ឯកឧត្តម​ អ៊ុន​ ចាន់ដា​ អភិបាលខេត្ត និងជាប្រធានកិត្តិយសសមាគមអតីតយុទ្ធជនកម្ពុជាខេត្តកំពង់ចាម នាព្រឹក​ថ្ងៃ​ទី​១០​ ខែមេសា​ ឆ្នាំ​២០២១​នេះ​ បាន​អញ្ជើញ​បេីក​យុទ្ធនាការ​​ចាក់​វ៉ាក់សាំង​បង្ការ​ជំងឺ​កូវីដ​-១៩​ ​ជូន​សមាជិក​សមាគម​អតីត​យុទ្ធជន​កម្ពុជា​​ ដែល​ស្ម័គ្រចិត្ត​ទទួល​វ៉ាក់សាំង(​​ស៊ីណូរ៉ាក់)​ ក្នុង​ជំហានទី១ នៅ​មន្ទីរពេទ្យ​បង្អែក​ខេត្តកំពង់ចាម​​ ដោយ​មានការ​អញ្ជើញ​ចូលរួមពី​ ឯកឧត្តម ឧត្តមសេនីយ៍ឯក ចាន់ លំផាត់ សមាជិកអចិន្ត្រៃយ៍ សមាគមអតីតយុទ្ធជនកម្ពុជា ឯកឧត្តម វេជ្ជបណ្ឌិត គីមសួរ ភីរុណ ប្រធានមន្ទីរសុខាភិបាល និង​ឯកឧត្តម លោកជំទាវ អភិបាលរងខេត្ត​ផងដែរ​ ។ ​

រដ្ឋបាលរាជធានីភ្នំពេញ នៅយប់ថ្ងៃទី០៩ ខែមេសា ឆ្នាំ២០២១នេះ បានចេញសេចក្តីជូនដំណឹង អំពីការសម្រេចបិទខ្ទប់ទីតាំងមួយចំ នួន ដែលបានឆ្លងជំងឺកូវីដ១៩ធ្ងន់ធ្ងរ នៅក្នុងខណ្ឌចំនួន៣ ក្នុងរាជធានីភ្នំពេញ ក្នុងនោះមានខណ្ឌមានជ័យ ខណ្ឌសែនសុខ និងខណ្ឌពោធិ៍សែនជ័យ។

រដ្ឋបាលខេត្តរតនគិរី ចេញសេចក្តីសម្រេច ស្តីពីការអនុវត្តវិធានការរដ្ឋបាល ដើម្បីទប់ស្កាត់ការរីករាលដាលជំងឺកូដ ជាបណ្តោះអាសន្ន -១៩ នៅក្នុងភូមិសាស្ត្រខេត្តរតនគីរី

លោកជំទាវ ឱ វណ្ណឌីន រដ្ឋលេខាធិការ និងជាអ្នកនាំពាក្យក្រសួងសុខាភិបាល ថ្លែងបញ្ជាក់ថា បើចាក់វ៉ាក់សាំងលើកទី១ នៅកន្លែងណា សូមទៅចាក់នៅកន្លែងហ្នឹងវិញ

ឯកឧត្តម​ អ៊ុន​ ចាន់ដា​ អភិបាលខេត្តកំពង់ចាម​ និង​ជា​ប្រធាន​គណកម្មការ​ខេត្ត​ប្រយុទ្ធ​ប្រឆាំង​នឹង​ជំងឺ​កូវីដ​-១៩​​ រួមនឹង​អភិបាល​រង​ខេត្ត​ នាព្រឹក​ថ្ងៃ​ទី​៩​ ខែមេសា​ ឆ្នាំ​២០២១​នេះ​ បាន​អញ្ជើញ​ទទួល​អំណោយ​ជា​សម្ភារ​ និង​ថវិកា​ ពី​​សប្បុរសជន​នានា​ ដែល​បានចូលរួម​ជាមួយ​រាជរដ្ឋាភិបាល​ ដេីម្បី​​ទប់ស្កាត់​ការ​ឆ្លង​រីករាល​ដាល​នៃ​ជំងឺ​កូវីដ​-១៩​​ ខណៈ​កម្ពុជា​កំពុង​ស្ថិត​ក្នុង​ដំណាក់កាល​រួមគ្នា​ ​​ប្រយុទ្ធ​ប្រឆាំង​នឹង​ជំងឺ​ដ៏​កាច​សាហាវ​នេះ​ ។

បើយើងប្រើថ្នាំអាស្ពីរីន លេខ 81mg. រៀងរាល់ថ្ងៃ តើយើងអាចចាក់វ៉ាក់សាំង SINOVACបានដែររឺទេ?

ស្រ្តីទើបឆ្លងទន្លេ បាន១ខែ កំពុងបំបៅដោះកូន តើគាត់អាចចាក់ វ៉ាក់សាំង Sinovac បានអត់

អ្នកនាំពាក្យក្រសួងសុខាភិបាល លោកជំទាវ ឱ វណ្ណឌីន បានបញ្ជាក់ថា សុំមកចាក់នៅកន្លែងដែលបានចាក់លើកទី១វិញ ព្រោះ៖

អភិបាល​​ខេត្ត​​​កំពង់​​​ចាម ​ឯកឧត្តម អ៊ុន ចាន់ដា បានចេញលិខិតអនុញ្ញាត​ឲ្យដំណើរការឡើងវិញ​ នៅទីតាំង​អាជីវកម្ម​ ចំនួន ១១កន្លែង ក្នុងខេត្តកំពង់ចាម​ ចាប់ពីថ្ងៃទី៨ ខែមេសា ឆ្នាំ២០២១ នេះតទៅ​។ ការសម្រេចនេះ បានធ្វើឡើង បន្ទាប់ពីលទ្ធផលអវិជ្ជមានលើតេស្តសំណាក ដែលចេញដោយវិទ្យាស្ថានជាតិសុខភាពសាធារណៈ នាថ្ងៃទី៧ ខែមេសា ឆ្នាំ២០២១​។

នាព្រឹកថ្ងៃទី៨ ខែមេសា ឆ្នាំ២០២១ ឯកឧត្តម ថង សាវុន អភិបាល​ នៃគណៈអភិបាលខេត្តរតនគិរី បានផ្តល់Tablet ចំនួន ៧គ្រឿង ជូនដល់មន្ទីរសុខាភិបាលខេត្ត ដើម្បីសម្រួលដល់ដំណើរការចាក់វ៉ាក់សាំង​ សម្រាប់ការងារចុះឈ្មោះ​ និងបញ្ចូលទិន្នន័យអ្នកចាក់វ៉ាក់សាំងដែលកំពុងប្រតិបត្តិការចាក់ជូនមន្ត្រីរាជការ បុគ្គលិកឯកជន អាជីវករ នៅទូទាំងខេត្ត។