សុវណ្ណី ឡោ

លោកជំទាវ មិថុនា ភូថង អភិបាល នៃគណៈអភិបាលខេត្តកោះកុង បានអញ្ជើញទទួលស្វាគមន៍លោកជំទាវ ឱ វណ្ណឌីន រដ្ឋលេខាធិការក្រសួងសុខាភិបាល និងជាប្រធានគណៈកម្មការចំពោះកិច្ចចាក់វ៉ាក់សាំងកូវីដ-១៩ ក្នុងក្របខ័ណ្ឌទូទាំងប្រទេស និងឯកឧត្តម នាយឧត្តមសេនីយ៍ ប៊ុន លើត រដ្ឋលេខាធិការក្រសួងការពារជាតិ និងជាតំណាងដ៏ខ្ពង់ខ្ពស់ សម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តកោះកុង ក្នុងពិធីបិទយុទ្ធនាការចាក់វ៉ាក់សាំងកូវីដ-១៩ ជុំទី១ ជូនប្រជាពលរដ្ឋ ដែលមានអាយុចាប់ពី១៨ឆ្នាំឡើងទៅ នៅខេត្តកោះកុង។

នៅព្រឹកទី១៣ ខែកញ្ញា ឆ្នាំ២០២១ នេះ ឯកឧត្តម សោម ពិសិដ្ឋ អភិបាល នៃគណៈអភិបាលខេត្តកែប បានអញ្ជើញជាអធិបតីក្នុងពិធីបើកការដ្ឋានគម្រោងជួសជុលផ្លូវចាក់បេតុងអាមេប្រវែង ១,២៥០ម៉ែត្រ ទទឹង ១០ម៉ែត្រ ដោយតភ្ជាប់ពីផ្លូវជាតិលេខ ៣៣ កាត់ខាងក្រោយវត្តកែវក្រសាំង ឆ្ពោះទៅផ្លូវជាតិលេខ ៣៣អា ស្ថិតនៅភូមិកែវក្រសាំង សង្កាត់កែប ក្រុងកែប ខេត្តកែប ។

ដោយអនុវត្តន៍តាមប្រសាសន៍ របស់ប្រមុខរាជរដ្ឋាភិបាលកម្ពុជា សម្តេចតេជោ សែន លោកជំទាវ បាន ស្រីមុំ អភិបាលខេត្តប៉ៃលិន បានដឹកនាំក្រុមការងាររដ្ឋបាលខេត្ត មន្រ្តីរាជការ មន្ទីរអប់រំខេត្ត មន្ទីរសុខាភិបាល លោកគ្រូ អ្នកគ្រូ អាជ្ញាធរក្រុង ស្រុក ចុះពិនិត្យសាលារៀនមួយចំនួននៅក្នុងក្រុងប៉ៃលិន និង ស្រុកសាលាក្រៅ ខេត្តប៉ៃលិន ត្រៀមឱ្យសិស្សានុសិស្សចូលរៀននៅថ្ងៃទី១៥ ខែកញ្ញាឆ្នាំ២០២១ខាងមុខនេះ។

នៅរសៀលថ្ងៃសៅរ៍ ទី១១ ខែកញ្ញា ឆ្នាំ២០២១នេះ ឯកឧត្តម អ៊ូច ភា អភិបាល នៃគណៈ អភិបាលខេត្ត និងជាប្រធានគណៈបញ្ជាការឯកភាពខេត្តតាកែវ បានអញ្ជើញដឹកនាំកិច្ចប្រជុំដាក់វិធាន ការបន្ទាន់ ករណីរកឃើញអ្នកវិជ្ជមានកូវីដ១៩ ប្រភេទមេរោគបំប្លែងខ្លួនថ្មី ដែលតា (Delta) នៅមូលដ្ឋានស្រុកអង្គរបូរី ដែលកិច្ចប្រជុំនេះក៏មានការអញ្ជើញចូលរួមដោយ លោក ខាន់ សុខា អភិបាលរងខេត្ត លោកវេជ្ជបណ្ឌិត នុត ស៊ីណាត ប្រធានមន្ទីរសុខាភិបាលខេត្ត លោកស្នងការរងនគរបាលខេត្ត តំណាង បញ្ជាការដ្ឋានកងរាជអាវុធហត្ថខេត្ត តំណាងតំបន់សឹករងតាកែវ លោក ឌឹម គឹមសាន អភិបាលស្រុក លោក លោកស្រី អភិបាលរងស្រុក លោកអធិការនគរបាលស្រុក ព្រមទាំងលោក លោកស្រី មន្រ្តីចំណុះរដ្ឋបាលស្រុកជាច្រើនរូបផងដែរ។

ថ្ងៃព្រហស្បតិ៍ទី៩ ខែកញ្ញា ឆ្នាំ២០២១ ឯកឧត្តម កាយ សំរួម ប្រធានក្រុមប្រឹក្សាខេត្តកោះកុង និងលោកជំទាវ មិថុនា ភូថង អភិបាល នៃគណៈអភិបាលខេត្ត និងមន្ត្រីពាក់ព័ន្ធ បានអញ្ជើញចូលរួមសិក្ខាសាលាពិគ្រោះយោបល់លើសេចក្តីព្រាងឯកសារកម្មវិធីជាតិសម្រាប់ការអភិវឌ្ឍតាមបែបប្រជាធិបតេយ្យ នៅថ្នាក់ក្រោមជាតិដំណាក់កាលទី២ (២០២១–២០៣០) ក្រោមអធិបតីភាព ឯកឧត្តម ង៉ាន់ ចំរើន រដ្ឋលេខាធិការក្រសួងមហាផ្ទៃ និងជាប្រធានលេខាធិការដ្ឋាន គ.ជ.អ.ប តាមប្រព័ន្ធអនឡាញ Video Zoom។

