ឯកឧត្ដម គួច ចំរើន អមដំណើរឯកឧត្តម ស៊ុន ចាន់ថុល ដើម្បីជំរុញការរៀបចំ និងការអនុវត្តតម្រោងព្រែកជីក ហ្វូណនតេជោ

ខេត្តកណ្ដាល៖ ព្រឹកថ្ងៃទី២៦ ខែសីហា ឆ្នាំ២០២៤ ឯកឧត្ដម គួច ចំរើន អភិបាល នៃគណៈអភិបាលខេត្តកណ្ដាល ព្រមទាំងកងកម្លាំងទាំង៣ អាជ្ញាធរស្រុកកោះធំ និងក្រុងសំពៅពូន បានអមដំណើរឯកឧត្តម ស៊ុន ចាន់ថុល ឧបនាយករដ្ឋមន្ត្រី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា និងជាអនុប្រធានប្រចាំការគណៈកម្មាធិការពិសេស ដើម្បីជំរុញការរៀបចំ និងការអនុវត្តតម្រោងព្រែកជីក ហ្វូណនតេជោ ដឹកនាំក្រុមការងារចុះត្រួតពិនិត្យទីតាំងតម្រាយផ្លូវទឹកគម្រោងព្រែកជីក ហ្វូណន តេជោ ពីចំណុចព្រែកតាហ៊ីង បន្តរហូតដល់ព្រំប្រទល់កម្ពុជា-វៀតណាម (ឆ្លងកាត់ខេត្តកណ្តាល តាកែវ កំពត និងកែប)។