សហភាពសហព័ន្ធយុវជនកម្ពុជាខេត្តប៉ៃលិន មានកិត្តិយសសូមគោរពជម្រាបជូន ដល់មាតា បិតា អាណាព្យាបាលសិស្សានុសិស្ស និងបេក្ខជន ដែលត្រូវប្រឡងសញ្ញាបត្រមធ្យមសិក្សាទុតិយភូមិ ចំណេះ ដឹងទូទៅ និងបំពេញវិជ្ជា សម័យប្រឡងថ្ងៃទី០៦-០៧ ខែវិច្ឆិកា ឆ្នាំ២០២៣ ខាងមុខនេះ ឱ្យបានជ្រាបថា៖ ដោយមានការឧបត្ថម្ភគាំទ្រទាំងស្រុងពីឯកឧត្ដម អ៉ី ឈាន និងលោកជំទាវបណ្ឌិត បាន ស្រីមុំ ក្នុងការសម្រួលដល់ការស្នាក់នៅ និងអាហារ សម្រាប់សិស្សានុសិស្ស ដែលមានទីលំនៅឆ្ងាយពីមណ្ឌលប្រឡង និងការរក្សាយានជំនិះកង់-ម៉ូតូ របស់បេក្ខជននាពេលខាងមុខនេះ សហភាពសហព័ន្ធយុវជនកម្ពុជា ខេត្តប៉ៃលិន បានចូលរួមសហការជាមួយរដ្ឋបាលខេត្ត មន្ទីរអប់រំយុវជន និងកីឡាខេត្ត កងកម្លាំងមានសមត្ថកិច្ច ធ្វើការរៀបចំកន្លែងស្នាក់នៅសម្រាប់បេក្ខជនមានទីលំនៅឆ្ងាយពីមណ្ឌលប្រឡង និងកន្លែងផ្ញើយានជំនិះកង់-ម៉ូតូ… ដោយឥតគិតថ្លៃ ជូនដល់បេក្ខជនប្រឡងទាំងអស់។
