីបាននិយាយថា រដ្ឋមន្រ្តីការបរទេសនៃសមាគមប្រជាជាតិអាស៊ីអាគ្នេយ៍ នឹងបើកកិច្ចប្រជុំពិសេសមួយនៅថ្ងៃអង្គារនេះ ដើម្បីពិភាក្សាអំពីវិបត្តិនៅប្រទេសមីយ៉ាន់ម៉ា ដោយលោកអំពាវនាវឲ្យមានការដោះលែងមេដឹកនាំលោកស្រី អ៊ុងសាន ស៊ូជី ជាបន្ទាន់។

គឺជាប្រវត្តិសាស្ត្រហើយ ដែលតុលាការបារាំងនៅថ្ងៃច័ន្ទនេះ បានសម្រេចផ្តន្ទាទោសអតីតប្រធានាធិបតីខ្លួនគឺលោក Nicolas Sarkozy ឱ្យជាប់ពន្ធនាគាររយៈពេល៣ឆ្នាំពីបទពុករលួយ ប៉ុន្តែបានព្យួរទោសរយៈពេល២ឆ្នាំ។

បរទេស ៖ យោងតាមការចេញផ្សាយរបស់ទូរទស្សន៍ BBC ចេញផ្សាយនៅថ្ងៃចន្ទនេះបានឲ្យដឹងថា ការវិនិយោគរបស់ប្រទេសចិននៅក្នុងប្រទេសអូស្ត្រាលីត្រូវបានគេដឹងថាបានធ្លាក់ចុះខ្លាំងរហូតទៅដល់ 61 ភាគរយកាលពីឆ្នាំ2020 ដែលវាគឺជាតួលេខមិនធ្លាប់មានឡើយក្នុងរយៈពេល 6 ឆ្នាំចុងក្រោយនេះ។ ការធ្លាក់ចុះយ៉ាងគំហុកនេះក៏ត្រូវបានគេមើលឃើញថាបានកើតឡើងនៅក្នុងពេលដែលស្ថានភាពការទូតរវាងប្រទេសមហាយក្សទាំងពីរកំពុងមានភាពតានតឹងដាក់គ្នាដោយក្នងនោះតាមទិន្នន័យដែលបានបង្ហាញដោយសកលវិទ្យាល័យជាតិអូស្ត្រាលីបានឲ្យយើងឃើញថាទំហំវិនិយោគរបស់ចិននៅក្នុងប្រទេសអូស្ត្រាលីមានត្រឹមតែ 780 លានដុល្លារប៉ុណ្ណោះកាលពីឆ្នាំទៅ។ នៅក្នុងឆ្នាំ 2020 នេះផងដែរក្រុមហ៊ុនវិនិយោគរបស់ចិនមានចំនួនត្រឹមតែ 20 ប៉ុណ្ណោះដែលមានវត្តមាននៅក្នុងប្រទេសអូស្ត្រាលីធៀបទៅនឹងទំហំវិនិយោគខ្លាំងបំផុតកាលពីឆ្នាំ 2016 ដែលគ្រានោះក្រុមហ៊ុនចិនមានរហូតទៅដល់ 111 ។ដោយឡែកតួលេខកាលពីឆ្នាំ 2019 វិនិយោគចិនគឺ បានធ្លាក់ចុះរហូតទៅដល់ 47 ភាគរយរួចទៅហើយដែលឆ្នាំនោះទំហំវិនិយោគសរុបមានត្រឹមតែ 1.57 ពាន់លានដុល្លារប៉ុណ្ណោះ។

ប្រធានអង្គការសុខភាពពិភពលោកបានអំពាវនាវឲ្យមានការចែកចាយវ៉ាក់សាំងការពារជំងឺកូវីដ ១៩ ដោយយុត្តិធម៌ ខណៈពេលដែលបង្កើនការប្រុងប្រយ័ត្នចំពោះការកើនឡើងនៃករណីឆ្លងថ្មីៗនេះ ។ លោក Tedros Adhanom Ghebreyesus អគ្គនាយកអង្គការសុខភាពពិភពលោកបានប្រាប់ក្រុមអ្នកសារព័ត៌មានកាលពីថ្ងៃចន្ទថា ការដាក់ឲ្យប្រើប្រាស់វ៉ាក់សាំងបានចាប់ផ្តើមនៅក្នុងប្រទេសហ្គាណា និងកូឌីវ័រនៅក្រោមកម្មវិធី COVAX ។ វាជាក្របខ័ណ្ឌអន្តរជាតិដើម្បីធានាបាននូវការទទួលវ៉ាក់សាំងត្រឹមត្រូវ ។

