ព្រឹទ្ធសមាជិកនៃគណបក្សប្រជាធិបតេយ្យសហរដ្ឋអាមេរិកបានរារាំងការអនុម័តច្បាប់ដែលប៉ងដាក់ទណ្ឌកម្មតុលាការឧក្រិដ្ឋកម្មអន្តរជាតិ (ICC) ជុំវិញការចេញដីកាចាប់ខ្លួនសម្រាប់នាយករដ្ឋមន្ត្រីអ៊ីស្រាអែលលោក Benjamin Netanyahu និងអតីតរដ្ឋមន្ត្រីការពារជាតិអ៊ីស្រាអែល លោក Yoav Gallant ពីបទឧក្រិដ្ឋកម្មសង្រ្គាមនៅក្នុងតំបន់ហ្គាហ្សា។ នេះបើយោងតាមការចេញផ្សាយរបស់សារព័ត៌មាន Al Jazeera នៅថ្ងៃទី២៩ខែមករានេះ។
ការបោះឆ្នោតកាលពីថ្ងៃអង្គារ ឃើញថាសេចក្តីព្រាងច្បាប់ដាក់ទណ្ឌកម្មលើតុលាការព្រហ្មទណ្ឌអន្តរជាតិ (ICC) នេះទទួលបានសំឡេងគាំទ្រចំនួន៥៤ទល់និង៤៥សំឡេង ប្រឆាំងដែលតិចជាង៦០សំឡេងដែលត្រូវការដើម្បីឈានទៅការបោះឆ្នោតចុងក្រោយ។