ក្រោយមានសំឡេងមួយ បានចែកចាយក្នុងបណ្តាញសង្គមយ៉ាងព្រោងព្រាតថា រាជធានីភ្នំពេញ នឹងត្រូវបិទនៅយប់ថ្ងៃទី១៥ ខែមីនា ឆ្នាំ២០២១នេះ, អ្នកនាំពាក្យរដ្ឋបាលរាជធានីភ្នំពេញ លោក ម៉េត មាសភក្ដី បានចេញមកបញ្ជាក់ថា នេះជាដំណឹងក្លែងក្លាយ ពោលរាជធានីភ្នំពេញ មិនទាន់មានការសម្រេចឲ្យបិទនោះទេ គិតត្រឹមល្ងាចថ្ងៃទី១៥ ខែមីនា ឆ្នាំ២០២១នេះ។
លោក ហាក់ សុខហេង ដែលគេស្គាល់ថា ជាអ្នកគ្រប់គ្រងការផ្សាយរបស់ទូរទស្សន៍ TOWN បានបញ្ជាក់ថា ខ្លួនមានវិជ្ជមានចំពោះកូវីដ-១៩ បន្ទាប់ពីបានប៉ះពាល់ផ្ទាល់ជាមួយអតីតគូស្នេហ៍របស់ ដេននី ក្វាន់ គឺលោក ចាន់ មករា។
រដ្ឋមន្ត្រីក្រសួងយុត្តិធម៌ បានគូសបញ្ជាក់ថា ច្បាប់ស្តីពីវិធានការទប់ស្កាត់ ការឆ្លងរាលដាលនៃជំងឺកូវីដ១៩ និងជំងឺឆ្លងកាចសាហាវនិងប្រកបដោយគ្រោះថ្នាក់ធ្ងន់ធ្ងរផ្សេងទៀត ឬច្បាប់កូវីដ១៩ ត្រូវបានធ្វើឡើងដើម្បីទប់ទល់នឹងការរីករាលដាលជំងឺកូវីដ១៩ នៅក្នុងប្រទេសកម្ពុជា ហើយច្បាប់នេះនឹងដាក់ទោសចំពោះអ្នកដែលមានចេតនាធ្វើឱ្យឆ្លងដល់អ្នកដទៃដូចបទល្មើសឧក្រិដ្ឋ។
លោកជំទាវវេជ្ជបណ្ឌិត ឱ វណ្ណឌីន រដ្ឋលេខាធិការ និងជាអ្នកនាំពាក្យក្រសួងសុខាភិបាល នៅព្រឹកថ្ងៃទី១៣ ខែមីនា បានអំពាវនាវជាថ្មីម្តងហើយម្តងទៀត សូមឲ្យបងប្អូនប្រជាពលរដ្ឋទាំងអស់ បន្តការប្រុងប្រយ័ត្នខ្ពស់ ចំពោះវីរុសកូវីដ-១៩ បំប្លែងថ្មី ហើយមេរោគបម្លែងថ្មីនេះកំពុងចារាចរសកម្មខ្លាំងក្លាបំផុតនៅប្រទេសកម្ពុជា ថ្លែងក្នុងសន្និសីទសារព័ត៌មាន «ច្បាប់ស្តីពីវិធានការ ទប់ស្កាត់ ការឆ្លងរាលដាល ជំងឺកូវីដ-១៩ និងជំងឺឆ្លងកាចសាហាវ និងប្រកបដោយ គ្រោះថ្នាក់ធ្ងន់ធ្ងរផ្សេងទៀត» ។
ជាមួយនឹងការបង្ហោះរូបតែម្នាក់ឯងជាច្រើនសន្លឹក សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានរំលឹកថា «៣កុំ និង៣ការពារ» ជាវិធីការពារដ៏មានប្រសិទ្ធភាពបំផុត សម្រាប់ស្ថានភាពនៃការរីករាលដាលជំងឺកូវីដ១៩ នាពេលនេះ។
រដ្ឋបាលរាជធានីភ្នំពេញនឹងអនុវត្តយន្តការថ្មីមួយទៀត ដោយតម្រូវឲ្យអ្នកដែលជាសះស្បើយពីជំងឺកូវីដ១៩ ពេលដែលគាត់ចេញពីមន្ទីរពេទ្យ ត្រូវបន្តធ្វើចត្តាឡីស័កចំនួន ១៤ថ្ងៃបន្ថែមទៀត។ នេះជាយន្តការថ្មី ក្នុងការទប់ស្កាត់ជំងឺកូវីដ១៩ កុំឲ្យឆ្លងចូលក្នុងសហគមន៍សាជាថ្មី។