ប្រទេសឡាវ បានពង្រីកវិធានការការពារជំងឺកូវីដ១៩របស់ខ្លួន ហើយតម្រូវឲ្យជនបរទេសទាំងអស់ដែលចូលក្នុងប្រទេស ត្រូវទិញធានារ៉ាប់រងជំងឺកូវីដ១៩។

អាមេរិក​៖​ ​អ្នកជំនាញ​កំពូល​ផ្នែក​ជំងឺឆ្លង​អាមេរិក​ ​លោក​វេជ្ជបណ្ឌិត​ ​អាន់​ថូ​នី​ ហ្វូ​ស៊ី​ ​បាន​លើកទឹកចិត្ត​ឱ្យ​ពលរដ្ឋ​អាមេរិក​ទាំងអស់​ ​យល់ព្រម​ចាក់​វ៉ាក់សាំង​ណាមួយ​ក៏បាន​ ​ក្នុងចំណោម​វ៉ាក់សាំង​ទាំង​០​៣​ ​ដែល​ត្រូវ​បាន​អនុញ្ញាត​ឱ្យ​ប្រើប្រាស់​នៅ​ក្នុង​សហរដ្ឋអាមេរិក​ ​។​ លោក​វេជ្ជបណ្ឌិត​ ហ្វូ​ស៊ី​ ​បាន​ថ្លែង​អំពាវនាវ​ខាងលើ​នេះ​ ​នៅ​ក្នុង​បទសម្ភាសន៍​ជាមួយ​ទូរទស្សន៍​ NBC ​កាលពី​ថ្ងៃអាទិត្យ​ម្សិលមិញ​ ​ពោល​គឺ​ក្រោយពេល​ដែល​វ៉ាក់សាំង​ ​Co​v​i​d​-19 ​របស់​ក្រុមហ៊ុន​ ​ចន​សុ​ន​ ​អ៊ែន​ ​ចន​សុ​ន​ (J&J) ​ត្រូវ​បាន​រដ្ឋបាល​ចំណីអាហារ​ ​និង​ឱសថ​អាមេរិក​ (​F​D​A​) ​អនុម័ត​ឱ្យ​ប្រើប្រាស់​ក្នុង​ករណី​បន្ទាន់​ ​ដែល​ធ្វើ​ឱ្យ​វា​ក្លាយ​ជា​វ៉ាក់សាំង​ទី​ ​៣​ ​ដែល​ទទួល​បាន​ការអនុញ្ញាត​នៅ​ក្នុង​សហរដ្ឋអាមេរិក​ ​បន្ទាប់ពី​វ៉ាក់សាំង​ក្រុមហ៊ុន​ ​ភី​ហ្វីហ្សឺ-​បាយ​អូ​អិ​ន​ធិ​ច​ ​និង​ក្រុមហ៊ុន​ ម៉ូឌែ​ណា​ ​។

លោក ដូណាល់ ត្រាំ គ្មានផែនការបង្កើតគណបក្សនយោបាយថ្មីទេដោយបានប្រាប់ក្នុងសន្និសិទអភិរក្សក្នុងរដ្ឋហ្លរីដាថា វានឹងធ្វើឲ្យបែកសំឡេងឆ្នោតគណបក្សសាធារណៈទៅវិញ។ ក្នុងសុន្ទរកថាលើកដំបូង ចាប់តាំងពីចាញ់ឆ្នោតលោកប្រធានាធិបតី ចូ បៃដិន លោក ដូណាល់ ត្រាំ បានបង្ហើបថា លោកអាចនឹងឈរឈ្មោះដើម្បីតំណែងប្រធានាធិបតីទៀតនៅឆ្នាំ២០២៤។ លោក ត្រាំ បានរិះគន់យ៉ាងចាស់ដៃអំពីអ្នកបន្តវេនថ្មីរបស់លោក ដោយបាននិយាយថា គោលនយោបាយសហរដ្ឋអាមេរិកបានចេញពី«អាមេរិកដំបូង ទៅ អាមេរិកចុងក្រោយ។អតីតប្រធានាធិបតីរូបនេះនៅជាប់បំរាមពីការប្រើប្រាស់បណ្តាញទំនាក់ទំនងសង្គមដូចជា Facebook និង Twitter ដែលជាការឆ្លើយតបទៅនឹងកុបកម្មដែលបណ្តាលឲ្យមានមនុស្សស្លាប់កាលពីខែមករា។ក្នុងសន្និសីទនោះ លោក ត្រាំ បាននិយាយថា ៖«យើងជួបជុំគ្នារសៀលនេះដើម្បីនិយាយពីអនាគត គឺនិយាយពីអនាគតរបស់យើង។ និយាយពីអនាគតគណបក្សរបស់យើង និងនិយាយពីអនាគតប្រទេសជាតិជាទីស្រឡាញ់របស់យើង»។លោកបានច្រានចោលពាក្យចចាមអារ៉ាមដែលបានកើតមានថា លោកប្រហែលជាបង្កើតគណបក្សនយោបាយថ្មី។

