ថ្ងៃអង្គារ ១ រោច ខែស្រាពណ៍ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី២០ ខែសីហា ឆ្នាំ២០២៤ ឯកឧត្តម ថង សាវុន អភិបាលនៃគណៈអភិបាលខេត្តមណ្ឌលគីរី បានអញ្ជើញ ចុះពិនិត្យស្ថានភាពនៃការកាប់រានព្រៃយកដីធ្វើកម្មសិទ្ធិខុសច្បាប់ និងនាំយកសម្ភារៈ គ្រឿងឧបភោគបរិភោគ និងថវិកាមួយចំនួន ដល់កងកម្លាំង ដែលកំពុងឈរជើងការពារ នៅតំបន់ព្រៃខៀវក្នុងភូមិសាស្ត្រ ឃុំរយ៉ ស្រុកកោះញែក ដោយមានការអញ្ជើញចូលរួមពីសំណាក់ លោកឧត្តមសេនីយ៍ទោ មៀច សាមុត មេបញ្ជារការកងពលតូចអន្តរាគមន៍លេខ១២៨ លោកឧត្តមសេនីយ៍ទោ សាន គឹមអឿន មេបញ្ជាការតំបន់ប្រតិបត្តិការសឹករងមណ្ឌលគិរី មេបញ្ជាការរងកងរាជអាវុធហត្ថ ប្រធាន អនុប្រធានមន្ទីរ អង្គភាពពាក់ព័ន្ធ និងមន្ត្រីជំនាញពាក់ព័ន្ធ ដែលប្រព្រឹត្តទៅនៅតំបន់ព្រៃខៀវក្នុងភូមិសាស្ត្រ ឃុំរយ៉ ស្រុកកោះញែក ខេត្តមណ្ឌលគិរី។
