ព័ត៌មានជាតិ

នាព្រឹកថ្ងៃទី១១ ខែតុលា ឆ្នាំ២០២៤ ឯកឧត្តម មាន ចាន់យ៉ាដា អភិបាល នៃគណៈអភិបាលខេត្តឧត្តរមានជ័យ អញ្ជើញដឹកនាំកិច្ចប្រជុំត្រួតពិនិត្យការងាររៀបចំកម្មវិធីប្រកួតអុំទូក ប្រចាំឆ្នាំ២០២៤ របស់ខេត្តឧត្តរមានជ័យ ដែលគ្រោងនឹងប្រព្រឹត្តទៅនាថ្ងៃទី៤-៥ ខែវិច្ឆិកា​ ឆ្នាំ២០២៤ខាងមុខនេះ។ សូមអញ្ជើញបងប្អូនចូលរួមកម្សាន្តសប្បាយទាំងអស់គ្នា។

ថ្ងៃទី១២ ខែតុលា ឆ្នាំ២០២៤ លោកជំទាវ បាន ស្រីមុំ អភិបាលខេត្តប៉ៃលិន និងជាប្រធានគណៈកម្មការរៀបចំបុណ្យជាតិ-អន្តរជាតិខេត្ត បានដឹកនាំមន្ទីរ អង្គភាពជំនាញខេត្ត ចុះពិនិត្យរៀបចំទីតាំងពិធីបុណ្យអុំទូក អកអំបុក បណ្តែតប្រទីប និងសំពះព្រះខែ នាពេលខាងមុខ នៅមាត់ស្ទឹងតារាប ស្ថិតក្នុងសង្កាត់ទួលល្វា ក្រុងប៉ៃលិន ខេត្តប៉ៃលិន

នាព្រឹកថ្ងៃទី១០ ខែតុលា ឆ្នាំ២០២៤ ឯកឧត្តម មាន ចាន់យ៉ាដា អភិបាល នៃគណៈអភិបាលខេត្តឧត្តរមានជ័យ អញ្ជើញដឹកនាំមន្ទីរជំនាញ ក្រុមហ៊ុនផ្គត់ផ្គង់ទឹកស្អាត ដើម្បីកំណត់ទីតាំងរៀបចំអាងស្តុកទឹកមួយកន្លែងនៅភូមិអូរពក សង្កាត់កូនគ្រៀល ក្រុងសំរោង ដែលនឹងមានលទ្ធភាពស្តុកទឹកបានប្រមាណជា ៨៥០.០០០ម៉ែត្រគីប ធានាបានការផ្គត់ផ្គង់ទឹកនៅតំបន់អូរស្មាច់ និងតំបន់ផ្អុង ទាំងរដូវប្រាំង និងវស្សា

នៅថ្ងៃទី១០ ខែតុលា ឆ្នាំ២០២៤នេះ ឯកឧត្តម ប៉េង ពោធិ៍សា អភិបាលនៃគណៈអភិបាលខេត្តស្វាយរៀង អញ្ជើញពិនិត្យស្ថានភាពទឹកនៅអាងទន្លេវ៉ៃគោ, អាងទឹកដូន ស ,អាងទឹកកៀនតាស៉ីវ ,អាងទឹកកំពង់ជ្រៃ និងស្ថានភាពទឹកនៅតាមតំបន់ខ្សែក្រវ៉ាត់ព្រំដែន​ ព្រមទាំងនៅទីតាំងមួយចំនួនទៀតដើម្បីត្រៀមវិធានការក្នុងការឆ្លើយតបក្នុងករណីមានជំនន់ទឹកភ្លៀង​កេីតឡេីង​ ដែលបង្ករឲ្យមានផលប៉ះពាល់ដល់ការរស់នៅ ក៏ដូចជាផលដំណាំរបស់ប្រជាពលរដ្ឋ