អង់គ្លេស​៖​ ​ប្រជាជន​សរុប​ជាង​២​០​លាន​នាក់​នៅ​ទូទាំង​ចក្រភពអង់គ្លេស​ ​បាន​ទទួលការ​ចាក់​វ៉ាក់សាំង​ការពារ​ ​CO​V​I​D​-19 ​សម្រាប់​ដូ​ស​ដំបូង​របស់​ពួកគេ​រួចរាល់​ហើយ​ ​នេះ​បើ​តាម​ទិន្នន័យ​ផ្លូវការ​នៅ​ថ្ងៃអាទិត្យ​ម្សិលមិញ​ ​ធ្វើ​អោយ​អង់​ គ្លេ​ស​ក្លាយ​ជា​ប្រទេស​ដំណើរការ​កម្មវិធី​ចាក់​វ៉ាក់សាំង​លឿន​ជាងគេ​បំផុត​ក្នុង​តំបន់​ ​។​

ទិន្នន័យផ្លូវការបានបង្ហាញកាលពីថ្ងៃអាទិត្យ ទី២៨ ខែកុម្ភៈ ថា រហូតមកដល់ពេលនេះប្រជាជនជាង ២០ លាននាក់នៅទូទាំងចក្រភពអង់គ្លេសបានទទួលការចាក់វ៉ាក់សាំងការពារជំងឺកូវីដ ១៩ ដូសដំបូង នៅពេលដែលប្រទេសនេះកំពុងបង្កើនយុទ្ធនាការចាក់វ៉ាក់សាំងលឿនបំផុតនៅអឺរ៉ុប ។ យោងតាមទិន្នន័យខាងលើបានឲ្យដឹងទៀតថា ប្រទេសអង់គ្លេសបានទទួលរងនូវចំនួនអ្នកស្លាប់ដោយសារជំងឺកូវីដ ១៩ ខ្ពស់បំផុតនៅអឺរ៉ុបដែលបច្ចុប្បន្នមានចំនួន ១២២,៨៤៩ នាក់ និងជាប្រទេសមានវិបត្តិសេដ្ឋកិច្ចធ្ងន់ធ្ងរបំផុតក្នុងចំណោមប្រទេសអ្នកមានធំៗ ។ ទិន្នន័យផ្លូវការបានបង្ហាញថា ប្រជាជនអង់គ្លេសសរុបចំនួន ២០.០៩ លាននាក់បានទទួលការចាក់វ៉ាក់សាំងការពារជំងឺកូវីដ ១៩ ដូសដំបូង ហើយស្ទើរតែ ៨០០,០០០ នាក់បានទទួលការវ៉ាក់សាំងដូស ២ ។ កាលពីសប្តាហ៍មុនអង់គ្លេសបាននិយាយថា មនុស្សពេញវ័យច្រើនជាងម្នាក់ក្នុងចំណោម ៣ នាក់បានទទួលការចាក់វ៉ាក់សាំងដូសដំបូង ។

