ឯកឧត្តម អ៊ូច ភា អភិបាលខេត្តតាកែវ រួមជាមួយនឹងមន្រ្តីពាក់ព័ន្ធ នៅព្រឹកថ្ងៃអង្គារិ៍ ទី១៦ ខែមីនា ឆ្នាំ២០២១នេះ បានចុះត្រួតពិនិត្យបរិវេណនៃទីតាំងវត្តតុំ ដែលស្ថិតនៅក្នុងភូមិបិនម៉ៅ សង្កាត់រការក្រៅ ជាយក្រុងដូនកែវ ខេត្តតាកែវ ធ្វើជាទីតាំងសម្រាប់ ឈាបនដ្ឋានបូជាសព អ្នកជំងឺកូវីដ១៩។
ក្នុងសារសំឡេងពិសេសមួយ នាយប់ថ្ងៃទី ១៦ ខែមីនា ឆ្នាំ ២០២១នេះ សម្តេចអគ្គមហាសេនាបតីតេជោ ហ៊ុន សែននាយករដ្ឋមន្ត្រីនៃព្រះរាជាណាចក្រកម្ពុជា បានប្រកាសថា វ៉ាក់សាំងការពារមេរោគកូវីដ១៩ ចំនួន ១លាន ៥សែនដូសទៀត នឹងមកដល់កម្ពុជានាពេលឆាប់ៗខាងមុខនេះ និងជាបន្តបន្ទាប់ក៏នឹងមានវ៉ាក់សាំងSinovac ១លាន៥សែនដូសមកដល់ ខណៈវ៉ាក់សាំងSinopharm និងAstraZeneca ក៏មកជាបន្តបន្ទាប់ទៀតដែរ។
សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា នៅព្រឹកថ្ងៃទី១៧ ខែមីនា ឆ្នាំ២០២១នេះ បានចេញសេចក្តីសម្រេច បង្កើតគណៈកម្មការចំពោះកិច្ច ចាក់វ៉ាក់សាំងកូវីដ១៩ ក្នុងក្របខណ្ឌទូទាំងប្រទេស ដែលមានលោកស្រី ឱ វណ្ណឌីន ជាប្រធាន និងមានអនុប្រធាន-សមាជិក មកពីក្រសួងស្ថាប័នអង្គភាព ពាក់ព័ន្ធចំនួន ៤៥រូបផ្សេងទៀត។
ជំងឺផ្លូវដង្ហើមកូវីដ-19 កំពុងកើនឡើងនៅក្នុងសហគមន៍ធ្វើឱ្យមនុស្សគ្រប់គ្នាកំពុងចលាចលយ៉ាងខ្លាំងនៅក្នុងការរស់នៅ ចំណែកប្រព័ន្ធផ្សព្វផ្សាយគ្រប់ទម្រង់នៅពេលនេះក្លាយជាផ្នែកមួយសំខាន់ផ្តល់ព័ត៌មាន និងចែករំលែកព័ត៌មានទៅដល់សាធារណជន។ ប៉ុន្តែព័ត៌មានខ្លះនៅលើបណ្ដាញសង្គមបានផ្សព្វផ្សាយដោយខ្វះប្រភពច្បាស់លាស់ និងគ្មានទំនួលខុសត្រូវក្នុងវិជ្ជាជីវៈសារព័ត៌មាន។ ក្នុងដំណាក់កាលនេះ ក្រសួងព័ត៌មានចាត់ទុកអ្នកសារព័ត៌មាន មានកាតព្វកិច្ចសំខាន់ចូលរួមប្រយុទ្ធប្រឆាំងជំងឺកូវីដ-19 តាមរយៈការផ្សព្វផ្សាយព័ត៌មានពិត។
