លោកជំទាវ បាន ស្រីមុំ អភិបាលខេត្តប៉ៃលិន និងជាប្រធានគណកម្មាធិការប្រយុទ្ធប្រឆាំងជំងឺកូវីដ-១៩ ខេត្ត និងឯកឧត្តម សៅសារ៉ាត់ អ្នកតំណាងរាស្រ្តមណ្ឌលប៉ៃលិន បានដឹកនាំក្រុមការងារ មកពីមន្ទីរពាក់ព័ន្ធជុំវិញខេត្ត ចុះពិនិត្យមើលមណ្ឌលចត្តាឡីស័កចំនួន៤កន្លែង នាព្រឹកថ្ងៃទី២៦ ខែមិថុនា ឆ្នាំ២០២១ ។ នៅក្នុងកិច្ចចុះពិនិត្យមណ្ឌលចត្តាឡីស័កទាំង៤កន្លែងខាងលើនេះ ស្ថិតនៅក្នុងភូមិក្បាលព្រលាន១កន្លែង គឺនៅមជ្ឈមណ្ឌលអភិវឌ្ឍស្រ្តី របស់មន្ទីរកិច្ចការនារីខេត្ត (នៅ ចំណុចស្រែត្នោត) ក្នុងភូមិក្បាលព្រលាន សង្កាត់អូរតាវ៉ៅ ក្រុងប៉ៃលិន និង នៅក្នុងអនុវិទ្យាល័យ ហ៊ុន សែន សាលាក្រៅ , វិទ្យាល័យ ហ៊ុន សែន សាលាក្រៅ ក្នុងឃុំអូរអណ្តូង ស្រុកសាលាក្រៅ ខេត្តប៉ៃលិន ។

ព្រឹកថ្ងៃទី២៥ ខែមិថុនា ឆ្នាំ២០២១នេះ ឯកឧត្តមបណ្ឌិត ជាម ច័ន្ទសោ័ណ អភិបាល នៃគណៈអភិបាលខេត្តត្បូងឃ្មុំ បានដឹកនាំមន្ទីរអង្គភាព និងអាជ្ញាធរស្រុក ចុះសួរសុខទុក្ខ នាំយកអំណោយស្បៀងអាហារ និងសម្ភារ មួយចំនួន ប្រគេនជូនព្រះសង្ឃជាង ១៥៩ អង្គ និងលោកតា លោកយាយ ជួយការងារវត្ត នៅវត្តទួលទ្រាត្បូង ស្ថិតនៅភូមិ ទួលទ្រាត្បូង ឃុំជប់ ស្រុកត្បូងឃ្មុំ ខេត្តត្បូងឃ្មុំ ដែលកំពុងធ្វើចត្តាឡីស័ក និងកំពុងយកសំណាក ដោយក្រុមការងារគ្រូពេទ្យចុះយកសំណាក នៃមន្ទីរសុខាភិបាលខេត្តត្បូងឃ្មុំ បានធ្វើតេស្តរហ័សកូវីដ-១៩ (Rapid Test) បានរកឃើញមានឆ្លងជំងឺកូវីដ-១៩ ថ្មី ចំនួន ៦៨អង្គ/នាក់ និងកំពុងពិនិត្យបន្ត។

នាព្រឹក​ថ្ងៃ​ទី​២៥ ខែ​មិថុនា​ ឆ្នាំ២០២១ ក្រុមការងារ​សហភាព​សហព័ន្ធ​យុវជន​កម្ពុជា​សាខាខេត្តរតនគិរី និង​ក្រុមការងារ​សម្ព័ន្ធយុវជនស្រឡាញ់​សន្តិភាព​ខេត្តរតនគិរី បាននាំយកអំណោយ​គ្រឿង​ឧបភោគ​បរិភោគ​ របស់ឯកឧត្តម​ ថង​ សាវុន​ ប្រធាន​សហភាព​សហព័ន្ធ​យុវជន​កម្ពុជាសាខាខេត្ត​ និង​ជា​ប្រធាន​កិត្តិយស​ ស.យ.ស.សខេត្ត​រតនគិរី​ យកទៅផ្តល់ជូន បងប្អូនប្រជាពលរដ្ឋ​ ដែលកំពុងសម្រាកព្យាបាលជំងឺកូវីដ-១៩ ចំនួន​១៣៣នាក់​ និងអ្នកកំពុងធ្វើចត្តាឡីស័ក​ ចំនួន​៤៤នាក់ នៅក្នុង​មណ្ឌលព្យាបាលវិទ្យាល័យត្រពាំងក្រហម ស្ថិតក្នុងឃុំត្រពាំងក្រហម ស្រុកកូនមុំ​ ខេត្តរតនគិរី។