លោក ដូណាល់ ត្រាំ ​គ្មាន​ផែន​ការ​បង្កើត​គណបក្ស​នយោបាយ​ថ្មី​ទេ​ដោយ​​បាន​ប្រាប់​ក្នុង​សន្និសិទ​អភិរក្ស​​ក្នុង​រដ្ឋ​ហ្លរីដា​ថា វា​នឹង​ធ្វើ​ឲ្យ​បែក​សំឡេង​ឆ្នោត​គណបក្ស​សាធារណៈ​ទៅ​វិញ។ ក្នុង​សុន្ទរកថាលើក​ដំបូង ចាប់​តាំង​ពី​ចាញ់​ឆ្នោត​លោក​ប្រធានាធិបតី​ ចូ បៃដិន​ លោក ដូណាល់ ត្រាំ បាន​​បង្ហើប​ថា លោក​អាច​នឹង​ឈរ​ឈ្មោះ​ដើម្បី​តំណែង​ប្រធានាធិបតី​ទៀត​នៅ​ឆ្នាំ​២០២៤។ លោក ត្រាំ បាន​រិះ​គន់​យ៉ាង​ចាស់​ដៃ​អំពី​អ្នក​​បន្ត​វេន​ថ្មី​របស់លោក​​ ដោយ​បាន​និយាយ​ថា គោលនយោបាយ​​សហរដ្ឋ​អាមេរិក​បាន​ចេញពី«​អាមេរិក​ដំបូង ទៅ អាមេរិក​ចុង​ក្រោយ។​ អតីត​ប្រធានាធិបតី​​រូប​នេះ​នៅ​ជាប់​បំរាម​ពី​ការ​ប្រើ​ប្រាស់​បណ្តាញ​ទំនាក់​ទំនង​សង្គម​ដូច​ជា Facebook និង​ Twitter ​ដែល​ជា​ការ​ឆ្លើយ​តប​ទៅ​នឹង​កុបកម្ម​ដែល​បណ្តាល​ឲ្យ​មាន​មនុស្ស​ស្លាប់​កាល​ពី​ខែ​មករា។ ក្នុង​សន្និសីទ​នោះ លោក ត្រាំ បាន​និយាយ​ថា ៖«យើង​ជួប​ជុំ​គ្នា​រសៀល​នេះ​ដើម្បី​និយាយ​ពី​អនាគត គឺ​និយាយ​ពី​អនាគតរបស់​យើង។​ និយាយ​ពី​អនាគតគណបក្ស​​របស់​យើង និងនិយាយ​ពី​​អនាគត​ប្រទេស​ជាតិ​ជា​ទី​ស្រឡាញ់​របស់​យើង»។ លោក​បាន​ច្រាន​ចោល​​ពាក្យ​ចចាម​អារ៉ាម​​ដែល​បាន​កើត​មាន​ថា លោក​ប្រហែល​ជា​បង្កើត​គណបក្ស​នយោបាយ​ថ្មី។

ទីប្រឹក្សាសន្តិសុខជាតិអាមេរិកលោក Jake Sullivan បាននិយាយថា សហរដ្ឋអាមេរិកកំពុងត្រៀមវិធានការថ្មីប្រឆាំងនឹងមីយ៉ាន់ម៉ាទាក់ទងនឹងអំពើហិង្សាក្នុងពេលបាតុកម្មថ្មីៗនេះ ។ លោក Sullivan បាននិយាយនៅក្នុងសេចក្តីថ្លែងការណ៍កាលពីថ្ងៃអាទិត្យថា “យើងនឹងបន្តសម្របសម្រួលយ៉ាងជិតស្និទ្ធជាមួយសម្ព័ន្ធមិត្ត និងដៃគូនានានៅក្នុងតំបន់ឥណ្ឌូ-ប៉ាស៊ីហ្វិក និងនៅជុំវិញពិភពលោកដើម្បីទទួលខុសត្រូវចំពោះអំពើហិង្សា និងរដ្ឋប្រហារថ្មីៗនេះ និងត្រូវពង្រឹងការគាំទ្ររបស់យើងចំពោះប្រជាជនភូមា” ។ បើយោងតាមការិយាល័យឧត្តមស្នងការអង្គការសហប្រជាជាតិ យ៉ាងហោចណាស់មនុស្ស ១៨ នាក់បានស្លាប់នៅទូទាំងប្រទេសមីយ៉ាន់ម៉ាកាលពីថ្ងៃអាទិត្យក្នុងពេលមានការប៉ះទង្គិចគ្នារវាងប៉ូលិស និងក្រុមអ្នកតវ៉ា ។ ទន្ទឹមនោះរដ្ឋមន្រ្តីក្រសួងការបរទេសសហរដ្ឋអាមេរិកលោក Antony Blinken បានថ្កោលទោសចំពោះអំពើហិង្សាមកលើក្រុមអ្នកតវ៉ានៅក្នុងប្រទេសមីយ៉ាន់ម៉ាកាលពីថ្ងៃអាទិត្យ ។

