សុវណ្ណី ឡោ

សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា នៅថ្ងៃទី១ ខែមីនា ឆ្នាំ២០២១នេះ បានថ្លែងសារកោតសរសើរភរិយារបស់សម្តេច គឺសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន និងភរិយាថ្នាក់ដឹកនាំដទៃទៀត ដែលប្រើប្រាស់កាបូបធ្វើពីកំប្លោក នៅខេត្តសៀមរាប។ ក្នុងខ្លឹមសារលើ Facebook ផ្លូវការរបស់លោក ដែលមានភ្ជាប់រូបភាពមួយសន្លឹក ឈរទន្ទឹមគ្នាក្នុងដៃកាន់កាបូបធ្វើពីកំប្លោករបស់ភរិយាសម្តេចតេជោ ហ៊ុន សែន និងភរិយាថ្នាក់ដឹកនាំដទៃទៀត សម្តេចបានថ្លែងជំរុញឲ្យមានការប្រើប្រាស់កាបូបធ្វើកំប្លោកនៅខេត្តសៀមរាប កាន់តែទូលំទូលាយជាងមុន។ សម្តេចរំពឹងទុកថា បើសិនកាបូបប្រភេទនេះ ត្រូវបានប្រើប្រាស់យ៉ាងទូលំទូលាយពីស្ត្រីខ្មែរ ច្បាស់ជាធ្វើឲ្យសិប្បកម្មកែច្នៃ និងអ្នករកកំប្លោកទទួលបាននូវប្រាក់ចំណូល និងបង្កើតបាននូវការងារធ្វើសម្រាប់ប្រជាជនមិនខាន។

រដ្ឋបាលខេត្តកំពង់ចាម នៅថ្ងៃទី២៨ ខែកុម្ភៈ ឆ្នាំ២០២១នេះ បានចេញសេចក្តីប្រកាសព័ត៌មាន បកស្រាយករណីមន្ត្រីមន្ទីរសុខាភិបាលខេត្ត ចុះនាំជនជាតិចិន និងកម្មករខ្មែរ នៅមជ្ឈមណ្ឌលពាណិជ្ជកម្មវឌ្ឍនៈ ក្រុងកំពង់ចាម យកទៅពិនិត្យធ្វើតេស្តរកជំងឺកូវីដ១៩ បន្ទាប់ពីមានបណ្តាញផ្សព្វផ្សាយមួយចំនួន ធ្វើការផ្សាយបំភ្លៃខុសពីការពិត។

ប្រទេសកម្ពុជា បានទទួលវ៉ាក់សាំងប្រឆាំងជំងឺកូវីដ-១៩ ពីអង្គការសុខភាពពិភពលោក (WHO) ចំនួន៣២ម៉ឺន៤ពាន់ដូស ជាលើកដំបូង ដែលនឹងមកដល់នៅថ្ងៃទី០២ ខែមីនា ឆ្នាំ២០២១ខាងមុខនេះ។ សម្ដេចតេជោ ហ៊ុន សែន នាយករដ្ឋមន្ដ្រី នៃព្រះរាជាណាចក្រកម្ពុជា ក្នុងកិច្ចប្រជុំគណៈអចិន្ត្រៃយ៍គណៈ​រដ្ឋមន្ត្រី​នៅព្រឹកថ្ងៃទី២៨ ខែកុម្ភៈ បានចាត់ឲ្យឯកឧត្តម ម៉ម ប៊ុនហេង រដ្ឋមន្ដ្រីក្រសួងសុខាភិបាល តំណាងសម្ដេចទៅ​ទទួលវ៉ាក់សាំងនេះ។ ក្នុងសេចក្ដីប្រកាសព័ត៌មានបង្ហាញពីលទ្ធផលនៃកិច្ចប្រជុំគណៈអចិន្ដ្រៃយ៍ នៅល្ងាចថ្ងៃទី២៨ ខែកុម្ភៈ ឆ្នាំ២០២១ បានបញ្ជាក់យ៉ាងដូច្នេះថា «រាជរដ្ឋាភិបាល បានសម្រេចប្រគល់ភារកិច្ចជូន ឯកឧត្តម ម៉ម         ប៊ុនហេង រដ្ឋមន្ដ្រីក្រសួងសុខាភិបាល ជាតំណាងរាជរដ្ឋាភិបាល នៃព្រះរាជាណាចក្រកម្ពុជា ទៅទទួលយកវ៉ាក់សាំងការពារជំងឺកូវីដ-១៩ ដែលជាអំណោយរបស់អង្គភាពសុខភាពពិភពលោក (WHO) ដែលនឹងមកដល់ព្រះរាជាណាចក្រកម្ពុជា ក្នុងពេលឆាប់ៗខាងមុខនេះ»។ បន្ថែមពីលើសេចក្ដីប្រកាសព័ត៌មាននេះ…

