យោងតាមរបាយការណ៍បំណុលអន្តរជាតិរបស់ធនាគារពិភពលោក គិតក្នុងឆ្នាំ២០២២ ប្រទេសខាងក្រោមនេះ ជាប់បំណុលចិនច្រើនជាងគេ៖
ប៉ាគីស្ថាន ២៦,៦ ពាន់លានដុល្លារ៖ ប៉ាគីស្ថាន គឺជាប្រទេសដែលជំពាក់បំណុលចិនច្រើនជាងគេ ពោលគឺក្នុងទំហំទឹកប្រាក់២៦,៦ពាន់លានដុល្លារ។ បំណុលដ៏ច្រើនសន្ធឹកសន្ធាប់នេះ គឺដោយសារតែគម្រោងធំៗ២ គម្រោងសេដ្ឋកិច្ចចិន និងប៉ាគីស្ថាន(CPEC) និងគម្រោងផ្លូវសូត្រ(BRI) ដែលចិនផ្ដល់កម្ចីឱ្យកសាងហេដ្ឋារចនាសម្ព័ន្ធ និងគម្រោងដទៃទៀត។
អង់ហ្គោឡា ២០,៩៨ ពាន់លានដុល្លារ៖ អង់ហ្គោឡា ជាប់បំណុចចិនក្នុងទឹកប្រាក់២០,៩៨ពាន់លានដុល្លារ តាមរយៈការផ្ដល់កម្ចីសម្រាប់ការធ្វើគម្រោងស្ដារហេដ្ឋារចនាសម្ព័ន្ធក្រោយសង្គ្រាមស៊ីវិលក្នុងប្រទេសបញ្ចប់។ ចិន វិនិយោគលើវិស័យប្រេងក្នុងប្រទេសនេះជាខ្លាំង ដោយដោះដូរជាមួយនឹងកម្ចីសម្រាប់ការដឹកជញ្ជូនប្រេង។
ស្រីលង្កា ៨,៨៤ ពាន់លានដុល្លារ៖ បំណុលរបស់ស្រីលង្កាពីចិន ស្ថិតក្នុងទំហំទឹកប្រាក់៨,៨៤ពាន់លានដុល្លារ។ បំណុលនេះ ធ្វើឱ្យស្រីលង្កា សម្រេចជួលផែ Hambantota ទៅក្រុមហ៊ុនចិនរយៈពេល៩៩ឆ្នាំ។
អេត្យូពី ៦,៨២ ពាន់លានដុល្លារ៖ បំណុល ៦,៨២ពាន់លានដុល្លារ ដែលអេត្យូពីបានពីចិន ត្រូវបានបែងចែកយកទៅធ្វើគម្រោងអភិវឌ្ឍហេដ្ឋារចនាសម្ព័ន្ធ ដែលរួមមានទាំងផ្លូវដែក និងទីតាំងឧស្សាហកម្មមួយចំនួន។
កេនយ៉ា ៦,៦៩ ពាន់លានដុល្លារ៖ កេនយ៉ាជាប់បំណុលចិនក្នុងទឹកប្រាក់ ៦,៦៩ពាន់លានដុល្លារ ដោយផ្ដោតលើគម្រោងផ្លូវដែកស្ដង់ដា Gauge (SGR)។ គម្រោងផ្លូវដែកនេះ មានគោលដៅជំរុញបណ្ដាញពាណិជ្ជកម្មក្នុងតំបន់អាហ្រ្វិកខាងកើត។
សំប៊ី ៦,០៨ ពាន់លានដុល្លារ៖ សំប៊ឺ មានជាប់បំណុលចិន ៦,០៨ពាន់លានដុល្លារ ដោយប្រទេសនេះពឹងផ្អែកលើទឹកប្រាក់ចិន ដើម្បីដំណើរការជីករុករករ៉ែ ជាពិសេសរ៉ែទង់ដែង និងការអនុវត្តគម្រោងអភិវឌ្ឍហេដ្ឋារចនាសម្ព័ន្ធក្នុងប្រទេស។
បង់ក្លាដែស ៦,០៥ពាន់លានដុល្លារ៖ បំណុលជាទឹកប្រាក់ ៦,០៥ពាន់លានដុល្លារដែលបង់ក្លាដែសខ្ចីពីចិន គឺដើម្បីសម្រេចគម្រោងអភិវឌ្ឍហេដ្ឋារចនាសម្ព័ន្ធសំខាន់ៗរួមមាន រោងចក្រអគ្គិសនី និងស្ពានជាដើម។
ឡាវ ៥,២៥ ពាន់លានដុល្លារ៖ ឡាវ ជាប់បំណុលចិន៥,២៥ពាន់លានដុល្លារ ដោយប្រាក់ភាគច្រើនយកទៅអនុវត្តគម្រោងផ្លូវដែលចិន និងឡាវ ដែលស្ថិតក្នុងគម្រោងផ្លូវសូត្ររបស់ចិន។ គម្រោងផ្លូវដែកនេះ មានគោលដៅប្រែក្លាយឡាវឱ្យទៅជាប្រទេសមានខ្សែទំនាក់ទំនង និងការដឹកជញ្ជូនចម្រុះ ដែលនាំឱ្យលំហូរនៃពាណិជ្ជកម្ម និងការតភ្ជាប់ មានភាពងាយស្រួល។
អេហ្ស៊ីប ៥,២១ពាន់លានដុល្លារ៖ បំណុលដែលអេហ្ស៊ីបជាប់ជំពាក់ចិន មានចំនួន៥,២១ពាន់លានដុល្លារ។ ប្រាក់ទាំងនេះមួយផ្នែកធំ ប្រើសម្រាប់គម្រោងហេដ្ឋារចនាសម្ព័ន្ធ និងថាមពល រួមមានរដ្ឋបាលធនធានថ្មីរបស់ខ្លួន។ គម្រោងនេះ ជាផ្នែកនៃយុទ្ធសាស្រ្តធំរបស់អេហ្ស៊ីប ដើម្បីធ្វើទំនើបកម្ម និងទាក់ទាញវិនិយោគិន។
នីហ្សេរីយ៉ា ៤,២៩ ពាន់លានដុល្លារ៖ នីហ្សេរីយ៉ា ជាប់បំណុលចិន ៤,២៩ពាន់លានដុល្លារ ដោយកម្ចីភាគច្រើនផ្ដោតលើគម្រោងផ្លូវដែក និងផ្លូវកៅស៊ូ ក៏ដូចជារោងចក្រថាមពល។