ឯកឧត្តមឧត្តមសេនីយ៍ឯក យឹម លាង អគ្គស្នងការរងនគរបាលជាតិ បានដឹកនាំកិច្ចប្រជុំពិភាក្សាការងារស្តីពីផែនការការពារ សន្តិសុខ សុវត្ថិភាព ជូនគណៈប្រតិភូជាន់ខ្ពស់ចិនដឹកនាំដោយឯកឧត្តម វ៉ាង យី (wang Yi )ទីប្រឹក្សារដ្ឋ និងជារដ្ឋមន្ត្រីការបរទេសនៃសាធារណរដ្ឋប្រជាមានិតចិនក្នុងឱកាសអញ្ជើញមកបំពេញទស្សនកិច្ច ផ្លូវការនៅព្រះរាជាណាចក្រកម្ពុជានាថ្ងៃទី១២-១៣ ខែកញ្ញា ឆ្នាំ២០២១ខាងមុខនេះ។

រសៀលថ្ងៃព្រហស្បតិ៍ ទី៩ ខែកញ្ញា ឆ្នាំ២០២១ ឯកឧត្តម អ៊ូច ភា ឣភិបាល នៃគណ:ឣភិបាលខេត្តតាកែវ ឣញ្ជើញចូលរួមក្នុងកិច្ចប្រជំុពិភាក្សាលើវឌ្ឍនភាពការងារចាក់វ៉ាក់សាំងកូវីដ-១៩ និងបញ្ហាប្រឈមនានា ក្រោមឣធិបតីភាព លោកជំទាវវេជ្ជបណ្ឌិត ឱ វណ្ណឌីន រដ្ឋលេខាធិការក្រសួងសុខាភិបាល និងជាប្រធាន (គ.វ.ក .១៩) តាមរយៈប្រព័ន្ធ ZOOM meeting៕

លោកជំទាវបណ្ឌិត បាន ស្រីមុំ អភិបាលខេត្តប៉ៃលិន ក្នុងនាម​ប្រធាន​មូលនិធិ​គាំទ្រ សុខភាព និងសង្គ្រោះ​បន្ទាន់​ចាស់ជរាគ្មានទីពឹង និងក្នុងនាមឯកឧត្តម អ៉ី ឈាន និងដោយមានការអញ្ជើញចូលរួមពីសំណាក់ឯកឧត្តម សៅ សារ៉ាត់អ្នកតំណាងរាស្រ្តមណ្ឌលប៉ៃលិន និងក្រុម​ការងារ​ បានចុះ​ជួបសំណេះសំណាលសួរ​សុខទុក្ខ​ លោកយាយ​ លោកតា​ គ្មាន​ទីពឹង​ និង​បានឧបត្ថម្ភថវិកា ប្រចាំខែ​កញ្ញា​ ក្នុងម្នាក់ៗ១០ម៉ឺនរៀល ។

ឯកឧត្តមបណ្ឌិត ជាម ច័ន្ទសោភ័ណ អភិបាលនៃគណៈអភិបាលខេត្តត្បូងឃ្មុំ នារសៀលថ្ងៃទី០២ ខែកញ្ញា ឆ្នាំ២០២១ បានដឹកនាំក្រុមការងារចុះពិនិត្យមើលការរៀបចំទីតាំងមណ្ឌលចត្តាឡីស័កថ្មីបន្ថែម នៅសណ្ឋាគារសុវណ្ណភូមិ មាន៥២បន្ទប់ ស្ថិតក្នុងភូមិទន្លេបិទលើ ឃុំទន្លេបិទ ស្រុកត្បូងឃ្មុំ ខណៈទីតាំងចត្តាឡីស័កនៅតាមសាលារៀន នឹងត្រូវប្តូរទីតាំងដើម្បីត្រៀមបើកដំណើរការការសិក្សាសម្រាប់សិស្សានុសិស្សឡើងវិញនាពេលខាងមុខនេះ។

លោកជំទាវបណ្ឌិត បាន ស្រីមុំ អភិបាលខេត្តប៉ៃលិន បានដឹកនាំកិច្ចប្រជុំពិភាក្សាសំខាន់មួយ ដោយមានការចូលរួមពីឣភិបាលរងខេត្ត មន្ទីរឣប់រំយុវជននិងកីឡា មន្ទីរសុខាភិបាល ឣភិបាលក្រុង-ស្រុក ស្តីពីការត្រៀមរៀបចំបើកសាលារៀនរបស់រដ្ឋ និងឯកជនឡើងវិញ ដើម្បីឲ្យសិស្សបានចូលរៀន ។ ប៉ុន្តែយោងតាមឣនុសាសន៌ណែនាំដ៏ខ្ពង់ខ្ពស់របស់សម្តេចតេជោ ហ៊ុន សែន ប្រធានគណបក្សប្រជាជនកម្ពុជា ការចូលរៀនរបស់សិស្ស គឺស្ថិតក្នុងលក្ខណះជាជំហានៗ អាស្រ័យលើសភាពការណ៏ជាក់ស្តែងរបស់រាជធានីខេត្តនីមួយៗ ។