ព័ត៌មានជាតិ

ថ្ងៃចន្ទទី២២ ខែមីនា ឆ្នាំ២០២១ លោកជំទាវ មិថុនា ភូថង អភិបាល នៃគណៈអភិបាលខេត្តកោះកុង បានអញ្ជើញចុះជួបសំណេះសំណាលសួរសុខទុក្ខ និងនាំយកអំណោយជាគ្រឿងឧបភោគ បរិភោគ និងសម្ភារការពារជំងឺកូវីដ-១៩ ជូនដល់ក្រុមការងារប្រចាំការត្រួតពិនិត្យប្រជាពលរដ្ឋចេញ ចូល តាមបណ្តោយផ្លូវជាតិលេខ៤៨ ក្នុងស្រុកស្រែអំបិល ខេត្តកោះកុង។

ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម និងប្រធានគណៈកម្មការខេត្ត ប្រយុទ្ធប្រឆាំងនឹងជំងឺកូវីដ-១៩ ឯកឧត្តម ខ្លូត ផន ប្រធានក្រុមប្រឹក្សាខេត្ត និងសហការី នៅព្រឹកថ្ងៃ២២ ខែមីនា ឆ្នាំ២០២១ បន្តអញ្ជើញទទួលការឧបត្ថម្ភ ជាសំភារៈបង្ការជំងឺកូវីដ-១៩ គ្រឿងឧបភោគបរិភោគ ពី ក្រុមហ៊ុន សិរីមង្គលប្រាឌើរហ៊ូដ ជាម៉ាសចំនួន ១០,០០០ បន្ទះ ទឹកអាល់កុល ១២០ លីត្រ សំបកដបច្រកទឹកអាកុល ១០០ មី ៥០ កេស និងទឹកបរិសុទ្ធ១០០ យួរ ជូនដល់គណៈកម្មការខេត្តប្រយុទ្ធប្រឆាំងនឹងជំងឺកូវីដ-១៩ ដើម្បីជួយឧបត្ថម្ភដល់អ្នកដែលកំពុងធ្វើចត្តាឡីស័ក ក្នុងខេត្តកំពង់ចាម និងជួយលើការងារប្រយុទ្ធប្រឆាំងនឹងការរាលដាលនៃជំងឺដ៏កាចសាហាវ កូវីដ-១៩។

ឯកឧត្តមបណ្ឌិត ជាម ច័ន្ទសោភ័ណ អភិបាលខេត្ត និងជាប្រធានគណៈកម្មាធិការសាខាកាកបាទក្រហមខេត្តត្បូងឃ្មុំ នាព្រឹកថ្ងៃទី២២ ខែមីនា ឆ្នាំ២០២១នេះ អញ្ជើញបន្តចុះសួរសុខទុក្ខ នាំយកអំណោយសាខាកាកបាទក្រហមខេត្ត ទៅចែកជូនពលរដ្ឋមានជីវភាពខ្វះខាត ដែលរងឥទ្ធិពលដោយការរីករាលដាលជំងឺកូវីដ១៩ ចំនួន២១០គ្រួសារ នៅចំនួន០៤ទីតាំងផ្សេងគ្នា ក្នុងភូមិស្រែប្រាំង ឃុំត្រពាំងព្រីង ស្រុកតំបែរ ខេត្តត្បូងឃ្មុំ។

ឯកឧត្តម​ អ៊ុន​ ចាន់ដា​ អភិបាលខេត្តកំពង់ចាម​ និង​ជា​ប្រធាន​គណកម្មការ​ខេត្ត​ប្រយុទ្ធ​ប្រឆាំង​នឹង​ជំងឺ​កូវីដ​-១៩​ និង​ឯកឧត្តម​ ខ្លូត​ ផន​ ប្រធាន​ក្រុមប្រឹក្សា​ខេត្ត​ រួមនឹង​អភិបាល​រង​ខេត្ត​ នាព្រឹក​ថ្ងៃ​ទី​២២​ ខែមិនា​ ឆ្នាំ​២០២១​នេះ​ បាន​បន្ត​ទទួល​អំណោយ​ពី​សប្បុរសជន​នានា​ ក្នុង​ការ​ចូលរួម​ជាមួយ​រាជរដ្ឋាភិបាល​ ដេីម្បី​ទប់ស្កាត់​ការ​ឆ្លង​រីករាល​ដាល​នៃ​ជំងឺ​កូវីដ​-១៩​ ខណៈ​កម្ពុជា​កំពុង​ស្ថិត​ក្នុង​ដំណាក់កាល​រួមគ្នា​ ​​ប្រយុទ្ធ​ប្រឆាំង​នឹង​ជំងឺ​ដ៏​កាច​សាហាវ​នេះ​ ។

