នៅព្រឹកថ្ងៃទី០៧ ខែមេសា ឆ្នាំ២០២១ ឯកឧត្តម ថង សាវុន អភិបាលខេត្តរតនគិរី អមដំណេីរដោយ លោក អភិបាលរងខេត្ត និងប្រធាន អនុប្រធានមន្ទីរពាក់ព័ន្ធ កងកម្លាំងទាំង៣ប្រភេទ បានអញ្ជេីញចុះពិនិត្យស្ថានភាពជួសជុលកំណាត់ផ្លូវជាតិលេខ៧៨-៥ ប្រវែង៨គីឡូម៉ែត្រ ទទឹង៧ ម៉ែត្រ ចាប់ពីចំណុចភ្នំវែង ចន្លោះពីស្រុកអូរជុំ និងស្រុកតាវែង ហេីយផ្លូវមួយខ្សែនេះចាប់ផ្តេីមជួសជុលនៅដេីមខែមីនា នឹងគ្រោងបញ្ចប់នៅចុងខែមិថុនា ឆ្នាំ២០២១ នេះ ។

រដ្ឋបាលខេត្តកែប បានដាក់ចេញនូវសេចក្តីណែនាំ និងវិធានការ មួយចំនួនដល់មន្ទីរ អង្គភាពជុំវិញខេត្ត រដ្ឋបាលក្រុង ស្រុក ឃុំ សង្កាត់ និងអ្នកពាក់ព័ន្ធមួយចំនួន ព្រមទាំងបងប្អូនប្រជាពលរដ្ឋក្នុងខេត្ត ក្នុងន័យចូលរួមទប់ស្កាត់ ការឆ្លងរីករាលដាលនៃជំងឺកូវីដ១៩ ចូលក្នុងសហគមន៍ជាទ្រង់ទ្រាយធំ សំដៅកាត់បន្ថយឱ្យបានជាអតិបរមានូវផលប៉ះពាល់នៃការឆ្លងរាលដាលនៃជំនីកូដ១៩ មកលើអាយុ ជីវិត និងជីវភាពរស់នៅរបស់បងប្អូនប្រជាពលរដ្ឋក្នុងបរិការណ៍នៃការឆ្លងរីករាលដាលនៃជំងឺវីង-១៩

កាលពីល្ងាចថ្ងៃទី០៤ ខែមេសា ឆ្នាំ២០២១ រដ្ឋបាលខេត្តរតនគីរី បានចេញសេចក្តីជូនដំណឹង អំពីការរកឃើញអ្នកផ្ទុកមេរោគកូវីដ១៩ ចំនួន១ករណី នៅស្រុកតាវែង ខេត្តរតនគីរី លើបុរសជនជាតិខ្មែរ ឈ្មោះ ញឹក សុខជា ភេទប្រុស អាយុ៣១ឆ្នាំ ដែលបានធ្វើដំណើរ មកពីស្រុកចិត្របុរី ខេត្តក្រចេះ ដោយផ្អែកលើលទ្ធផលការធ្វើវត្ថុវិភាគពីមន្ទីរពិសោធន៍។ ភ្លាមៗបន្ទាប់ពីរដ្ឋបាលខេត្ត បានចេញសេចក្តីជូនដំណឹង ក្នុងកាលបរិច្ឆេទខាងលើ មន្ទីរពិសោធន៍ក៏បានផ្តល់ព័ត៌មានជាថ្មី ដោយលទ្ធផលពីការប្រែប្រួលពីវិជ្ជមាន មកអវិជ្ជមានវិញ។

ឯកឧត្ដម ជិន ម៉ាលីន រដ្ឋលេខាធិការក្រសួងយុត្តិធម៌ និងជាអនុប្រធានគណៈកម្មាធិការសិទ្ធិ​មនុស្ស​កម្ពុជា បានសម្ដែងការហួសចិត្ត ចំពោះអង្គការសង្គមស៊ីវិលមួយចំនួន ដែលស្នើឲ្យអ្នករាយការណ៍ពិសេសថ្មីលោកសាស្រ្តាចារ្យ Vitit Muntarbhorn ចាត់វិធានការក្តៅមកលើកម្ពុជា។

ដើម្បីអនុវត្តតាមសេចក្តីសម្រេចរបស់រាជរដ្ឋាភិបាលកម្ពុជាចុះលេខ ៤៤សសរ ប្រធានគណៈបញ្ជាការឯកភាពខេត្តរតនគិរី ឯកឧត្តម ថង សាវុន បានដាក់បទបញ្ជាអោយបិទការធ្វើដំណើរឆ្លងកាត់ចេញ-ចូលខេត្តរតនគិរី ជាបណ្តោះអាសន្នសម្រាប់រយៈពេល១៤ថ្ងៃ ដោយគិតចាប់ពីម៉ោង០០នាទីយប់ ឈានចូលថ្ងៃទី៧ ខែមេសា ឆ្នាំ២០២១ រហូតដល់ថ្ងៃទី២០ ខែមេសា ឆ្នាំ២០២១ ក្នុងគោលបំណងប្រយុទ្ធ និងទប់ស្កាត់ការឆ្លងរាលដាលនៃជំងឺកូវីដ១៩ពីភូមិសាស្ត្រនៃខេត្តទៅខេត្តមួយទៀត។

