ឯកឧត្តម ជិន ម៉ាលីន រដ្ឋលេខាធិការនិងជាអ្នកនាំពាក្យក្រសួងយុត្តិធម៌ មានប្រសាសន៍ថា៖វិធានការច្បាប់តាមនីតិវិធីតុលាការ គឺជាមធ្យោបាយតែមួយគត់ក្នុងសង្គមប្រជាធិបតេយ្យ បើកាលណាប្រព្រឹត្តខុសច្បាប់ ហើយគឺត្រូវអនុវត្តច្បាប់តាមផ្លូវ និងដំណើរការនីតិវិធីតុលាការហើយអ្នកពាក់ព័ន្ធត្រូវការពារខ្លួនតាមផ្លូវច្បាប់»។
ឯកឧត្តម ម៉ាលីន ដែលក៏ជាអនុប្រធានគណៈកម្មាធិការសិទ្ធិមនុស្សកម្ពុជាផងដែរ បានហៅរបាយការណ៍របស់អង្គការសិទ្ធិមនុស្សHuman Rights Watch ថាបានធ្វើឡើងដោយមាន«លក្ខណៈនយោបាយ»និង«សងសឹក»រាជរដ្ឋាភិបាល។
ឯកឧត្តម បានបន្ថែមថា បើមើលទៅលើវិធានការដែលគាត់រិះគន់ទៅលើវិធានការច្បាប់របស់សមត្ថកិច្ចក្នុងន័យការពារសកម្មជនទាំងអស់នោះគឺមិនមានមូលដ្ឋានផ្លូវច្បាប់ណាមួយដើម្បីដោះបន្ទុកនោះឡើយ ក្រៅតែពីអះអាងថាអ្នកទាំងហ្នឹងជាសកម្មជននយោបាយរីឯមូលដ្ឋានដោះបន្ទុកផ្លូវច្បាប់គឺអត់មានទេ»។