អ្នកនាំពាក្យគណបក្សប្រជាជនកម្ពុជា ឯកឧត្តម សុខ ឥសាន ថ្លែងថា ការលើកឡើងរបស់អ្នកឃ្លាំមើលថា គម្រោងទស្សនកិច្ច សម្តេចតេជោ ហ៊ុន សែន ទៅប្រទេសចិនគឺពឹងពាក់ចិនជួយគាំទ្រផែនការផ្ទេរអំណាចគឺគ្មានមូលដ្ឋានច្បាស់លាស់។
ឯកឧត្តម សុខ ឥសាន បានមានប្រសាសន៍បន្តថា គម្រោងទស្សនកិច្ចរបស់ សម្តេច ហ៊ុន សែន ទៅប្រទេសចិនគឺក្នុងក្របខណ្ឌមិត្តភាព សាមគ្ដីភាពរវាងមេដឹកនាំនៃប្រទេសទាំងពីរតែប៉ុណ្ណោះ។ លោកបន្តថា គម្រោងទស្សនកិច្ចនេះរដ្ឋាភិបាលមិនទាន់កំណត់ថ្ងៃខែជាក់លាក់នៅឡើយទេ។