ថ្ងៃទី២៨ ខែតុលា ឆ្នាំ២០២៣ លោកជំទាវ បានស្រីមុំ អភិបាលខេត្តប៉ៃលិន បានបន្តនាំយកសំលៀកបំពាក់ និងគ្រឿងបរិភោគមួយចំនួនធំ និងថវិកា មកដាក់ក្នុងផ្ទះបរិច្ចាគ ដើម្បីទុកជូនបងប្អូនប្រជាពលរដ្ឋដែលខ្វះខាត និងបន្តអំពាវនាវដល់សប្បុរសជនទាំងក្នុងខេត្ត ក្រៅខេត្ត ទាំងក្នុងប្រទេស និងក្រៅប្រទេស សូមចូលរួមការងារមនុស្សធម៌ វប្បធម៌នៃការចែករំលែក ដោយអាចយកជាសម្ភារៈប្រើប្រាស់ (ថ្មី ឬអាចនៅប្រើបាន) និងគ្រឿងឧបភោគ បរិភោគ យកមកដាក់ក្នុងផ្ទះបរិច្ចាគ ដើម្បីជួយដល់ បងប្អូនទុរគតជន និងប្រជាពលរដ្ឋខ្វះខាតជីវភាព ។