ជនជាតិ​កូរ៉េ​ខាងជើង​ម្នាក់​ ​ត្រូវ​បាន​បញ្ជូន​ទៅកាន់​មន្ទីរឃុំឃាំង​ ​នៅ​ក្នុង​សហរដ្ឋអាមេរិក​ហើយ​ ​កាលពី​ថ្ងៃសៅរ៍​ចុង​ស​ប្ដាហ៍​កន្លងទៅ​នេះ​ (​ម៉ោង​ក្នុង​តំបន់​) ​ក្រោយ​រូបគេ​ត្រូវ​បាន​ម៉ាឡេស៊ី​ធ្វើ​បត្យាប័ន​ ​។

នៅព្រឹកថ្ងៃទី២២ ខែមីនា ឆ្នាំ២០២១នេះ ឯកឧត្តម អ៊ូច ភា អភិបាល នៃគណៈអភិបាលខេត្តតាកែវ បានអញ្ជើញប្រគល់សម្ភារៈសម្រាប់ការងារប្រយុទ្ធប្រឆាំង និងការពារជំងឺកូវីដ-១៩ ដល់ មន្ទីរសុខាភិបាល និងស្រុកប្រតិបត្តិទាំង៦ នៅបរិវេណរដ្ឋបាលខេត្តតាកែវ។

ក្រសួង​សំណង់​ប្រទេស​វៀតណាម​បាន​ប្រគល់​អគារ​រដ្ឋសភា​ថ្មី​ ​ជូន​ប្រទេស​ឡាវ​ជា​ផ្លូវការ​ ​កាលពី​ចុង​ស​ប្តាហ៍​កន្លងទៅ​។​ ​សាងសង់​ក្នុង​តម្លៃ​១​១​១​លាន​ដុល្លារ​អាមេរិក​ ​អគារ​នេះ​នឹង​បំរើ​ដល់​កិច្ចការ​ងារ​របស់​សភា​ផង​ ​និង​ថែមទាំង​ជា​មជ្ឈមណ្ឌល​ស្រាវជ្រាវ​វប្បធម៌​ផង​ ​នេះ​បើ​តា​មទីភ្នាក់ងារ​សារ​ព័ត៌មាន​វៀតណាម​ ​v​n​express​ ​ចេញផ្សាយ​ ​កាលពី​ថ្ងៃ​ទី​២​១​ ​មីនា​ ​ម្សិលមិញ​។​

បន្ទាប់ពីមានប្រជាពលរដ្ឋមួយចំនួន ស្នាក់នៅក្នុងខេត្តប៉ៃលិន ដោយមកពីតាមបណ្តាខេត្តនានា ដូចជាខេត្តកណ្តាល ពោធិ៍សាត់ និង រាជធានីភ្នំពេញជាដើម ខណ:ពេលដែលខេត្តមួយចំនួនកំពុងតែមានករណីផ្ទុះឡើង នៃជម្ងឺកូវីដ-១៩ គួរឱ្យព្រួយបារម្ភ ចំពោះសុវត្ថិភាព ។ ទើបអាជ្ញាធរខេត្តប៉ៃលិន បានណែនាំឱ្យពួកគាត់ ធ្វើចត្តាឡីស័កក្នុងផ្ទះមួយរយ:ពេលសិន (១៤ថ្ងៃ) នៅដាច់ដោយឡែកពីក្រុមគ្រួសារ ដើម្បីរក្សាការពារ និងទប់ស្កាត់ការរីករាលដាលនៃជម្ងឺកូវីដ-១៩ ចូលក្នុងសហគមន៍ ។ ដោយពេលកំពុងធ្វើចត្តាឡីស័ក មិនអាចចេញទៅប្រកបមុខរបរបាន លោកជំទាវអភិបាលខេត្ត បានដឹកនាំក្រុមការងារ ចុះទៅសួរសុខទុក្ខ និងផ្តល់ស្បៀងអាហារជូនពួកគាត់ ។

ថ្ងៃទី២១ ខែមីនា ឆ្នាំ២០២១ លោកជំទាវ បាន ស្រីមុំ អភិបាលខេត្តប៉ៃលិន និងឯកឧត្តម សៅ សារ៉ាត់ អ្នកតំណាងរាស្ត្រប៉ៃលិន អមដំណើរដោយថ្នាក់ដឹកនាំមន្ទីរអង្គភាពជុំវិញខេត្ត និងអាជ្ញាធរមូលដ្ឋាន ព្រមទាំងក្រុមការងារ បានអញ្ជើញចុះជួបសំណេះសំណាលសួរសុខទុក្ខ និងនាំយកថវិកា ព្រមទាំងគ្រឿងឧបភោគបរិភោគ ទៅឧបត្ថម្ភដល់ប្រជាពលរដ្ឋចំនួន ៣៤គ្រួសារ ក្នុងក្រុងប៉ៃលិន និងស្រុកសាលាក្រៅ ដែលកំពុងធ្វើចត្តាឡីស័កនៅតាមគេហដ្ឋាននៅក្នុងខេត្ត បន្ទាប់ពីពួកគាត់ទើបវិលត្រលប់មកពីបណ្តាខេត្តផ្សេងៗ ដើម្បីចូលរួម ទប់ស្កាត់ការរីករាលដាលជម្ងឺកូវីដ-១៩ ជាមួយក្រសួងសុខាភិបាល និងរាជរដ្ឋាភិបាលកម្ពុជា។