ស្រ្តី​ខ្មែរ​ម្នាក់ស្ថិត​នៅក្នុង​ចំណោមមនុស្ស ១៥ នាក់ ដែលឆ្លង​វិរុសកូវិដ ១៩។ នេះ​បើ​តាម​របាយការណ៍​របស់​ក្រសួង​សុខាភិបាល​ដែល​ចេញ​ផ្សាយ​មុន​នេះ​បន្តិច។ ស្រ្តី​ខ្មែរ​នោះ​មាន​វ័យ ២២ ឆ្នាំ រស់នៅ​រាជធានី​ភ្នំពេញ។ តាម​​ក្រសួងសុខាភិបាល ក៏​រកឃើញ​ជនជាតិ​ចិន ១៣ នាក់​ទៀត បាន​តេស្ត​មាន​វិរុស​កូវីដ ១៩ ពាក់ព័ន្ធ​​ព្រឹត្តិការណ៍ ២០ កុម្ភៈ។ គិត​ត្រឹម​ព្រឹកថ្ងៃ ១ មីនា ឆ្នាំ​២០២១ កម្ពុជា​រកឃើញ​អ្នក​ឆ្លងកូវិដ​ ១៩ ពាក់ព័ន្ធព្រឹត្តិការណ៍ ២០ កុម្ភៈ​ឡើង​ដល់ ៣១៦ នាក់៕

រដ្ឋបាលខេត្តត្បូងឃ្មុំ ប្រកាសអំពាវនាវដល់អ្នកដែលបានចូលរួមកម្មវិធីឡើងគេហដ្ឋាននៅ​ភូមិស្លាប​ក្តោង​ ឃុំ​ជប់​ ស្រុកត្បូង​ឃ្មុំ​ ខេត្ត​ត្បូង​ឃ្មុំ កាល​ពីថ្ងៃទី១៨ ខែកុម្ភៈ ឆ្នាំ២០២១​ ត្រូវទៅពិនិត្យសុខភាព និងយកសំណាក ដោយ​សារ​ក្នុងកម្មវិធី​នេះ​មា​ន​បុរសម្នាក់​​អ្នក​រត់ Pass App បាន​ចូល​រួម​ក្នុង​កម្មវិធី​ឡើង​គេហដ្ឋាន​ខាងលើ​។ ក្រសួង​សុខាភិបាល​កា​លពីថ្ងៃទី ២៧ ខែកុម្ភៈ ឆ្នាំ២០២១ បាន​រក​ឃើញ​​បុរសម្នាក់​បាន​ឆ្លងកូវីដ១៩ ​បាន​ឆ្លងកូវីដ១៩​។

វិទ្យាស្ថានជាតិ​សុខភាព​សាធារណៈ បញ្ជាក់​ករណី​វិជ្ជមាន​វិរុស​កូវីដ ១៩ លើ បុរសសញ្ជាតិ​ឥណ្ឌូណេស៉ី ០១ នាក់ ជា​អ្នកដំណើរ​មកពីក្រៅ​ប្រទេស។ បុរស​រូប​នេះ​មក​ដល់​ប្រទេស​កម្ពុជា​នៅ​ថ្ងៃ ២៦ កុម្ភៈ ដោយ​ចេញ​ដំណើរ​ពី​ប្រទេស​ឥណ្ឌូណេស៉ី ត​ាម​ជើង​ហោះ​ហើរ​​ប្រទេស​សិង្ហបុរី។ អ្នក​រួម​ដំណើរជាមួយ​បុរស​រងគ្រោះខាងលើ​ ការ​តេស្ត​លទ្ធផល​អវិជ្ជមាន ហើយ​ត្រូវ​បាន​បញ្ជូន​ទៅ​ធ្វើ​ចត្តាឡីស័ក​រយៈពេល ១៤ ថ្ងៃ។ បុរស​ឥណ្ឌូណេស៉ីដែល​មាន​អាសយដ្ឋាន​នៅ​ស្រុកកោះធំ ខេត្តកណ្តាលដែល​តេស្ត​មាន​កូវីដ ១៩ នេះ ជា​ករណី​នាំ​ចូល មិន​ពាក់ព័ន្ធ​ព្រឹត្តិការណ៍ ២០ កុម្ភៈ នោះ​​ទេ៕

សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា នៅថ្ងៃទី០១ ខែមីនា ឆ្នាំ២០២១នេះ បានផ្តល់ជំនួយថវិកាជាង៣ពាន់លានរៀល ដល់ខេត្តចំនួន១២ ដែលមានព្រំប្រទល់ជាប់ប្រទេសថៃ និងប្រទេសវៀតណាម។ ជំនួយរបស់សម្តេចតេជោនាយករដ្ឋមន្រ្តី នឹងយកទៅប្រើប្រាស់សម្រាប់រៀបចំធ្វើចត្តាឡីស័ក ចាប់ពីថ្ងៃទី០១ ដល់ ១០ ខែមីនា ឆ្នាំ២០២១។ សូមបញ្ជាក់ថា ខេត្តរបស់កម្ពុជា ដែលមានព្រំដែនជាប់ប្រទេសថៃ ដែលទទួលបានជំនួយបន្ថែមពីសម្តេចតេជោ ហ៊ុន សែន មានចំនួន៥ខេត្ត ក្នុងនោះមាន៖ បាត់ដំបងទទួលបាន ៨០០លានរៀល ខេត្តបន្ទាយមានជ័យទទួលបាន៩០០លានរៀល ខេត្តឧត្តរមានជ័យទទួលបាន ៩០០លានរៀល ខេត្តប៉ៃលិនទទួលបាន២០០លានរៀល និងខេត្តកោះកុងទទួលបាន៥០លានរៀល។ ដោយឡែក ខេត្តរបស់កម្ពុជាដែលមានព្រំដែនជាប់ប្រទេសវៀតណាម ដែលទទួលជំនួយថវិកាពីសម្តេចតេជោ លើកនេះ មានចំនួន៧ខេត្ត ក្នុងនោះមាន៖ ខេត្តកណ្តាលទទួលបាន…

(ភ្នំពេញ)៖ ប្រមុខរាជរដ្ឋាភិបាលកម្ពុជា សម្តេចតេជោ ហ៊ុន សែន បានសម្រេចឱ្យចាក់វ៉ាក់សាំងប្រឆាំងជំងឺកូវីដ១៩ ជូនកម្មករប្រមូលសំរាម ក្នុងចំណោមអាទិភាព។ នេះបើយោងតាមសេចក្តីជូនដំណឹងរបស់ក្រសួងសុខាភិបាលនៅរសៀលថ្ងៃទី២៨ ខែកុម្ភៈ ឆ្នាំ២០២១នេះ។ ក្នុងសេចក្តីជូនដំណឹងនេះ ក្រសួងសុខាភិបាលសុខាភិបាល បានបញ្ជាក់ដូច្នេះ «យោងតាមអនុសាសន៍ណែនាំ និងការយកចិត្តទុកដាក់ដ៏ខ្ពង់ខ្ពស់របស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ការចាក់វ៉ាក់សាំងកូវីដ-១៩ (ស៊ីណូហ្វាម Sinopharm Beijing Institute of Biological Products) ដែលជាជំនួយមនុស្សធម៌ដ៏ថ្លៃថ្លារបស់សាធារណរដ្ឋប្រជាមានិតចិន ត្រូវបានអនុញ្ញាត ឱ្យបន្តចាក់ជូនដល់បងប្អូនដែលជាកម្មករប្រមូលសំរាមនៅរាជធានីភ្នំពេញ បន្ថែមលើក្រុមមនុស្សដែលជាបុគ្គលិកសុខាភិបាល កងកម្លាំងប៉ូលីសជាតិ និងអាជ្ញាធរជួរមុខ»។ ក្រសួងសុខាភិបាល បានណែនាំទៅគណៈអភិបាលខេត្ត គណៈអភិបាលក្រុង/ស្រុក/ខណ្ឌ គណៈកម្មការភូមិ-ឃុំ-សង្កាត់ រៀបចំចាត់ចែងកម្មករប្រមូលសំរាមនៅរាជធានីភ្នំពេញ ដែលមានអាយុពី ១៨ឆ្នាំ ដល់ ៥៩ឆ្នាំ…