សម្តេចតេជោ ហ៊ុន សែន បានមានប្រសាសន៍ថា ខ្ញុំមិនចង់ឱ្យដល់ដំណាក់កាល ដែលមានការលំបាកហើយ ទើបស្រោចស្រង់នោះទេ។ នៅពេលណាមួយ ដែលគ្រប់ស្ថាប័ន ចាក់ឡើងពី៧០%ឡើងទៅ មន្ត្រីដែលមិនបានចាក់វ៉ាក់សាំង ប្រហែលជាមិនអាចចូលធ្វើការបានទេ សូមដេកផ្ទះចុះ ហើយបើសិនជាថ្នាក់ដែលត្រូវចូលប្រជុំ ក៏មិនចាំបាច់ឱ្យប្រធានស្ថាប័នអញ្ជើញឱ្យចូលរួមប្រជុំដែរ ទុកឱ្យដេកផ្ទះនោះទៅ ព្រោះគ្រាន់តែវ៉ាក់សាំងចាក់ដើម្បីការពារជីវិតខ្លួនឯង និងចូលរួមការពារ ប្រយុទ្ធនឹងកូវីដ-១៩ ធ្វើមិនបានផង តើចាំបាច់បន្តធ្វើជាទាហាន ជាប៉ូលីស ឬក៏ជាមន្ត្រីរាជការអ្វីតទៅទៀត? គ្មានការចាំបាច់ទេ។

នៅព្រឹកថ្ងៃទី​០៦ ខែមេសា​ ឆ្នាំ​២០២១​ ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម និងជាប្រធានគណៈកម្មការខេត្តប្រយុទ្ធប្រឆាំងនិងជំងឺកូវីដ-១៩​ និងឯកឧត្ដម ខ្លូត ផន ប្រធានក្រុមប្រឹក្សាខេត្ត អមដោយឯកឧត្តម លោកជំទាវ អភិបាលរងខេត្ត អញ្ជេីញ​ទទួលអំណោយឧបត្តម្ភពីធនាគារ ABA សាខាខេត្តកំពង់ចាម ដេីម្បីចូលរួមក្នុងយុទ្ធនាការការពារ និងទប់ស្កាត់ការរីករាលដាលនៃជំងឺ កូវីដ-១៩ ក្នុងព្រឹត្តិការណ៍សហគមន៍ ២០-កុម្ភៈ នៅក្នុងខេត្តកំពង់ចាម។

ឯកឧត្តម​ អ៊ុន​ ចាន់ដា​ អភិបាលនៃគណៈអភិបាលខេត្តកំពង់ចាម​ នារសៀល​ថ្ងៃ​ទី​៦​ ខែមេសា​ ឆ្នាំ​២០២១​នេះ​ បាន​ចាត់តាំង​ក្រុម​ការងារ​មន្ទីរ​សុខាភិបាល​ ចុះ​បាញ់​ថ្នាំ​សម្លាប់​មេរោគ​ នៅ​ក្នុង​ផ្សារ​បឹងកុក​ ក្រុង​កំពង់ចាម​ ខណៈសេវាកម្ម​ អាជីវកម្មពេលរាត្រី ត្រូវបិទទ្វារចាប់ពីម៉ោង៨យប់ ដល់ម៉ោង៥ភ្លឺ​ ដោយឡែក​រម្មណីយដ្ឋានទេសចរណ៍ទាំងអស់ក្នុងខេត្តកំពង់ចាម​ ត្រូវផ្អាកសកម្មភាព​ ដែល​ជា​ការអនុវត្តនូវវិធានការរដ្ឋបាល​ ដើម្បីទប់ស្កាត់ការឆ្លងរីករាលដាល នៃជំងឺកូវីដ-១៩ រយៈពេល២សប្ដាហ៍ ចាប់ពីថ្ងៃទី៨ ដល់ថ្ងៃទី២១ ខែមេសា ឆ្នាំ២០២១ ។

អភិបាលខេត្តកំពង់ចាម បញ្ជាឲ្យបិទរម្មណីយដ្ឋានទេសចរណ៍ទាំងអស់ ចាប់ពីថ្ងៃទី០៨-ទី២១ ខែមេសា ខណៈអាជីវកម្មពេលរាត្រី ត្រូវបិទទ្វារចាប់ពីម៉ោង៨យប់ ដល់ម៉ោង៥ភ្លឺ

ឯកឧត្តម​ អ៊ុន​ ចាន់ដា​ អភិបាលខេត្តកំពង់ចាម​ បាន​ណែនាំ​ដល់​មន្ត្រី​ពាក់ព័ន្ធ​ ​ឲ្យ​ធ្វើ​ការ​ត្រួតពិនិត្យ​ឡេីង​វិញ​​​ ដើម្បី​មាន​ចំណាត់ការ​ ចំពោះ​បុគ្គល​មួយ​ចំនួន​ ដែល​បង្កើត​ក្រុមហ៊ុន​​​ ដេីម្បី​ទាមទារ​​​យក​​លុយ​​ទឹកតែ​ ហើយ​ថែមទាំង​បង្ក​ការ​អុកឡុក​​ ក្នុង​ដំណើរ​ការ​ដេញ​ថ្លៃ​គម្រោង​មូលនិធិ​ឃុំ​-សង្កាត់​ ជារឿយៗ​ទៀត​ផង​ ការ​ព្រមាន​​យ៉ាង​ដូច្នេះ​ក្នុង​កិច្ចប្រជុំ​សាមញ្ញ​លេីក​ទី​២៣​ អាណត្តិ​ទី​៣​ របស់​ក្រុមប្រឹក្សាខេត្តកំពង់ចាម​ នាព្រឹក​ថ្ងៃ​ទី​៦​ ខែមេសា​ ឆ្នាំ​២០២១​ ។