ថ្ងៃទី២៥ ខែមិថុនា ឆ្នាំ២០២១ លោកជំទាវ បាន ស្រីមុំ អភិបាលខេត្តប៉ៃលិន និងជាប្រធានគណៈកម្មការប្រយុទ្ធប្រឆាំងជំងឺកូវីដ-១៩ខេត្ត បានដឹកនាំអង្គភាពជំនាញពាក់ព័ន្ធ និងក្រុមការងារ ព្រមទាំងអាជ្ញាធរមូលដ្ឋាន អញ្ជើញចុះពិនិត្យមើលទីតាំងសាលារៀន មួយ ចំនួនក្នុងស្រុកសាលាក្រៅ ដើម្បីត្រៀមរៀប ចំមណ្ឌលសម្រាប់ធ្វើចត្តាឡីស័ក និងសម្រាប់ព្យាបាលអ្នកជំងឺកូវីដ-១៩ បន្ថែមទៀត។

ឯកឧត្តម នាយឧត្តមសេនីយ៍ ប៊ុន លើត រដ្ឋលេខាធិការ ក្រសួងការពារជាតិ អញ្ជើញចុះពិនិត្យដំណើរការចាក់វ៉ាក់សាំងបង្ការជំងឺកូវីដ-១៩ ជូនប្រជាពលរដ្ឋ នៅឃុំតាតៃក្រោម និងឃុំកោះកាពិ ស្រុកកោះកុង ខេត្តកោះកុង ដែលជាយុទ្ធនាការចាក់វ៉ាក់សាំង ថ្ងៃទី១ សម្រាប់ស្រុកកោះកុង។ ការចុះពិនិត្យដំណើការចាក់វ៉ាក់សាំងនេះ ក៏មានការចូលរួមពីលោក ទូ សាវុធ អភិបាលរង នៃគណៈអភិបាលខេត្តកោះកុង លោកអភិបាលស្រុកកោះកុង និងក្រុមការងារ នៃស្ថាប័នពាក់ព័ន្ធ។ តាមរយៈការចុះពិនិត្យ ឃើញថា មានការរៀបចំទីតាំងបានសមស្របល្អ ប្រជាពលរដ្ឋបានចូលរួមតាមការគ្រោងទុក ចំណែកដំណើរការចាក់វ៉ាក់សាំងក៏មានភាពរលូនល្អ ថ្ងៃព្រហស្បតិ៍ ១៥ កើត ខែបឋមាសាឍ ឆ្នាំឆ្លូវ ត្រីស័ក ពុទ្ធសករាជ ២៥៦៥ ត្រូវនឹងថ្ងៃទី២៤ ខែមិថុនា ឆ្នាំ២០២១ ៕

សុន្ទរកថារបស់ ឯកឧត្តម ឧបនាយករដ្ឋមន្ត្រី ប្រាក់ សុខុន ថ្លែងក្នុងសន្និសីទជាន់ខ្ពស់អាស៊ី-ប៉ាស៊ីហ្វិក ស្តីពីកិច្ចសហប្រតិបត្តិការខ្សែក្រវាត់ និងផ្លូវ ក្រោមប្រធានបទ «ការលើកកម្ពស់កិច្ចសហប្រតិបត្តិការក្នុងការប្រយុទ្ធប្រឆាំងនឹងជំងឺរាតត្បាត ដើម្បីការអភិវឌ្ឍប្រកបដោយចីរភាព» នៅថ្ងៃទី២៣ ខែមិថុនា ឆ្នាំ២០២១។

ឯកឧត្តម កែវ រ៉េមី រដ្ឋមន្រ្តីប្រតិភូអមនាយករដ្ឋមន្ត្រីនិងជាប្រធានគណៈកម្មាធិការសិទ្ធិមនុស្សកម្ពុជា នារសៀលថ្ងៃទី២៤ ខែមិថុនា ឆ្នាំ២០២១ បានជួបពិភាក្សាការងារជាមួយអ្នករាយការណ៍ពិសេសថ្មីទទួលបន្ទុកស្ថានភាពសិទ្ធិមនុស្សនៅកម្ពុជា លោក វីទិត មុនតាប៊ន តាមប្រព័ន្ធអនឡាញ ដោយផ្តោតលើចំណុចសំខាន់ចំនួន៣៖