បទល្មើស​ឧក្រិដ្ឋ នៅក្នុង​ប្រទេស​ជប៉ុន បាន​ថយចុះ​ជា​ប្រវត្តិសាស្ត្រ ដោយសារតែ​មនុស្សម្នា​នាំគ្នា “សម្ងំ​នៅផ្ទះ​ទប់ស្កាត់​មេរោគ” ក្នុងអំឡុងពេល​វីរុស​កូ​វីដ-១៩ រាតត្បាត តែ​បទល្មើស Cyber និង​អំពើហិង្សា​ក្នុង​គ្រួសារ បែរជា​កើនឡើង​ទៅវិញ។ អគ្គនាយកដ្ឋាន​ប៉ូលិស​នៃ​ប្រទេស​ជប៉ុន បាន​បង្ហើប​ឱ្យដឹងថា ក្នុង​ឆ្នាំ2020 កន្លងទៅ ចំនួន​បទល្មើស​ឧក្រិដ្ឋ បាន​ថយចុះ​ជា​បន្តបន្ទាប់ ជា​ឆ្នាំ​ទី6 និង​មាន​ចំនួន​តិច​បំផុត ក្នុង​ជុំ 76ឆ្នាំ ក្រោយពី​ចប់​សង្គ្រាមលោកលើកទី2 មក។ ការ​ប្លន់​ទ្រព្យសម្បត្តិ និង​ការចូល​រុករាន​ផ្ទះសំបែង​អ្នកដទៃ បាន​ថយចុះ​យ៉ាងច្រើន ព្រោះ​មនុស្សម្នា បាននាំគ្នា​សម្ងំ​នៅក្នុង​ផ្ទះ ក្នុងអំឡុង​ការឆ្លង​រាតត្បាត​របស់​កូ​វីដ-១។ បទល្មើស​ឧក្រិដ្ឋ​នៅតាម​ផ្លូវថ្នល់ ក៏​ថយចុះ ព្រោះ​អាជ្ញាធរ បាន​បង្កើន​ការ​យាមកាម និង​ផ្សព្វផ្សាយ​ឱ្យ​ប្រជាជន​ផ្អាក​ចេញ​ក្រៅ​ផ្ទះ បើ​មិនចាំបាច់។

លោកស្រី Makiko Yamada អ្នកនាំពាក្យសំខាន់របស់នាយករដ្ឋមន្ត្រីជប៉ុន Yoshihide Suga បានលាលែងពីតំណែងបន្ទាប់ពីលោកស្រីនិងមន្ត្រីការិយាល័យជាន់ខ្ពស់ដទៃទៀត ត្រូវបានគេស្តីបន្ទោសចំពោះការចូលរួមទទួលទានអាហារពេលល្ងាចថ្លៃៗ ដែលរៀបចំដោយកូនប្រុសរបស់លោក Suga។ អ្នកនាំពាក្យរដ្ឋាភិបាលជប៉ុន ប្រធានលេខាធិការខុទ្ទកាល័យលោក Katsunobu Kato បានប្រាប់អ្នកយកព័ត៌មានថា “លោកស្រី Yamada បានលាលែងពីតំណែងនៅថ្ងៃចន្ទទី១ខែមីនានេះ”។

លោកស្រី​ ​Car​l​a​ ​Viz​z​o​t​t​i​ ​រដ្ឋ​ម​ន្រ្តី​ក្រសួងសុខាភិបាល​នៃ​ប្រទេស​អា​ហ្សង់​ទី​ន​ ​កាល​ពីម្សិលមិញ​ ​បាន​ប្រកាស​ថា​ ​លោកស្រី​បាន​ធ្វើ​តេ​ស្ត​ឃើញ​លទ្ធផលវិជ្ជមាន​ចំពោះ​ជំងឺ​ ​CO​V​I​D​-19 ​ហើយ​លោកស្រី​បាន​និង​កំពុងតែ​ធ្វើ​ច​ត្តាឡី​ស័ក​។​

