(ប៉ៃលិន)៖ គណ:បញ្ជាការឯកភាពខេត្តប៉ៃលិន បានបើកកិច្ចប្រជុំរៀបចំផែនការ ការពារទប់ស្កាត់មេរោគ កូវីដ-១៩ នៅក្នុងសហការគមន៍ កំលាំងក្នុងជួរគណ:បញ្ជាការទាំងអស់ រួមគ្នាខិតខំប្រឹងប្រែង ទាំងកំលាំងកាយកំលាំងចិត្ត ដើម្បីសុខសុវត្តិភាព សុខភាពពុកម៉ែបងប្អូនទាំងអស់គ្នា។
លោកជំទាវអភិបាលខេត្តប៉ៃលិន បានមានប្រសាសន៍ថា សូមពុកម៉ែបងប្អូនកូនក្មួយទាំងអស់ មេត្តាចេះជួយមើលថែ ការពារ សុខភាពខ្លួនឯងអោយបានល្អផង ការចូលរួមរបស់ យើងទាំងអស់គ្នា តិច ឬ ច្រើន ជាជ្រុងចំណែកតូចមួយ នៃការចូលរួមជួយ សម្តេចតេជោ ហ៊ុន សែន ជាប្រមុខរាជរដ្ឋាភិបាលនៃយើង សម្តេច លោកពិតជាមានការហត់នឿយពេកហើយ សម្តេចបានគិតគូរ មើលថែ កូនចៅជាង ១៦ លាននាក់ គ្រប់បែបយ៉ាង គ្រាន់តែ យើងគ្រប់គ្នា ចេះខ្លាច កុំមើលស្រាល មេរោគ កូវីដ-១៩ ចេះមើលថែ ការពារខ្លួនឯងអោយបានល្អ នេះជាការចូលរួមមួយ យ៉ាងសំខាន់ជាមួយសម្តេតេជោ។