ថវិការបស់ប្រមុខរាជរដ្ឋាភិបាលកម្ពុជា សម្តេចតេជោ ហ៊ុន សែន នាយករដ្ឋមន្រ្តី ចំនួន ២០ លានរៀល ត្រូវបាន ឯកឧត្តម អ៊ូច ភា អភិបាល នៃគណៈអភិបាលខេត្តតាកែវ នៅរសៀល ថ្ងៃទី២៤ ខែមិថុនា ឆ្នាំ២០២១នេះ យកមកប្រគល់ជូនក្រុមគ្រួសារ ដែលមាន សមាជិកអ្នកស្លាប់ដោយសារជំងឺកូវីដ-១៩ ចំនួន ០៤គ្រួសារ ក្នុងស្រុកសំរោង។ ដែលក្នុងឱកាស ចុះសួរសុខទុក្ខ និងនាំយកថវិកានោះដែរ ក៏មានការអញ្ជើញចូលរួមដោយ ឯកឧត្តមវេជ្ជបណ្ឌិត នុត ស៊ីណាត ប្រធានមន្ទីរសុខាភិបាលខេត្ត លោក អៀម ថៃ ប្រធានមន្ទីរព័ត៌មានខេត្ត លោក កេត ម៉ៅ អភិបាលស្រុកសំរោង ព្រមទាំងមន្រ្តីពាក់ព័ន្ធជាច្រើនរូប។

នៅព្រឹកថ្ងៃទី ២២ ខែមិថុនា ឆ្នាំ២០២១ ឯកឧត្តម អ៊ូច ភា អភិបាល នៃគណៈអភិបាលខេត្តតាកែវ ឯកឧត្តមវេជ្ជបណ្ឌិត នុត ស៊ីណាត ប្រធានមន្ទីរសុខាភិបាលខេត្ត ព្រមទាំងថ្នាក់ដឹកនាំ បានអញ្ជើញប្រកាសបើកយុទ្ធនាការចាក់វ៉ាក់សាំងប្រភេទ ស៊ីណូវ៉ាក់ ចំនួន ៤០ម៉ឺនដូស តាមរយៈក្រសួងការពារជាតិ ជូន មន្រ្តីរាជការ ព្រះសង្ឃ ប្រជាពលរដ្ឋ និងកម្មករ កម្មការនី នៅស្រុកសំរោង និងស្រុកបាទី ។

ក្នុងជំនួបសំណេះសំណាល និងពិភាក្សាការងារ ជាមួយ ឯកឧត្តម អ៊ុន ចាន់ដា អភិបាល នៃគណៈអភិបាល ខេត្តកំពង់ចាម នារសៀលថ្ងៃទី២២ ខែមិថុនា ឆ្នាំ២០២០ នេះ ឯកឧត្តម W. Patrick Murphy ឯកអគ្គរដ្ឋទូត សហរដ្ឋអាមេរិកប្រចាំនៅកម្ពុជា បានបញ្ជាក់អំពីគោលបំណងថា ដំណើរទស្សនកិច្ច របស់ពួកគាត់ ដើម្បី ស្វែងយល់អំពីការងារគ្រប់គ្រង និងការទប់ស្កាត់ការឆ្លងរីករាល នៃជម្ងឺកូវីដ ១៩ ។ ស្វែងយល់អំពីសក្តានុពល និងការងារអភិវឌ្ឍន៍ នៅក្នុងខេត្តកំពង់ចាម ។ ឯកឧត្តម ឯកអគ្គរដ្ឋទូត បានបញ្ជាក់ដែរថា សហរដ្ឋអាមេរិក បានផ្តល់ថវិកាមួយផ្នែក ដល់យន្តការកូវ៉ាក់ ។ តាមរយៈ យន្តការនេះ កម្ពុជា ក៏បានទទួលនូវវ៉ាក់សាំង សម្រាប់បង្ការជម្ងឺកូវីដ-១៩ ផងដែរ ។