បរទេស​៖​ ​ក្រុមប្រឹក្សាសន្តិសុខ​អង្គការសហប្រជាជាតិ​ ​នៅ​ថ្ងៃសុក្រ​ស​ប្តាហ៍​នេះ​ ​បាន​ផ្តល់​ការ​អនុម័តយល់ព្រម​ជាឯកច្ឆន្ទ​លើ​សេចក្តី​សម្រេច​មួយ​ ​ដែល​អំពាវនាវ​អោយ​មានការ​ទទួល​បាន​នូវ​វ៉ាក់សាំង​ ​CO​V​I​D​-19 ​នៅ​ក្នុង​ប្រទេស​ដែល​មាន​បញ្ហា​ជម្លោះ​ ​និង​ប្រទេស​ក្រីក្រ​ ​។​ សេចក្តី​សម្រេច​ខាងលើនេះ បាន​សង្កត់ធ្ងន់​ទៅលើ​ភាព​ចាំបាច់​ជាបន្ទាន់​នូវ​សាមគ្គីភាព​ ​សមធម៌​ ​និង​ប្រសិទ្ធ​ភាព​ ​ក្នុង​ការ​ប្រយុទ្ធ​ប្រឆាំង​ ​CO​V​I​D​-19 ​នៅ​តាម​ប្រទេស​ដែល​មានលទ្ធភាព​តិចតួច​ ​ក្នុង​ការ​ទទួល​បាន​វ៉ាក់សាំង​បង្ការ​ជំងឺ​នេះ​ ​។​ ​សេចក្តី​សម្រេច​ដដែល​នេះ​ ​ក៏​ស្នើ​ឲ្យ​បណ្តា​ប្រទេស​អភិវឌ្ឍន៍​ ​និង​ប្រទេស​ទាំងឡាយ​ដែល​មានលទ្ធភាព​ ​ជួយគ្នា​បរិច្ចាគ​វ៉ាក់សាំង​ទៅកាន់​បណ្តា​ប្រទេស​ចំណូល​មធ្យម​និង​ទាប​ ​ក៏ដូចជា​ប្រទេស​ដែល​ត្រូវការ​ជាចាំបាច់ ។​  

អាមេរិក​៖​ ​ឯកអគ្គរដ្ឋទូត​មី​យ៉ា​ន់​ម៉ា​ប្រចាំ​អង្គការសហប្រជាជាតិ​ ​លោក​ ខ្យ៉ ម៉ូ ​ទុន​ជួស​មុខ​ឲ្យ​រដ្ឋាភិបាល​ស៊ីវិល​ ​ដែល​ត្រូវ​បាន​ទម្លាក់​ពី​អំណាច​ ​ដោយសារ​ការ​ធ្វើ​រដ្ឋប្រហារ​របស់​យោធា​កាលពី​ថ្ងៃ​ទី​០​១​ ​ខែកុម្ភៈ​កន្លងទៅ​ ​បាន​អំពាវនាវ​អោយ​អង្គការសហប្រជាជាតិ​ចាត់វិធានការ​ចាំបាច់​នានា​ប្រឆាំង​នឹង​យោធា​មី​យ៉ា​ន់​ម៉ា​ ​ទើប​អាច​ស្តារ​លទ្ធិប្រជាធិបតេយ្យ​ឡើងវិញ​អោយ​ប្រទេស​អាស៊ី​អាគ្នេយ៍​មួយ​នេះ​ ​។​ ឯកអគ្គរដ្ឋទូត​មី​យ៉ា​ន់​ម៉ា​ប្រចាំ​អង្គការសហប្រជាជាតិ​រូប​នេះ​ ​បាន​គូស​បញ្ជាក់​ថា​ ​យើង​ត្រូវការ​ការ​ចេញ​សកម្មភាព​ខ្លាំង​ៗ​បំផុត​ថែមទៀត​ ​ពីសំណាក់​សហគមន៍​អន្តរជាតិ​ ​ដើម្បី​បិទ​បញ្ចប់​ទៅវិញ​ជាបន្ទាន់​នូវ​ការ​ធ្វើ​រដ្ឋប្រហារយោធា​ ​ព្រមទាំង​ដើម្បី​បញ្ចប់​ការគាបសង្កត់​ជន​ស្លូតត្រង់​ ​ហើយ​ប្រគល់​រដ្ឋអំណាច​ឲ្យទៅ​ប្រជាជន​មី​យ៉ា​ន់​ម៉ា​ ​និង​ស្តារ​លទ្ធិប្រជាធិបតេយ្យ​ឡើងវិញ​ ​។​

