ជំនួបនេះធ្វើឡើងនៅភូមិគ្រឹះឯកឧត្តមស្ថិតនៅភូមិថ្មដា សង្កាត់បឹងកន្សែង ក្រុងបានលុង នាព្រឹក ថ្ងៃទី០៩ ខែវិច្ឆិកាឆ្នាំ២០២១។ នៅក្នុងក្នុងឱកាសនេះលោក PHAM NGUYEN NGHI នាយកក្រុមហ៊ុនហ័ងអានម៉ាងយ៉ាងខេ បានសម្តែងនូវការសប្បាយរីករាយ និងគោរពជូនពរឯកឧត្តម ញ៉ែម សំអឿន ដែលត្រូវបានព្រះមហាក្សត្រនៃព្រះរាជាណាចក្រកម្ពុជាត្រាស់បង្គាប់តែងតាំងជាអភិបាលខេត្តរតនគិរី ដើម្បីបន្តដឹកនាំអភិវឌ្ឍន៍ខេត្តរតនគិរី អោយមានភាពរីកចម្រើនបន្តទៀត។

បក្សកុម្មុយនិស្តចិននឹងបើកកិច្ចប្រជុំរយៈពេល ០៤ថ្ងៃ ដើម្បីពិភាក្សាអំពីដំណោះស្រាយជាប្រវត្តិសាស្ត្រ ដែលនឹងជួយលើកកំពស់សិទ្ធិអំណាចរបស់លោកប្រធានាធិបតី ស៊ី ជីនពីង។

​ទោះបីជា​ខ្លឹមសា​រនៃ​ជំនួប​រវាង​លោក​ឧបនាយករដ្ឋមន្ត្រី ប្រាក់ សុខុន រដ្ឋមន្ត្រី​ក្រសួងការបរទេស​ និង​សហប្រតិបត្តិការ​អន្តរជាតិ​មិនទាន់​ត្រូវបាន​ផ្សព្វផ្សាយ​ជា​ផ្លូវការ​នៅឡើយ​ក៏ដោយ ក៏​នៅលើ​បណ្តាញ​សង្គម​ផ្លូវការ​របស់ឯកឧត្តម​រដ្ឋមន្ត្រី​ការបរទេស​កម្ពុជា​នៅ​រសៀល​ថ្ងៃទី​៨​ ខែវិច្ឆិកា ​ឆ្នាំ​២០២១​នេះ ​​បានបង្ហោះខ្លឹមសារដែលមានន័យថា​ “​សូម​ស្វាគមន៍ លោកជំទាវ ម៉ា​រី​ស ផេ​ន រដ្ឋមន្ត្រីការបរទេស និង​ជា​រដ្ឋមន្ដ្រី​កិច្ចការនារី​អូស្ដ្រាលី ដែល​បាន​មកដល់​ប្រទេស​កម្ពុជា​។ ខ្ញុំពិតមានសេចក្តីសោមនស្ស​រីករាយ​ដែល​បាន​ជួប​លោកជំទាវ​ដោយផ្ទាល់ ក្រោយពី​មាន​ជំនួប​ទ្វេភាគី​តាម​ទូរស័ព្ទ និង​ប្រជុំ​តាម​ប្រព័ន្ធ​វីដេអូ​ជាច្រើនលើក​ច្រើនសារ​ក្នុង​រយៈពេល​ពីរ​ឆ្នាំ​ចុងក្រោយ​នេះ​។​​ គោលជំហរ​រួម​របស់​កម្ពុជា និង​អូស្ត្រាលី​គឺ​ការធានា​ឱ្យបាន​នូវ​សន្តិភាព ស្ថិរភាព និង​វិបុលភាព​ក្នុង​តំបន់​របស់​យើង​”​។​

ឯកឧត្តម កាយ សំរួម ប្រធានក្រុមប្រឹក្សាខេត្ត និងលោកជំទាវ មិថុនា ភូថង អភិបាល នៃគណៈអភិបាលខេត្តកោះកុង បានអញ្ជើញចូលរួមជាអធិបតីក្នុងពិធីមិទ្ទិញខួបអនុស្សាវរីយ៍លើកទី ៦៨ ទិវាបុណ្យឯករាជជាតិ ៩វិច្ឆិកា ( ៩វិច្ឆិកា ១៩៥៣ - ៩វិច្ឆិកា ២០២១ ) ថ្ងៃអង្គារ ៥ កើត ខែកត្តិក ឆ្នាំឆ្លូវ ត្រីស័ក ពុទ្ធសករាជ ២៥៦៥ ត្រូវនឹងថ្ងៃទី៩ ខែវិច្ឆិកា ឆ្នាំ២០២១។

លោកជំទាវ មិថុនា ភូថង អភិបាល នៃគណ:អភិបាលខេត្តកោះកុង បានអនុញ្ញាតឲ្យលោក រ៉េន រតនៈ អ្នករៀបរៀងសៀវភៅទស្សនៈសម្ដេចក្រឡាហោម ស ខេង ជួបសម្តែងការគួរសម និងប្រគល់ជូនសៀវភៅទស្សន:សម្តេចក្រឡាហោម ស ខេង ចំនួន ៣៥ ក្បាល ថ្ងៃព្រហស្បតិ៍ ១៤ រោច ខែអស្សុជ ឆ្នាំឆ្លូវ ត្រីស័ក ពុទ្ធសករាជ ២៥៦៥ ត្រូវនឹងថ្ងៃទី៤ ខែវិច្ឆិកា ឆ្នាំ២០២១។

