ឯកឧត្ដម មាន ចាន់យ៉ាដា ដឹកនាំនាយទាហាន អមដំណើរ គណៈ ប្រតិភូ ដែលដឹកនាំដោយ លោកជំទាវ បណ្ឌិត អ៊ុក ម៉ាលី មកទស្សនា និងចុះសួរសុខទុក្ខដល់កងកម្លាំងប្រដាប់អាវុធឈរជើងជួរមុខទិសប្រា សាទតាមាន់ និង ប្រាសាទដំរីទ្រោម

ឯកឧត្ដម មាន ចាន់យ៉ាដា អភិបាលនៃគណៈអភិបាលខេត្តឧត្ដរមានជ័យ ឯកឧត្តមអភិបាលរងខេត្ត លោក ឧត្ដមសេនីយ៍ត្រី នាក់ វង្ស មេបញ្ជាការ កងពលតូចថ្មើរជើងលេខ៤២ យោធភូមិភាគទី៤ នៅថ្ងៃទី១៧ ខែកញ្ញាឆ្នាំ២០២៤ បានដឹកនាំនាយទាហាន អមដំណើរ គណៈ ប្រតិភូ ដែលដឹកនាំដោយ លោកជំទាវ បណ្ឌិត អ៊ុក ម៉ាលី អគ្គហិរញ្ញឹក កាកបាទក្រហមកម្ពុជា មកទស្សនា និងចុះសួរសុខទុក្ខដល់កងកម្លាំងប្រដាប់អាវុធឈរជើងជួរមុខទិសប្រា សាទតាមាន់ និង ប្រាសាទដំរីទ្រោមផងដែរ។

ក្នុងនោះផងដែរ លោកជំទាវ បណ្ឌិត អ៊ុក ម៉ាលី អគ្គហិរញ្ញឹក កាកបាទក្រហមកម្ពុជា ក៏បាននាំយកថវិការ របស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ចែកជូនដល់កងកម្លាំងឈរជើងនៅទីនោះផ្ទាល់ ក្នុងម្នាក់ៗទទួលបានថវិការចំនួន ៥០ ០០០ រៀលផងដែរ។