មន្ទីរវប្បធម៌និងវិចិត្រសិល្បៈខេត្តកំពង់ធំ បានចុះបញ្ជីសំណង់បេតិកភណ្ឌតាមវត្តទូទាំងខេត្តសរុបមានចំនួន ៣៦ កន្លែង។
ក្នុងចំណោមសំណង់បេតិកភណ្ឌតាមវត្តទាំង ៣៦ កន្លែង ព្រះវិហារនៅវត្តធម្មឃោសិតារាម (ហៅវត្តស្លែង) កកើតតាំងពីឆ្នាំ ១៨៥២ មានទីតាំងនៅភូមិស្លែង ឃុំក្តីដូង ស្រុកកំពង់ស្វាយ ខេត្តកំពង់ធំ ដែលមកទល់ពេលនេះមានអាយុកាល ១៧១ ឆ្នាំ ជាប់ជាអារាមចំណាស់ជាងគេក្នុងខេត្តកំពង់ធំ។
ព្រះវិហារនៅវត្តធម្មឃោសិតារាមកសាងពីឥដ្ឋបូកបាយអ មានក្បាច់ហោជាងយ៉ាងរស់រវើក និងដំបូលប្រក់ក្បឿងស្រកាត្រីលិញ។ ទីតាំងវិហារនេះ កសាងនៅតំបន់ប្រាសាទចាស់ ដោយគេប្រទះឃើញផ្ដែរជាច្រើនផ្ទាំង មានតាំងពីសម័យមុនអង្គរ៕