នៅព្រឹកថ្ងៃទី០៩ ខែវិចិ្ឆកា ឆ្នាំ២០២១ រដ្ឋបាលខេត្តមណ្ឌលគិរីបានរៀបចំពិធីអបអរសាទរខួបអនុស្សាវរីយ៍លើកទី៦៨ នៃទិវាបុណ្យឯករាជ្យជាតិ ក្រោមអធិបតីភាព ឯកឧត្តម ថង សាវុន អភិបាល នៃគណៈអភិបាលខេត្ត ឯកឧត្តម ម៉ែន ង៉ុយ ប្រធានក្រុមប្រឹក្សាខេត្ត និងមានការចូលរួមពីសំណាក់ ឯកឧត្តម លោកជំទាវ សមាជិកក្រុមប្រឹក្សាខេត្ត លោក លោកស្រី អភិបាលរងខេត្ត មេបញ្ជាការ មេបញ្ជាការរង ស្នងការ ស្នងការរង កងកម្លាំងប្រដាប់អាវុធទាំងបី ប្រធាន មន្ទីរ អង្គភាពជុំវិញខេត្ត យុវជន សសយក យុវជន សយសស ក្រុមសិស្សកាយរឺទ្ធិ ក្រុមយុវជនកាកបាទក្រហម ក៏ដូចជាតំណាងអង្គការ គ្រឹះស្ថានមីក្រូហិរញ្ញវត្ថុ ជីវករ មហាជន ដែលកម្មវិធីនេះប្រព្រឹត្តទៅនៅទីតាំងវិមានឯករាជ្យខេត្ត។

ព្រះករុណា ព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រកម្ពុជា នឹងថ្លែងព្រះរាជសុន្ទរកថាក្នុងពិធីបើកមហាសន្និបាតលើកទី៤១របស់អង្គការយូណេស្កូ ក្នុងឱកាសខួបលើកទី៧៥នៃអង្គការនេះ ដែលនឹងប្រព្រឹត្តទៅនៅទីក្រុងប៉ារីស សាធារណរដ្ឋបារាំង ពីថ្ងៃទី១០-១៤ វិច្ឆិកា ២០២១

ក្នុងឱកាសអញ្ជើញជាអធិបតីក្នុងពិធីសម្ពោធទីស្តីការក្រសួងរៀបចំដែនដី នគររូបនីយកម្ម និងសំណង់ នៅព្រឹកថ្ងៃទី៨ ខែវិច្ឆិកា ឆ្នាំ២០២១ សម្តេចតេជោ ហ៊ុន សែន នាយករដ្ឋមន្រ្តីកម្ពុជា មានប្រសាសន៍ឆ្លើយតប និងព្រមានអ្នកវិភាគរិះគន់ រឿងកែរដ្ឋធម្មនុញ្ញ ថា អ្នកវិភាគកុំព្រហើន តែខុសច្បាប់ធ្ងន់ពេក គឺដាក់ហើយ, អ្នកឯងចោទរដ្ឋសភាខុស រឿងកែរដ្ឋធម្មនុញ្ញ គេមានសិទ្ធចាប់អ្នកឯងបាន។ សម្តេចថា ហ៊ានវ៉ៃអ្នកនយោបាយទាំងម៉ោង ១២យប់ ចុះហេតុអ្វីសម្តេច មិនហ៊ានវ៉ៃ ជាមួយអ្នកវិភាគខុស។

ក្នុងឱកាសអញ្ជើញជាអធិបតីក្នុងពិធីសម្ពោធទីស្តីការក្រសួងរៀបចំដែនដី នគររូបនីយកម្ម និងសំណង់ នៅព្រឹកថ្ងៃទី៨ ខែវិច្ឆិកា ឆ្នាំ២០២១ សម្តេចតេជោ ហ៊ុន សែន បានថ្លែងថា សុំអ្នកនិយាយ កុំនិយាយខុសច្បាប់ដោយចោទប្រកាន់ថា រាជរដ្ឋាភិបាលមិនបានធ្វើតាមកិច្ចព្រមព្រៀងសន្តិភាពទីក្រុងប៉ារីស ដែលការនិយាយដូចនេះ អាចនឹងរងការចោទប្រកាន់ និងចាប់ដាក់ពន្ធនាគារនៅថ្ងៃណាមួយមិនខាន ។

ក្នុងឱកាសអញ្ជើញជាអធិបតីក្នុងពិធីសម្ពោធទីស្តីការនៃអគារក្រសួងរៀបចំដែនដី នគររូបនីយកម្ម និងសំណង់ នាព្រឹកថ្ងៃទី០៨ ខែវិច្ឆិកា ឆ្នាំ២០២១ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានមានប្រសាសន៍ថា មកដល់ពេលនេះ យើងមានកន្លែងធ្វើការល្អហើយ តែការងាររបស់យើង ក៏ត្រូវឱ្យមានប្រសិទ្ធភាពដែរ ។