 (ភ្នំពេញ)៖ ប្រទេសកម្ពុជា បានទទួលវ៉ាក់សាំងប្រឆាំងជំងឺកូវីដ-១៩ ពីអង្គការសុខភាពពិភពលោក (WHO) ចំនួន៣២៤,០០០ដូសជាលើកដំបូង ដែលនឹងមកដល់នៅថ្ងៃទី០២ ខែមីនា ឆ្នាំ២០២១ខាងមុខនេះ។ សម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជា ក្នុងកិច្ចប្រជុំគណៈអចិន្ត្រៃយ៍គណៈរដ្ឋមន្ត្រីនៅព្រឹកថ្ងៃទី២៨ ខែកុម្ភៈ បានចាត់ឲ្យឯកឧត្តម ម៉ម ប៊ុនហេង រដ្ឋមន្ដ្រីក្រសួងសុខាភិបាល តំណាងសម្ដេចទៅទទួលវ៉ាក់សាំងនេះ។ ក្នុងសេចក្ដីប្រកាសព័ត៌មានបង្ហាញពីលទ្ធផលនៃកិច្ចប្រជុំគណៈអចិន្ដ្រៃយ៍ នៅល្ងាចថ្ងៃទី២៨ ខែកុម្ភៈ ឆ្នាំ២០២១នេះ បានបញ្ជាក់យ៉ាងដូច្នេះថា «រាជរដ្ឋាភិបាល បានសម្រេចប្រគល់ភារកិច្ចជូន ឯកឧត្តម ម៉ម ប៊ុនហេង រដ្ឋមន្ដ្រីក្រសួងសុខាភិបាល ជាតំណាងរាជរដ្ឋាភិបាល នៃព្រះរាជាណាចក្រកម្ពុជា ទៅទទួលយកវ៉ាក់សាំងការពារជំងឺកូវីដ-១៩ ដែលជាអំណោយរបស់អង្គភាពសុខភាពពិភពលោក (WHO) ដែលនឹងមកដល់ព្រះរាជាណាចក្រកម្ពុជា ក្នុងពេលឆាប់ៗខាងមុខនេះ»។ សេចក្ដីប្រកាសព័ត៌មាននេះ លោកជំទាវ ឱ វណ្ណឌីន…

រដ្ឋបាលខេត្តព្រះសីហនុបានចេញសេចក្តីអំពាវនាវកុំឲ្យពលរដ្ឋខ្មែរនិងជនបរទេស ដែលកំពុងរស់នៅក្នុងខេត្តនេះធ្វើការចល័តពីតំបន់មួយទៅតំបន់មួយទៀត។ យោងតាមសេចក្តីអំពាវលើកទី៤ បន្ទាប់ពីខេត្តព្រះសីហនុបានរកឃើញអ្នកឆ្លងកូវី១៩កើនឡើងដល់៣០នាក់ពាក់ព័ន្ធនឹង«ព្រឹត្តិការណ៍សហគមន៍២០កុម្ភៈ» រដ្ឋបាលខេត្តព្រះសីហនុបានស្នើឱ្យប្រជាពលរដ្ឋកុំទៅផ្សារទិញទំនិញញឹកញាប់ពេក អាចទៅផ្សារតែម្តងៗទិញទំនិញសម្រាប់ទុកប្រើប្រាស់ច្រើនថ្ងៃ ។ ជាមួយគ្នានេះ អាជ្ញាធរក៏បានអំពាវនាវឱ្យប្រជាពលរដ្ឋកុំបន្តជួបជុំគ្នាច្រើនកុះករ និងយកចិត្តទុកដាក់អនុវត្តវិធានការពារឱ្យបានម៉ឹងម៉ាត់បំផុត លើ«វិធានការ៣ការពារ ៣ កុំ» របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្ទីនៃព្រះរាជាណាចក្រកម្ពុជា។ សូមបញ្ជាក់ថា រដ្ឋបាលខេត្តព្រះសីហនុបានចេញសេចក្តីអំពាវនាវជាបន្តបន្ទាប់ ហើយមានប្រជាពលរដ្ឋមួយចំនួនធំបានអនុវត្តវិធានការសុវត្ថិភាពការពារប្រឆាំងនឹងការឆ្លងជំងឺកូវីដ១៩ មានម្ចាស់អាជីវកម្មមួយចំនួនបានស្ម័គ្រចិត្តផ្អាកដំណើរការរបស់ខ្លួន រួមមានសណ្ឋាគារចំនួន១០កន្លែង កាស៊ីណូចំនួន៦ ទីតាំង រមណីដ្ឋាន ១កន្លែង ភោជនីយដ្ឋាន១កន្លែង និងទីតាំងគុជអាស៊ី១កន្លែង។ លើសពីនេះក៏មានការបិទសាលារៀនចំនួន២ ក្រុង និងស្រុក គឺនៅក្រុងព្រះសីហនុ និងនៅស្រុកស្ទឹងហាវ។ នៅក្នុងចំណោមអ្នកពាក់ព័ន្ធចំនួន៤១១៩នាក់ដែលត្រូវបានធ្វើតេស្តគឺមានមនុស្សចំនួន៣០នាក់ត្រូវបានរកឃើញថា មានឆ្លងកូវីដ១៩ គិតត្រឹមថ្ងៃទី២៧ ខែកុម្ភះ ឆ្នាំ២០២១៕