ទំហំពាណិជ្ជកម្មទ្វេភាគីកម្ពុជា និងចក្រភពអង់គ្លេស ក្នុងឆ្នាំ ២០២៤ សម្រេចបានជាង ១ ពាន់លានដុល្លារ ក្នុងនោះការនាំចេញរបស់កម្ពុជាមានទឹកប្រាក់ជិត ១ ពាន់លានដុល្លារ កើនឡើងជាង ២០ ភាគរយបើធៀបនឹងឆ្នាំ ២០២៣។ ចក្រភពអង់គ្លេស គឺជាដៃគូពាណិជ្ជកម្មធំជាងគេទី ១០ របស់កម្ពុជា បន្ទាប់ពីប្រទេសចិន អាមេរិក វៀតណាម ថៃ ជប៉ុន កាណាដា ឥណ្ឌូនេស៊ី អាល្លឺម៉ង់ និងអេស្ប៉ាញ។
ទិន្នន័យរបស់អគ្គនាយកដ្ឋានគយ និងរដ្ឋាករកម្ពុជា(GDCE) បានឱ្យដឹងថា ក្នុងឆ្នាំ ២០២៤ ការនាំចេញ នាំចូលទំនិញរវាងកម្ពុជា និងចក្រភពអង់គ្លេស មានទឹកប្រាក់សរុប ១ ០១២,៤៥ លានដុល្លារ កើនឡើង ១៦ ភាគរយបើធៀបនឹងឆ្នាំ ២០២៣ ក្នុងនោះកម្ពុជានៅទៅចក្រភពអង់គ្លេស ៩៥៨,៧៥ លានដុល្លារ កើន ២០,៤ ភាគរយ និងចក្រភពអង់គ្លេសនាំមកកម្ពុជា ៥៣,៧ លានដុល្លារ ថយចុះ ២៩,៩ ភាគរយ។