ឯកឧត្តម សុខ ឥសាន អ្នកនាំពាក្យគណបក្សប្រជាជនកម្ពុជា នៅតែអះអាងថា រឿងរ៉ាវដែលទាក់ទងនឹងការរឹបអូសអចលនទ្រព្យ និងការចាប់ខ្លួនមន្ត្រីជាន់ខ្ពស់គណបក្សភ្លើងទៀន លោក ថាច់ សេដ្ឋា គឺជាការអនុវត្តច្បាប់ មិនពាក់ព័ន្ធនឹងរឿងនយោបាយឡើយ។
ឯកឧត្តមអ្នកនាំពាក្យគណបក្សប្រជាជនកម្ពុជា បានអះអាងដោយទម្លាក់កំហុសលើក្បាលម៉ាស៊ីនគណបក្សភ្លើងទៀនថា ដោយសារថ្នាក់ដឹកនាំគណបក្សប្រឆាំងមួយនេះ គឺជាអ្នកបង្ករឿង ដែលចោទប្រកាន់មកលើថ្នាក់ដឹកនាំគណបក្សប្រជាជនកម្ពុជាជាមុន ទើបបក្សកាន់អំណាច ប្ដឹងទាមទារដើម្បីបញ្ជាក់ពីភាពស្អាតស្អំ និងរកយុត្តិធម៌ឱ្យគណបក្សប្រជាជនកម្ពុជាតែប៉ុណ្ណោះ។