ឯកឧត្តម ទៀ សីហា អភិបាលខេត្តសៀមរាប សុំការយោគយល់អាធ្យាស្រ័យពីប្រជាពលរដ្ឋ ចំពោះការបិទ សង្កាត់គោកចក និងទីតាំងមួយចំនួនទៀត ដើម្បីទប់ស្កាត់ការឆ្លងរីករាលដាលជំងឺកូវីដ១៩ ក្រោយពីអ្នកជំងឺម្នាក់ជាប់ពាក់ ព័ន្ធនឹងទីតាំងទាំងនេះ។

ក្រសួងធម្មការ និងសាសនា បានស្នើព្រះរាជអាជ្ញាអមសាលាដំបូង ខេត្តកណ្ដាល ចាត់វិធានការតាមផ្លូវច្បាប់ ចំពោះបុគ្គលឈ្មោះ ផែង វណ្ណៈ ពីបទប្រមាថព្រះសង្ឃ តាមមាត្រា៥១៦ បទញុះញង់ឱ្យមានការរើសអើង តាមមាត្រា ៤៩៦ និងបទគម្រាមកំហែងថា នឹងសម្លាប់ តាមមាត្រា ២៧៣ តាមក្រមព្រហ្មទណ្ឌ នៃព្រះរាជាណាចក្រកម្ពុជា ។

ក្រសួងសុខាភិបាល នៅព្រឹកថ្ងៃទី ២២ ខែមីនា ឆ្នាំ២០២១ នេះ បានចេញសេចក្តីប្រកាសព័ត៌មាន បញ្ជាក់ពីការរកឃើញអ្នកឆ្លងកូវីដ១៩ ថ្មីចំនួន ៧៣នាក់ ដែលក្នុងនោះ ៧១នាក់ជាករណីឆ្លងក្នុងសហគមន៍នៃ «ព្រឹត្តិការណ៍២០កុម្ភៈ» និង ២នាក់ទៀតជាអ្នកដំណើរមកពីក្រៅប្រទេស (មិនមែនពលករមកពីប្រទេសថៃ) ខណៈអ្នកជាសះស្បើយមានចំនួន ១៧នាក់។

របាយការណ៍របស់ក្រសួងសុខាភិបាល បានបង្ហាញថា គិតត្រឹមថ្ងៃទី២១ ខែមីនា ឆ្នាំ២០២១នេះ ក្រសួងបានចាក់វ៉ាក់សាំងកូវីដ១៩ ស៊ីណូហ្វាម (Sinopharm) និង អាស្រ្តាហ្សេនីកា (Astra Zeneca) ជូនជនស៊ីវិលទូទាំងប្រទេសសរុបទាំងអស់ទូទាំងប្រទេសចំនួន ២១២,៩២៥នាក់។

នៅព្រឹកថ្ងៃអាទិត្យ ទី២១ ខែមីនា ឆ្នាំ២០២១ លោក សំ ពិសិដ្ឋ ប្រធានសាខាសមាគមសិស្ស និស្សិត បញ្ញវន្តក្មេងវត្ដ ខេត្តកំពង់ចាម រួមនិងក្រុមការងារ បាននាំយកនូវទេយ្យវត្ថមួយចំនួន និងសម្ភារៈបង្ការមេរោគកូវីដ-១៩ ដែលជាមូលនិធិរបស់ឯកឧត្តម ហ៊ុន ម៉ានិត ប្រធានគណៈអចិន្ត្រៃយ៍សមាគម និងឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម រួមនិងសាខាសមាគម ព្រះសង្ឃ សប្បុរសជន ទៅប្រគេនដល់ព្រះសង្ឍដែលគង់នៅវត្ត៖ ទី១.បទុមកេសរ (ហៅវត្តពាមកោះស្នា) ស្ថិតនៅក្នុងភូមិពាមក្នុង ឃុំពាមកោះស្នា ស្រុកស្ទឹងត្រង់ ខេត្តកំពង់ចាម។ទី២.វត្ត សន្ធររង្សី (ហៅវត្តខ្ពបតាងួន) ភូមិអន្លង់សំឡី ឃុំខ្ពបតាងួន ស្រុកស្ទឹងត្រង់ ខេត្តកំពង់ចាម។និងទី៣.វត្ត គិរីសាលា (ហៅវត្តឈើទើ) ស្ថិតនៅភូមិឈើទើ ឃុំខ្ពបតាងួន ស្រុកស្ទឹងត្រង់ ខេត្តកំពង់ចាម។

