នាយកដ្ឋានប្រយុទ្ធនឹងជំងឺឆ្លង នៃក្រសួងសុខាភិបាល នាព្រឹកថ្ងៃទី១៨ ខែមីនា ឆ្នាំ២០២១នេះ បានប្រកាសរកអ្នកធ្លាប់ចូលក្លឹបហាត់ប្រាណ Fit-zone បឹងត្របែក ពីថ្ងៃទី១ ដល់ថ្ងៃទី១២ ខែមីនា និងហាង Modestore ពីថ្ងៃទី១០ ដល់១៦ ខែមីនា ឆ្នាំ២០២១នេះ ត្រូវទៅធ្វើតេស្តរកកូវីដ-១៩ ជាចាំបាច់ ប្រសិនបើអ្នកទាំងនោះ មានរោគសញ្ញា ដូចជា ក្អក កណ្តាស់ គ្រុនក្តៅ ឈឺបំពង់ក ឬដកដង្ហើមខ្លីជាដើម។
នៅព្រឹកថ្ងៃទី១៨ ខែមីនា ឆ្នាំ២០២១ ឯកឧត្តមបណ្ឌិត ជាម ច័ន្ទសោភ័ណ អភិបាលខេត្ត និងជាប្រធានគណៈកម្មាធិការសាខាកាកបាទក្រហមខេត្តត្បូងឃ្មុំ បានអញ្ជើញបន្តចុះសួរសុខទុក្ខ នាំយកអំណោយសាខាកាកបាទក្រហមខេត្ត ទៅចែកជូនពលករ ដែលកំពុងធ្វើចត្តាឡីស័ក នៅមណ្ឌលវិទ្យាល័យសម្តេចតេជោហ៊ុនសែន សួង ក្នុងក្រុងសួង។ នាឱកាសនោះមានការចូលរួមពីលោក ស៊ាក ឡេង ប្រធានក្រុមប្រឹក្សាខេត្ត និងជាអនុគណៈកម្មាធិការសាខាកាកបាទក្រហមខេត្ត លោក លោកស្រី សមាជិកគណៈកម្មាធិការ និងក្រុមការងារសាខាកាកបាទក្រហមខេត្ត-ក្រុង ព្រមទាំងអាជ្ញាធរមូលដ្ឋាន។
ប្រទេសបារាំងបានបញ្ជាក់ថា នៅថ្ងៃចន្ទសប្ដាហ៍ក្រោយនេះ សហភាពអឺរ៉ុបអាចនឹងអនុម័តលើការដាក់ទណ្ឌកម្មបន្ថែមទៀត ប្រឆាំងនឹងរដ្ឋប្រហារយោធានៅមីយ៉ាន់ម៉ា និងអ្នកនៅពីក្រោយការបង្រ្កាបដ៏បង្ហូរឈាមលើក្រុមបាតុករអហិង្សា ។
គណៈកម្មការផ្សារទួលទំពូង បានជូនដំណឹង អំពី ការបើកទ្វារចេញ-ចូលផ្សារ ថ្ងៃសេស និងថ្ងៃគូ ដើម្បីចូលរួមបង្ការ និងទប់ស្កាត់ការរាតត្បាតនៃជំងឺកូវីដ-១៩។ ក្នុងនោះគណៈកម្មការផ្សារទួលទំពូង នឹងបិទច្រកទ្វារចូលផ្សារមួយចំនួន ហើយចូលតាមច្រកទ្វារ ដែលគណៈកម្មការផ្សារបានកំណត់។
អតីតប្រធានាធិបតីអាមេរិកលោក ដូណាល់ ត្រាំ នៅថ្ងៃអង្គារនេះ បានលើកទឹកចិត្តអោយអ្នកគាំទ្រគណបក្សសាធារណៈរដ្ឋរបស់លោក មួយក្នុងចំណោមក្រុមសំខាន់ៗអោយទៅទទួលការចាក់វ៉ាក់សាំងបង្ការជំងឺ Covid-19 របស់ពួកគេអោយបានពេញលេញ ។
គ្មានសញ្ញាណាមួយដែលបង្ហាញថា វ៉ាក់សាំង AstraZeneca គឺជាមូលហេតុបង្កឲ្យមានបញ្ហាកំណកឈាមនោះឡើយ នេះបើតាមនិយតករឱសថសហភាពអឺរ៉ុប ចេញផ្សាយដោយទីភ្នាក់ងារសារព័ត៌មាន Bloomberg កាលពីម្សិលមិញ។
លោកនាយករដ្ឋមន្ត្រីថៃ ប្រាយុទ្ធ ចាន់អូចា ចង់ឲ្យក្រសួងសុខាភិបាលពន្លឿនការចាក់វ៉ាក់សាំងបង្ការជំងឺកូវីដ១៩ ក្រោយពេលលោកចាក់រួច ហើយថាលោកគ្មានប៉ះពាល់អ្វីទេ។ បន្ទាប់ពីចាក់វ៉ាក់សាំង AstraZeneca កាលពីម្សិលមិញ លោកប្រាយុទ្ធថា ទាំងរូបលោកនិងគណៈរដ្ឋមន្ត្រី១៥រូបទៀត ពុំមានបញ្ហាប្រតិកម្មអ្វីចំពោះសុខភាពទេ។
ក្រសួងធម្មការ៖ ផ្អាកពិធីសាសនា និងកម្មវិធីជួបជុំផ្សេងៗ ដើម្បីបង្ការ ទប់ស្កាត់ ការរីករាលដាលនៃជំងឺកូវីដ-១៩
ការដ្ឋានគម្រោងការពារទឹកជំនន់ និងកែលម្អប្រព័ន្ធប្រឡាយ-លូ ក្នុងរាជធានីភ្នំពេញ ជំហានទី៤ ក្រោមគម្រោងហិរញ្ញប្បទានឥតសំណងរបស់ប្រទេសជប៉ុន បាននិងកំពុងសាងសង់លូប្រអប់ទំហំ ២ម x ២ម តាមបណ្តោយផ្លូវលេខ ៣១៥ ដល់ចំណុចផ្លូវលេខ ៦០៨ ប្រសព្វនៃផ្លូវលេខ៣១៥ និងផ្លូវលេខ ៥៩៨។
ព្រឹទ្ធសភានៃព្រះរាជាណាចក្រកម្ពុជា សូមសម្តែងនូវការខកចិត្តនិងសោកស្តាយបំផុតចំពោះសេចក្តីសម្រេចរបស់សភាអឺរ៉ុប នៅថ្ងៃទី១១ ខែមីនា ឆ្នាំ២០២១ ស្តីពីការជំនុំជម្រះក្តីប្រឆាំងនិងជនល្មើសច្បាប់នៅកម្ពុជា (២០២១/២៥៧៩(RSP)) ។