លោកជំទាវ មិថុនា ភូថង អភិបាល នៃគណៈអភិបាលខេត្តកោះកុង បានអញ្ជើញជាអធិបតី ដឹកនាំកិច្ចប្រជុំពិភាក្សាលើការរៀបចំព្រឹត្តិការណ៍“កោះកុងសាគរ រត់អបអរសាទរបុណ្យឯករាជ្យជាតិ” "KOH KONG INDEPENDENCE DAY HALF MARATHON" នៅក្រុងខេមរភូមិន្ទ ខេត្តកោះកុង

នាព្រឹកថ្ងៃទី០៩​ ខែតុលា​ ឆ្នាំ២០២៤នេះ​ នៅបន្ទប់ការិយាល័យឯកឧត្ត​ម​ ប៉េង​ ពោធិ៍​សា​ អភិបាលខេត្តស្វាយរៀង​ បានអនុញ្ញាតឲ្យក្រុមការងារទូរទស្សន៍ជាតិកម្ពុជា​ធ្វើការផ្តល់កិច្ចសម្ភាសន៍ពាក់ព័ន្ធទៅនឹង​ សមិទ្ធផលរយៈពេល១ឆ្នាំ​ ដែលរដ្ឋបាលខេត្តស្វាយរៀងសម្រេចបាន​ ក្នុងការអនុវត្តយុទ្ធសាស្ត្របញ្ចកោណ​ដំណាក់កាលទី១​ របស់រាជរដ្ឋាភិបាលកម្ពុជា​ ដែលមានសម្តេចមហាបវរធិបតីហ៊ុនម៉ាណែត​ ជានាយករដ្ឋមន្ត្រី​ ក្នុងកិច្ចសម្ភាសន៍នោះដែរឯកឧត្តម​ បានបញ្ជាក់ជូនអំពីសន្តិសុខ​ សណ្តាប់ធ្នាប់​ ទីតាំងភូមិសាស្ត្រ​របស់ខេត្ត​ និងសមិទ្ធផលសំខាន់ៗ​ ដែលកំពុងរួមចំណែកដល់ការអភិវឌ្ឍសេដ្ឋកិច្ច​សង្គម​ ដូចជាកំណេីននៃតំបន់សេដ្ឋកិច្ចពិសេសនានា​ដែលបានពង្រីកខ្លួនជាបន្តបន្ទាប់ក្នុងខេត្តជាដើម

នារសៀលថ្ងៃទី៨ ខែតុលា ឆ្នាំ២០២៤ ឯកឧត្តម មាន ចាន់យ៉ាដា អភិបាល នៃគណៈអភិបាលខេត្តឧត្តរមានជ័យ អញ្ជើញដឹកនាំ កិច្ចប្រជុំគណៈអភិបាលខេត្ត ដើម្បីពិនិត្យ និងពិភាក្សាលើខ្លឹមសារ និងរបៀបវារៈសម្រាប់កម្មវិធីវេទិកាថ្នាក់ខេត្ត ស្តីពីកំណែទម្រង់វិមជ្ឈការ និងវិសហមជ្ឈការ ដើម្បីសម្រេចបានចក្ខុវិស័យកម្ពុជា ឆ្នាំ២០៥០

ដំណេីរបេីកវិញ្ញាសារប្រឡងសញ្ញាបត្រមធ្យមសិក្សាទុតិយភូមិសម័យប្រឡងថ្ងៃទី០៨-០៩ ខែតុលា ឆ្នាំ២០២៤នេះ នៅមណ្ឌលសាលាបឋមសិក្សាព្រះសីហនុ ក្រុងស្វាយរៀង ស្ថិតក្រោមអធិបតីភាពឯកឧត្តម ម៉ែន វិបុល ប្រធានក្រុមប្រឹក្សាខេត្ត និងមណ្ឌលវិទ្យាល័យស្វាយរៀង​ខាងត្បូង ស្ថិតក្រោមអធិបតីភាពឯកឧត្ដម ប៉េង​ ពោធិ៍សា អភិបាល នៃគណៈអភិបាលខេត្តស្វាយរៀង