ឯកឧត្តមនាយឧត្តមសេនីយ៍ សៅ សុខា សមាជិកអចិន្ត្រែយ៍ គណៈកម្មាធិកាកណ្តាល និងជាប្រធានក្រុមការងារ គណៈកម្មាធិការកណ្តាល គណបក្សប្រជាជនកម្ពុជា ចុះមូលដ្ឋានស្រុករមាសហែក នៅព្រឹកថ្ងៃទី១៤ ខែ មីនា ឆ្នាំ២០២១ នេះ បានអញ្ជើញជាអធិបតី ក្នុងពិធីសំណេះសំណាល និងប្រគល់រថយន្ត ១គ្រឿង ជូនគណៈកម្មការ ប្រយុទ្ធប្រឆាំងនឹងជំងឺកូវីដ ១៩ ស្រុករមាសហែក និងម៉ូតូចំនួន ១៦ គ្រឿង ដល់មន្ត្រីសុខាភិបាល សម្រាប់ បម្រើការងារ តាមមណ្ឌលសុខភាព ទាំង ១៦ ក្នុងស្រុករមាសហែក និងបានផ្តល់ម៉ាស៊ីន វាស់កំដៅ ៥០ គ្រឿង មួកសុវត្ថិភាព ៥០ ។
រដ្ឋបាលខេត្តកែប បានចេញស្តីពីជូនដំណឹងពីការដាក់ប៉ុស្តិ៍ត្រួពិនិត្យការធ្វើដំណើរបស់ប្រជាពលរដ្ឋ មកពីក្រៅខេត្ត ចូលទឹកដីខេត្តកែប ដោយបានបញ្ជាក់ថា នឹងធ្វើការដាក់ប៉ុស្តិ៍ត្រួតពិនិត្យក្នុងគោលបំណងអនុវត្តវិធានការសុខាភិបាលសម្រាប់ការធ្វើដំណើររបស់ប្រជាពលរដ្ឋមកពីក្រៅខេត្តចូលក្នុងភូមិសាស្រ្តខេត្តកែបចាប់ពីថ្ងៃជូនដំណឹងនេះតទៅ។
រដ្ឋបាលខេត្តកំពត ចេញសេចក្តីជូនដំណឹងស្តីពីការផ្អាកការរៀបចំពិធីមង្គលការ ពិធីជប់លៀង និងការជួបជុំតាមបែបសាសនានានាបណ្តោះអាសន្តក្នុងភូមិសាស្ត្រខេត្តកំពត
លោកជំទាវ បាន ស្រីមុំ អភិបាលខេត្តប៉ៃលិន និងជាប្រធានគណៈកម្មាធិការសាខាកាកបាទក្រហមកម្ពុជាខេត្ត បានដឹកនាំសមាជិកកិត្តិយសសាខា, សមាជិកគណៈកម្មាធិការសាខា អនុសាខា យុវជនកាកបាទក្រហមខេត្ត និងយុវជនសហភាពសហព័ន្ធយុវជនកម្ពុជាខេត្ត ព្រមទាំងក្រុមការងារ បានអញ្ជើញចុះជួបសំណេះសំណាលសួរសុខទុក្ខ និងនាំយកអំណោយមនុស្សធម៌ ទៅឧបត្ថម្ភជូនដល់ប្រជាពលរដ្ឋទីទាល់ក្រ ចំនួន ១៩គ្រួសារ និងប្រគល់ផ្ទះ ១ខ្នង ជូនគ្រួសារពលរដ្ឋរងគ្រោះដោយសារជំនន់ទឹកភ្លៀងនាពេលកន្លងមក ដែលជាអំណោយដ៏ថ្លៃថ្លៃរបស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ស្ថិតនៅភូមិដីសថ្មី ឃុំស្ទឹងត្រង់ ស្រុកសាលាក្រៅ ខេត្តប៉ៃលិន។
