ដោយលើកឡើងអំពីគោលបំណងក្នុងការដោះស្រាយបញ្ហាព័ត៌មានក្លែងក្លាយ ការក្លែងបន្លំ ក៏ដូចជាខ្លឹមសារបង្ហោះផ្សាយដែលមានលក្ខណៈផ្ទុយនឹងច្បាប់ រដ្ឋាភិបាលថៃកំពុងពិចារណាភ្ជាប់អត្តសញ្ញាណបណ្ណរបស់ប្រជាជនខ្លួន ទៅនឹង Profiles របស់ពួកគេនៅលើបណ្តាញសង្គម។
យោងតាមរបាយការណ៍របស់កាសែត Bangkok Post ក្រសួងសេដ្ឋកិច្ចឌីជីថលនិងសង្គមរបស់ថៃ (Digital Economy and Society Ministry) បានលើកឡើងថា «ការធ្វើបែបនេះក៏នឹងជួយជំរុញសកម្មភាពពាណិជ្ជកម្មតាមប្រព័ន្ធអេឡិចត្រូនិកនៅលើបណ្តាញសង្គមផងដែរ»។