នាយប់ថ្ងៃទី០៧ ខែតុលា ឆ្នាំ២០២៤ ក្រោមការយកចិត្តទុកដាក់ និងព្រួយបារម្ភពីសុខទុក្ខ សុវត្ថិភាពរបស់បេក្ខជនប្រឡង និងអាណាព្យាបាលសិស្សដែលមកស្នាក់នៅតាមទីតាំងដោយឥតគិតថ្លៃ នាយប់ថ្ងៃច័ន្ទ ទី០៧ ខែតុលា ឆ្នាំ២០២៤នេះ ឯកឧត្តមបណ្ឌិត ជាម ច័ន្ទសោភ័ណ អភិបាល នៃគណៈអភិបាលខេត្តកំពង់ស្ពឺ និងលោកជំទាវ ឯកឧត្តមប្រធាន ស.ស.យ.ក.ខេត្ត ព្រមទាំងថ្នាក់ដឹកនាំរដ្ឋបាលខេត្ត បានអញ្ជើញជួបសំណេះសំណាល សួរសុខទុក្ខ និងលើកទឹកចិត្ត ដល់បេក្ខជនប្រឡងសញ្ញាបត្រមធ្យមសិក្សាទុតិយភូមិ និងអាណាព្យាបាល ដែលបានមកស្នាក់នៅក្នុងវត្តអារាម សាលាគរុកោសល្យ និងអគារមន្ទីរអង្គភាពនានាក្នុងខេត្តកំពង់ស្ពឺ ក្នុងនោះរួមមាន៣ទីតាំង ទី១អគារធនធានទឹក ទី២វត្តសាឡុងពោធិ៍មង្គល ទី៣សាលាគរុកោសល្យ និងវិក្រឹតការខេត្ត។

រសៀលថ្ងៃទី០៧ ខែតុលា ឆ្នាំ២០២៤ លោកជំទាវ បាន ស្រីមុំ អភិបាលខេត្តប៉ៃលិន និងជាប្រធាន ស.ស.យ.កខេត្ត បានអញ្ជើញចុះសួរសុខទុក្ខ និងសំណេះសំណាលជាមួយប្អូនៗសិស្សានុសិស្សដែលត្រូវប្រឡងសញ្ញាបត្រមធ្យមសិក្សាទុតិយភូមិសម្រាប់ឆ្នាំ២០២៤នេះ

នាព្រឹកថ្ងៃទី០៧ ខែតុលា ឆ្នាំ២០២៤ ឯកឧត្តមបណ្ឌិត ជាម ច័ន្ទសោភ័ណ អភិបាល នៃគណៈអភិបាលខេត្តកំពង់ស្ពឺ ព្រមទាំងថ្នាក់ដឹកនាំរដ្ឋបាលខេត្ត បានអញ្ជើញទទួលយកអំណោយពីព្រះគុណ ព្រះមុនីសត្ថាចារ្យកោសល កែវ ចន្ថា ព្រះមេគណខេត្តកំពង់ស្ពឺ ព្រមទាំងព្រះមន្ត្រីសង្ឃ ព្រះអនុគណក្រុង-ស្រុក មន្ត្រីសង្ឃក្រុង-ស្រុក និងព្រះគ្រូចៅអធិការវត្តទូទាំងខេត្តកំពង់ស្ពឺ បានផ្ដល់ជូនអំណោយដល់រដ្ឋបាលខេត្តសម្រាប់ ប្រើប្រាស់ក្នុងកិច្ចការងារមនុស្សធម៌

ព្រឹកថ្ងៃទី០៧ ខែតុលា ឆ្នាំ២០២៤ លោកជំទាវ បាន ស្រីមុំ អភិបាលខេត្តប៉ៃលិន បានអញ្ជើញដឹកនាំកិច្ចប្រជុំគណៈបញ្ជាការឯកភាព ក្រុង ស្រុក ដើម្បីត្រួតពិនិត្យវឌ្ឍនភាពការងារទទួលខុសត្រូវ ដែលបានអនុវត្តន៍កន្លងមក និងការពង្រឹងសន្តិសុខ សណ្ដាប់ឆ្នាប់ សុវត្ថិភាពក្នុងដំណើរការប្រឡងសញ្ញាបត្រមធ្យមសិក្សាទុតិយភូមិ សម័យប្រឡង ថ្ងៃទី០៨ ខែតុលា ឆ្នាំ២០២៤ ខាងមុខ

