ខេត្ដកំពង់ចាម៖ រដ្ឋបាលខេត្តកំពង់ចាម នៅរសៀលថ្ងៃទី០២ ខែឧសភា ឆ្នាំ២០២១នេះ បានចេញសេចក្ដីប្រកាសព័ត៌មាន បញ្ជាក់អំពីករណីវិជ្ជមានកូវីដ១៩ លើប្រជាពលរដ្ឋចំនួន៤នាក់បន្ថែមទៀត (ម្នាក់ស្លាប់) នៅស្រុកបាធាយ, ស្រុកស្ទឹងត្រង់ និងស្រុកកំពង់សៀម។
ក្នុងសេចក្ដីប្រកាសព័ត៌មាន បានបញ្ជាក់អំពីអត្តសញ្ញាណអ្នកជំងឺកូវីដ១៩ ទាំង៤នាក់ដូចខាងក្រោម៖
ទី១៖ ឈ្មោះ រស់ មាស ភេទប្រុស អាយុ២៤ឆ្នាំ (ស្លាប់) រស់នៅភូមិខ្វិត ឃុំតាំងក្រសាំង ស្រុកបាធាយ
ទី២៖ ឈ្មោះ រ៉ន ម៉េងរ៉ុន ភេទប្រុស អាយុ៣៣ឆ្នាំ រស់នៅភូមិតាមើង ឃុំទួលព្រះឃ្លាំង ស្រុកស្ទឹងត្រង់
ទី៣៖ ឈ្មោះ ដែន ណាវិដ ភេទប្រុស អាយុ១៩ឆ្នាំ រស់នៅភូមិត្រពាំងឫស្សី ឃុំក្រឡា ស្រុកកំពង់សៀម
ទី៤៖ ឈ្មោះ អ៊ុ ស្រីនិច អាយុ១៨ឆ្នាំ ប្រពន្ធឈ្មោះ ដែន ណាវិដ រស់នៅភូមិត្រពាំងឫស្សី ឃុំក្រឡា ស្រុកកំពង់សៀម។
ជាមួយគ្នានេះ រដ្ឋបាលខេត្តកំពង់ចាម កំពុងបន្ដស្វែងរកទីតាំង និងអ្នកប៉ះពាល់ជាមួយអ្នកជំងឺកូវីដ១៩នឹងអ្នកជំងឺខាងលើបន្ថែមទៀត និងសូមអំពាវនាវដល់អ្នកពាក់ព័ន្ធករណីនេះ សូមទៅពិនិត្យសុខភាព និងយកសំណាកទៅមន្ទីរពេទ្យបង្អែក ដែលស្ថិតនៅជិតផ្ទះ ឬត្រូវរាយការណ៍ជូនអាជ្ញាធរមូលដ្ឋានជាបន្ទាន់។
សូមជម្រាបថា យោងតាមសេចក្ដីប្រកាសព័ត៌មាន របស់ក្រសួងសុខាភិបាល បានបញ្ជាក់ថា រហូតមកដល់ពេលនេះ ខេត្តកំពង់ចាម មានអ្នកឆ្លងជំងឺកូវីដចំនួន៩៤នាក់ ក្នុងនោះស្លាប់ម្នាក់៕