រដ្ឋបាលលោក Joe Biden ត្រូវបានគេរាយការណ៍ថា នឹងយកប្រាក់ពីអ្នកឆ្លើយឆ្លងព័ត៌មានសេតវិមានចំនួន១៧០ដុល្លារ សម្រាប់ការធ្វើតេស្តរកវីរុសកូរ៉ូណាប្រចាំថ្ងៃ ដែលរឿងនេះបង្កឲ្យមានការខឹងសម្បាយ៉ាងខ្លាំងក្នុងចំណោមអ្នកសារព័ត៌មាន។ កាសែត Washington Post បានរាយការណ៍កាលពីថ្ងៃសុក្រថា ការិយាល័យសារព័ត៌មានសេតវិមាន នឹងចាប់ផ្តើមគិតថ្លៃសម្រាប់ការធ្វើតេស្តនៅសប្តាហ៍ក្រោយ។ ការចំណាយនេះ ស្មើនឹងថ្លៃសេវាចូលយកព័ត៌មាន សម្រាប់អ្នកកាសែតដែលផ្សព្វផ្សាយអំពីរដ្ឋបាល។ ខណៈដែលសេតវិមាន បានចំណាយប្រាក់សម្រាប់ការធ្វើតេស្តប្រចាំថ្ងៃ អស់រយៈពេលជិតមួយឆ្នាំមកហើយនោះ ពួកគេបានក្លាយជាបន្ទុកហិរញ្ញវត្ថុសម្រាប់រដ្ឋាភិបាល។  

ប្រធានាធិបតីហ្វីលីពីន Rodrigo Duterte កាលពីថ្ងៃសុក្រ ទី២៦ ខែកុម្ភៈ បានចុះហត្ថលេខាលើច្បាប់មួយដែលផ្តល់សំណងដល់ក្រុមហ៊ុនផលិតវ៉ាក់សាំង ប្រសិនបើការចាក់វ៉ាក់សាំងការពារជំងឺកូវីដ ១៩ របស់ពួកគេបណ្តាលឲ្យមានផលប៉ះពាល់មិនល្អ ពោលប៉ុន្មានថ្ងៃមុនប្រទេសចាប់ផ្តើមយុទ្ធនាការចាក់ថ្នាំបង្ការរោគ ។ ទោះបីជាស្ថិតក្នុងចំណោមប្រទេសមួយដែលមានករណីឆ្លងជំងឺកូវីដ ១៩ ច្រើនបំផុតនៅក្នុងទ្វីបអាស៊ីក៏ដោយ ប៉ុន្តែហ្វីលីពីនជាប្រទេសអាស៊ីចុងក្រោយបង្អស់ដែលបានទទួលវ៉ាក់សាំងកញ្ចប់ដំបូង ។ នៅក្នុងសេចក្តីថ្លែងការណ៍មួយ ការិយាល័យប្រធានាធិបតីបាននិយាយថា ច្បាប់នេះនឹងតាមដានយ៉ាងរហ័សនូវការទិញ និងការចាក់វ៉ាក់សាំង ។ ច្បាប់នេះគ្របដណ្តប់ការបង្កើតមូលនិធិសំណងចំនួន ៥០០ លានប៉េសូ (១០.២៦ លានដុល្លារអាមេរិក) ដើម្បីទូទាត់សំណងសម្រាប់ផលប៉ះពាល់ធ្ងន់ធ្ងរដែលបណ្តាលមកពីការប្រើប្រាស់បន្ទាន់របស់ដូសនៃវ៉ាក់សាំង ។ អវត្តមាននៃកម្មវិធីសំណងបានពន្យារពេលការផ្តល់វ៉ាក់សាំងក្រុមហ៊ុន Pfizer-BioNTech ចំនួន ១១៧,០០០ ដូសដែលបានបរិច្ចាគតាមរយៈកម្មវិធី COVAX ខណៈរដ្ឋាភិបាលបានគ្រោងនឹងប្រើដូសទាំងនោះដើម្បីចាប់ផ្តើមចាក់វ៉ាក់សាំងនៅពាក់កណ្តាលខែកុម្ភៈ ។ ទន្ទឹមនោះប្រទេសហ្វីលីពីននឹងផ្តល់ការចាក់វ៉ាក់សាំង Sinovac Biotech…

