បន្ទាប់ពីពិធីសម្ពោធដាក់ឲ្យប្រើប្រាស់អគារសិក្សាសាមគ្គីរួចមក ឯកឧត្តម ថង សាវុន អភិបាលខេត្ត រួមទាំងលោក អភិបាលរងខេត្ត ថ្នាក់ដឹកនាំមន្ទីរអង្គភាពពាក់ព័ន្ធ កងកម្លាំងទាំងបី សហភាពសហព័ន្ធយុវជនកម្ពុជាខេត្ត /ស្រុក និងអាជ្ញាធរមូលដ្ឋាន បានអញ្ជើញចុះទស្សនាភ្នំណាំលៀរ ដើម្បីពិនិត្យ និងកែលម្អតំបន់នេះ ឲ្យកាន់តែមានភាពទាក់ទាញ សម្រាប់ភ្ញៀវទេសចរជាតិ អន្តរជាតិ មកទស្សនាកាន់តែច្រើនឡើង។
ទេសភាពនៅភ្នំណាំលៀរ ប្រៀបដូចជាភ្នំថ្ម ដុះនៅកណ្តាលព្រៃពណ៌បៃតង។ ភ្នំណាំលៀរនេះ គឺជាភ្នំថ្មដ៏ធំមួយកន្លែង មានទេសភាពធម្មជាតិស្រស់បំព្រង ជាមួយនឹងជ្រលងភ្នំទាបខ្ពស់ ទឹកជ្រោះ វាលថ្ម ព្រមទាំងមានពពួកសត្វព្រៃជាច្រើនប្រភេទ៕
