អ្នកនាំពាក្យក្រសួងយុត្តិធម៌ ឯកឧត្តម ជិន ម៉ាលីន បានមានប្រសាសន៍ថា ការចេញដីការបង្គាប់ឱ្យចាប់ខ្លួនសកម្មជន៣នាក់ ក្រោមបទចោទ«ក្លែងបន្លំ និងប្រើប្រាស់លិខិតក្លែង» ពាក់ព័ន្ធនឹងការបង្កើតគណបក្សបេះដូងជាតិ គឺធ្វើឡើងដោយមានមូលដ្ឋានច្បាប់ច្បាស់លាស់ នៅក្នុងកាត់ទោសលោក សៀម ភ្លុក និងអ្នកពាក់ព័ន្ធចំនួន១២នាក់ផ្សេងទៀត។
ឯកឧត្តម ជិន ម៉ាលីន បានបន្តថា ប្រសិនបើគាត់ថាគាត់មិនបានក្លែង ឱ្យគាត់រកភស្តុតាង ទឡ្ហីករណ៍ មូលដ្ឋានផ្លូវច្បាប់ឱ្យបានរឹងមាំនៅក្នុងការដាក់បន្ទុក។ ឥឡូវសាលក្រមសាលាដំបូងគេចេញហើយ អ៊ីចឹងគាត់ត្រូវតែធ្វើការការពារខ្លួនទៅប្តឹងឧទ្ធរណ៍ ហើយបង្ហាញភស្តុតាង ទឡ្ហីករណ៍ផ្លូវច្បាប់ឱ្យបានរឹងមាំ ដើម្បីដោះបន្ទុក តតាំងបទចោទ»។