មេដឹកនាំដែលត្រូវបណ្តេញចេញពីតំណែងរបស់ប្រទេសមីយ៉ាន់ម៉ា លោកស្រី អ៊ុងសាន ស៊ូជី ត្រូវបានគេនិយាយថា កំពុងបាត់ខ្លួនបន្ទាប់ពីកងទ័ព ផ្ទេរលោកស្រីពីការឃុំខ្លួនក្នុងផ្ទះទៅកាន់ទីតាំងដែលគេមិនបង្ហាញមួយ ខណៈការតវ៉ាហិង្សានៅតែបន្ត។ ដោយដកស្រង់សម្តីមន្រ្តីនៅក្នុងគណបក្សរបស់លោកស្រី គេហទំព័រ Myanmar Now បានរាយការណ៍នៅព្រឹកថ្ងៃសៅរ៍នេះថា លោកស្រីស៊ូជីអាយុ៧៥ឆ្នាំ ត្រូវបានឃុំខ្លួននៅក្នុងផ្ទះ ក្នុងរដ្ឋធានី ណៃពិដោ ចាប់តាំងពីរដ្ឋប្រហារថ្ងៃទី១ខែកុម្ភៈ ប៉ុន្តែចាប់តាំងពីពេលនោះមកត្រូវបានផ្ទេរទៅកាន់កន្លែងផ្សេង។ ប្រភពពីគណបក្សសម្ព័ន្ធជាតិដើម្បីលទ្ធិប្រជាធិបតេយ្យ (NLD) បានឲ្យដឹងថា លោកស្រីត្រូវបានគេនាំទៅឆ្ងាយកាលពី៦ថ្ងៃមុន។

ប្រធានាធិបតីអាមេរិក Joe Biden បាននិយាយថា អ៊ីរ៉ង់មិនអាចធ្វើសកម្មភាពណាដោយគ្មានការដាក់ទោសនោះទេ ហើយបានព្រមានអ៊ីរ៉ង់ឲ្យប្រយ័ត្នប្រយែង បន្ទាប់ពីមានការវាយប្រហារតាមអាកាសរបស់អាមេរិកទៅលើទីតាំងយោធាដែលគាំទ្រដោយអ៊ីរ៉ង់នៅក្នុងប្រទេសស៊ីរី ។ នៅពេលត្រូវបានសួរដោយអ្នកសារព័ត៌មានដែលធ្វើដំណើរជាមួយគាត់នៅរដ្ឋតិចសាស់ តើសារអ្វីដែលគាត់ព្យាយាមផ្ញើទៅអ៊ីរ៉ង់ដោយប្រើការវាយប្រហារតាមអាកាសនោះ លោក Biden បាននិយាយថា “អ្នកមិនអាចធ្វើសកម្មភាពនិទណ្ឌភាពបានទេ” ។ បន្ទាប់មកគាត់បន្ថែមថា “សូមប្រយ័ត្នប្រយែង” ។ សហរដ្ឋអាមេរិកបានបើកការវាយប្រហារអាកាសប្រឆាំងនឹងកងកម្លាំងដែលគាំទ្រដោយអ៊ីរ៉ង់នៅប្រទេសស៊ីរី ក្នុងការវាយឆ្មក់មួយដែលត្រូវបានអនុម័តដោយប្រធានាធិបតីអាមេរិកលោក Joe Biden ចាប់តាំងពីគាត់បានក្លាយជាប្រធានាធិបតីដោយបានសម្លាប់យុទ្ធជនដែលគាំទ្រដោយអ៊ីរ៉ង់ចំនួន ២២ នាក់ ។ នោះជាការឆ្លើយតបជាក់ស្តែង ចំពោះការវាយប្រហារដោយគ្រាប់រ៉ុកកែតប្រឆាំងនឹងគោលដៅអាមេរិកនៅប្រទេសអ៊ីរ៉ាក់ ដែលបណ្តាលឲ្យទាហានអាមេរិករងរបួស និងសម្លាប់អ្នកម៉ៅការម្នាក់ ។ ទន្ទឹមនោះការវាយប្រហារនេះបានទទួលការរិះគន់យ៉ាងខ្លាំងពីប្រទេសស៊ីរី និងអ៊ីរ៉ង់ ។ អ្នកនាំពាក្យមន្ទីរបញ្ចកោណបាននិយាយថា ពួកគេមាន“ ចេតនា” និងមានគោលបំណង“ ដើម្បីកាត់បន្ថយស្ថានការណ៍ទាំងមូលនៅភាគខាងកើតស៊ីរី និងអ៊ីរ៉ាក់”…