តាមរយៈទំព័រហ្វេសប៊ុកផ្លូវការនៅរសៀលថ្ងៃទី១៦ ខែមីនា ឆ្នាំ២០២១ សម្ដេចតេជោ ហ៊ុន សែន នាយករដ្ឋមន្ត្រីកម្ពុជា បានអរគុណដល់ក្រុមគ្រូពេទ្យស្ម័គ្រចិត្តទាំងអស់ ដែលបានចូលរួមលះបង់កម្លាំងកាយចិត្ត បើទោះបីជាដឹងថា ជំងឺកូវីដ-១៩នេះ ជាឃាតករលាក់មុខក៏ដោយ ហើយការលះបង់របស់ក្រុមគ្រូពេទ្យ គឺជាតម្លៃដ៏ធំធេងសម្រាប់ជួយសង្គ្រោះជីវិតមនុស្ស ។
រដ្ឋមន្រ្តីសម្របសម្រួលកម្មវិធីចាក់វ៉ាក់សាំងបង្ការជំងឺ COVID-19 នៅថ្ងៃចន្ទនេះនិយាយថា ម៉ាឡេស៊ីនឹងចាប់ផ្តើមផ្តល់ការចាក់វ៉ាក់សាំងរបស់ក្រុមហ៊ុនចិន Sinovac ជូនប្រជាជនរបស់ខ្លួនក្នុងសប្តាហ៍នេះ ។
ឯកឧត្តម សោម ពិសិដ្ឋ អភិបាលខេត្ត អញ្ជើញចុះពិនិត្យ កំលាំងប៉ុស្តិ៍ប្រចាំការ ត្រួតពិនិត្យការធ្វើដំណើរ របស់ប្រជាពលរដ្ឋ ចូលមកកាន់ភូមិសាស្ត្រខេត្ត កែប ថ្ងៃទី១៥ ខែមីនា ឆ្នាំ២០២១ ដើម្បីជម្រុញការអនុវត្តវិធានការ សុខាភិបាល អោយបានម៉ឹងម៉ាត់ ក្នុងការបង្ការទប់ស្តាត់ ការឆ្លងរាលដាល នៃជំងឺកូវីដ១៩ អាជ្ញាធរខេត្តកែប ដាក់ប៉ុស្តិ៍ប្រចាំការ ត្រួតពិនិត្យការធ្វើដំណើរបស់បងប្អូនប្រជាពលរដ្ឋចូលមកកាន់ខេត្ត។
ប្រធានលេខាធិការគណៈរដ្ឋមន្រ្តីជប៉ុនលោក កាស៊ុណូប៊ុ កាតុ (Katsunobu Kato) នៅថ្ងៃចន្ទនេះនិយាយថា រដ្ឋាភិបាលទីក្រុងតូក្យូបាននិងកំពុងតាមដានយ៉ាងយកចិត្តទុកដាក់អំពីរដ្ឋប្រហារយោធាក្នុងប្រទេសមីយ៉ាន់ម៉ា នាពេលថ្មីៗនេះ ហើយក៏នឹងពិចារណាលើវិធីសាស្រ្ត ដើម្បីឆ្លើយតបនឹងអភិវឌ្ឍក្នុងប្រទេសអាស៊ីអាគ្នេយ៍នេះមួយផងដែរ ។
រាល់ជើងហោះហើរទាំងអស់មកពីប្រទេសអ៊ីរ៉ាក់ ត្រូវបានផ្អាក ឬពន្យារពេលមួយសប្តាហ៍គិតត្រឹមថ្ងៃអាទិត្យ នេះបើតាមសេចក្តីថ្លែងការណ៍របស់អង្គភាពអាកាសចរណ៍ស៊ីវិលប្រទេសអ៊ីរ៉ង់ ។
គិតចាប់ពីថ្ងៃទី១ ខែមេសាខាងមុខនេះ ថៃនឹងចាប់អនុវត្តការបន្ធូរបន្ថយលើវិធានការធ្វើចត្តាឡីស័ក ដែលគេហៅឈ្មោះថា ការធ្វើចត្តាឡីស័កតាមតំបន់ (Area Quarantine) ដើម្បីជំរុញវិស័យទេសចរណ៍ប្រទេសរបស់ខ្លួនឡើងវិញ ។