នារសៀលថ្ងៃទី៥ ខែតុលា ឆ្នាំ២០២៤ ឯកឧត្តម មាន ចាន់យ៉ាដា អភិបាល នៃគណៈអភិបាលខេត្តឧត្តរមានជ័យ បានជួបប្រជុំ និងទទួលវិញ្ញាសាប្រឡងមធ្យមសិក្សាទុតិយភូមិ ដែលនឹងប្រព្រឹត្តទៅនាថ្ងៃទី៨-៩ ខែតុលា ឆ្នាំ២០២៤ ខាងមុខនេះ

នៅរសៀលថ្ងៃសៅរ៍៣កេីត ខែអស្សុជ ឆ្នាំរោង​ ឆស័ក ព.ស.២៥៦៨ ត្រូវនឹងថ្ងៃទី០៥​ ខែតុលា​ ឆ្នាំ២០២៤នេះ​ ឯកឧត្តម​ ប៉េង​ ពោធិ៍សា​ អភិបាល​ នៃគណៈអភិបាលខេត្តស្វាយរៀង បានអញ្ជើញជួបប្រជុំពិភាក្សាការងារជាមួយ ឯកឧត្តម បួយ ប៊ុនណា អនុរដ្ឋលេខាធិការក្រសួងអប់រំ យុវជន និងកីឡា និងជាប្រធានគណៈមេប្រយោគទូទាំងប្រទេសដេីម្បីត្រៀមរៀបចំផែនការការពារសន្តិសុខសុវត្ថិភាព​ សណ្តាប់ធ្នាប់របៀបរៀបរយសម្រាប់ដំណេីរការប្រឡងមធ្យមសិក្សាទុតិយភូមិសម័យប្រឡងថ្ងៃទី០៨-០៩​ ខែតុលា ឆ្នាំ២០២៤ ខាងមុខនេះ

នារសៀលថ្ងៃទី០៥​ ខែតុលា​ ឆ្នាំ២០២៤​នេះ​ ឯកឧត្តម​ ប៉េង​ ពោធិ៍សា​ អភិបាល​ នៃគណៈអភិបាលខេត្តស្វាយរៀង​ បានអនុញ្ញាតឲ្យឯកឧត្តម បណ្ឌិត Santo Darmosumarto អគ្គរដ្ឋទូត នៃស្ថានទូតឥណ្ឌូនេស៊ី ប្រចាំនៅព្រះរាជាណាចក្រកម្ពុជាចូលជួបសម្តែងការគួរសមនិងពិភាក្សាការងារ

ក្នុងឱកាសពិធីបុណ្យកាន់បិណ្ឌ ភ្ជុំបិណ្ឌ ប្រពៃណីជាតិខ្មែរ ថ្ងៃទី០១ ខែតុលា ឆ្នាំ២០២៤ ឯកឧត្តមទេសរដ្ឋមន្ត្រី អ៉ី ឈាន ប្រធានក្រុមការងារ រាជរដ្ឋាភិបាលចុះមូលដ្ឋានខេត្តប៉ៃលិន និងលោកជំទាវ បាន ស្រីមុំ អភិបាលខេត្ត និងជាប្រធានសហភាពសហព័ន្ធយុវជនកម្ពុជាខេត្តប៉ៃលិន បានអញ្ជើញដឹកនាំក្រុមការងារ វេចនំអន្សម ចែកជូនប្រជាពលរដ្ឋ និងភ្ញៀវទេសចរណ៍ ពិសារដោយឥតគិតថ្លៃ នៅបរិវេណវិមានឯករាជ្យខេត្ត