ឯកឧត្ដម គួច ចំរើន អភិបាលនៃគណៈអភិបាលខេត្តព្រះសីហនុ នៅក្នុងកិច្ចប្រជុំបន្ទាន់មួយ នា រសៀល ថ្ងៃទី២១ លោកបានបញ្ជារឲ្យឃុំខ្លូនសន្តិសុខផ្សារលើម្នាក់ដែលមានចេតនាបំផ្លាញពងទារបស់អាជីវករ ព្រោះតែរឿងទារលុយថ្លៃភាស៊ីចំនួន៣ម៉ឺនរៀលលើសសៀវភៅបន្ទុកមិនបានសម្រេច។

អ្នកពាក់ព័ន្ធនឹងបុរសរកឃើញជំងឺកូវីដ១៩ នៅក្នុងក្រុងសៀមរាប ប្រមាណ ៤០០នាក់ ត្រូវបានក្រុមគ្រូពេទ្យចាត់ចែងយកសំណាក និងប្រឹក្សាសុខភាព ព្រមទាំងតម្រូវឱ្យធ្វើចត្តាឡីស័ក។ ក្នុងនោះមនុស្សប្រមាណ ១៤៣នាក់ លទ្ធផលបានបង្ហាញថា ពួកគេអវិជ្ជមាន។

សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា នៅថ្ងៃទី២១ ខែមីនា ឆ្នាំ២០២១នេះ បានចេញ សា រាចរ ណែនាំ ស្ដីពី ការឈប់សម្រាក ក្នុង ពិធីបុណ្យចូលឆ្នាំខ្មែរប្រពៃណីជាតិ ពីថ្ងៃពុធ ៣កើត ខែពិសាខ ឆ្នាំឆ្លូវ ទោ ស័ក ព.ស ២៥៦៤ ដល់ថ្ងៃសុក្រ ៥កើត ខែពិសាខ ឆ្នាំឆ្លូវ ត្រីស័ក ព.ស ២៥៦៤ ត្រូវនឹងថ្ងៃទី១៤ ដល់ថ្ងៃទី១៦ ខែមេសា ឆ្នាំ២០២១ និងវិធានការបង្ការ និង ទប់ស្កាត់ការរាតត្បាតនៃជំងឺកូវីដ-១៩ នៅក្នុងឱកាសឈប់សម្រាក ក្នុងរដូវបុណ្យចូលឆ្នាំថ្មីប្រពៃណីជាតិខ្មែរនេះផងដែរ។

លោកជំទាវ ឱ វណ្ណឌីន អំពាវនាវដល់ប្រជាពលរដ្ឋរួមគ្នាទប់ស្កាត់ ដោយអនុវត្តតាមវិធាននានា ដែលបានដាក់ចេញដោយក្រសួងសុខាភិបាល និងការណែនាំរបស់រាជរដ្ឋាភិបាល និងអាជ្ញាធរ។លោកស្រី បានសម្តែងនូវការតក់ស្លុត និងរន្ធត់ចិត្តជាពន់ពេក បន្ទាប់ពីឃើញជំងឺកូវីដ១៩ បានចាប់ផ្តើមរាតត្បាតទៅលើទារក ទារិកា និងកុមារតូចៗ។

ក្រសួងវប្បធម៌និងវិចិត្រសិល្បៈនៅព្រឹកថ្ងៃទី ២១ ខែមីនា ឆ្នាំ២០២០ នេះ បានចេញសេចក្ដីជូនដំណឹងមួយស្ដីពីការបិទផ្អាករោងកុន រោងសម្ដែងសិល្បៈ និងសារមន្ទីរ នៅទូទាំងប្រទេស ដើម្បីចូលរួមទប់ស្កាត់ការរីករាលដាលនៃជំងឺកូវីដ១៩ ក្នុង «ព្រឹត្តិការណ៍ ២០ កុម្ភៈ» រហូតដល់មានការជូនដំណឹងជាថ្មី។

សេចក្តីថ្លែងការណ៍ក្រុងភ្នំពេញ ស្តីពីកិច្ចសហប្រតិបត្តិការ និងនវានុវត្តន៍វប្បធម៌ ដើម្បីវិបុលភាពរួមក្នុងអំឡុងពេល និងក្រោយការរាតត្បាតនៃជំងឺកូវីដ-១៩