នាព្រឹកថ្ងៃចន្ទ១៣រោច ខែភទ្របទ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី៣០​ ខែកញ្ញាឆ្នាំ២០២៤នេះ នៅសាលប្រជុំនន្ទីរ អគារ ខ សាលាខេត្ត មានរៀបចំកិច្ចប្រជុំសាមញ្ញ លើកទី៤​ ឆ្នាំទី១ អាណត្តិទី៤​ របស់ក្រុមប្រឹក្សាខេត្តស្វាយរៀង ក្រោមអធិបតីភាពឯកឧត្តម​ ម៉ែន​ វិបុល ប្រធានក្រុមប្រឹក្សាខេត្តស្វាយរៀង និងមានការអញ្ជើញចូលរួមពីឯកឧត្តម ប៉េង ពោធិ៍សា អភិបាល នៃគណៈអភិបាលខេត្ត ឯកឧត្ដម លោកជំទាវសមាជិក សមាជិកាក្រុមប្រឹក្សាខេត្ត អភិបាលរងខេត្ត លោក​លោកស្រី​ នាយក នាយករងរដ្ឋបាលសាលាខេត្ត លោកប្រធានមន្ទីរនានាក្នុងខេត្ត លោក លោកស្រីនាយក នាយករងទីចាត់ការ/អង្គភាព និងប្រធានការិយាល័យចំណុះសាលាខេត្ត

ថ្ងៃទី៣០ ខែកញ្ញា ឆ្នាំ២០២៤ នៅក្នុងឱកាសពិធីបុណ្យកាន់បិណ្ឌ និងបុណ្យភ្ជុំបិណ្ឌនេះ យឹម សុខុម ប្រធានក្រុមប្រឹក្សារខេត្ត ឯកឧត្តមបណ្ឌិត ជាម ច័ន្ទសោភ័ណ អភិបាល នៃគណៈអភិបាលខេត្តកំពង់ស្ពឺ និងលោកជំទាវ អញ្ជើញជួបសំណេះសំណាលជាមួយមន្ត្រីរាជការសាលាខេត្តកំពង់ស្ពឺ និងលើកទឹកចិត្តដល់មន្ត្រីទាំងអស់ ខិតខំបំពេញការងារតាមតួនាទី និងភារកិច្ច ដែលថ្នាក់ដឹកនាំប្រគល់ជូន នៅក្នុងរដូវបុណ្យភ្ជុំបិណ្ឌខាងមុខនេះ

ថ្ងៃអាទិត្យ ទី២៩ ខែកញ្ញា ឆ្នាំ២០២៤ ឯកឧត្តម យឹម សុខុម ប្រធានក្រុមប្រឹក្សាខេត្ត ឯកឧត្តមបណ្ឌិត ជាម ច័ន្ទសោភ័ណ អភិបាលនៃគណៈអភិបាលខេត្តកំពង់ស្ពឺ និងលោកជំទាវ ព្រមទាំងមន្ត្រីរាជការមកពីតាមមន្ទីរអង្គភាពជុំវិញខេត្ត បានអញ្ជើញចូលរួមកាន់បិណ្ឌ ១២ នៅវត្តម្រុំខាងជើងស្ថិតនៅសង្កាត់ស្វាយក្រវ៉ាន់ ក្រុងច្បារមន ខេត្តកំពង់ស្ពឺ

នៅរសៀលថ្ងៃទី២៧ ខែកញ្ញា ឆ្នាំ២០២៤នេះ ឯកឧត្តមបណ្ឌិត ជាម ចន្ទ័សោភ័ណ អភិបាល នៃគណៈអភិបាលខេត្តកំពង់ស្ពឺ និងលោកជំទាវ ម៉េង វ៉ាន់ដានីន បានអញ្ជើញជាអធិបតីភាពក្នុងពិធីសំណេះសំណាល ដល់លោកគ្រូអ្នកគ្រូនិងមាតាបិតាសិស្ស ដែលមានសាលាបឋមសិក្សាចំនួន៤ក្នុងសង្កាត់ត្រាចទង ក្រុងឧដុង្គម៉ែជ័យ ខេត្តកំពង់ស្ពឺ និងបានអញ្ជើញកាត់ខ្សែបូរក្តាខៀនកិត្តិយស របស់ឯកឧត្តម ហ៊ុន ម៉ានី សម្រាប់តាំងរូបថតសិស្សពូកែប្រចាំខែដែលស្ថិតនៅសាលាបឋមសិក្សាត្រពាំងលើក ក្នុងសង្កាត់ត្រាចទង ក្រុងឧដុង្គម៉ែជ័យ