អ្នកនាំពាក្យរដ្ឋាភិបាល ឯកឧត្តម ផៃ ស៊ីផាន បានមានប្រសាសន៍ថា ការស្នើឱ្យមានការដោះលែងអ្នកទោស គឺអាចធ្វើទៅបានលុះត្រាតែអ្នកជាប់ឃុំ បានគោរពទៅតាមលក្ខខ័ណ្ឌរបស់តុលាការ តាមរយៈពេលដែលច្បាប់បានចែង ទើបនាយករដ្ឋមន្ត្រីអាចធ្វើការស្នើសុំទៅអង្គព្រះមហាក្សត្រសុំឱ្យដោះលែងនៅក្រៅឃុំបាន។
ឯកឧត្តម ផៃ ស៊ីផាន បានបន្តថា ការស្នើឱ្យមានការដោះលែងអ្នកទោសគឺស្ថិតនៅដែនសមត្ថកិច្ចរបស់តុលាការ ទាល់តែអ្នកទទួលបន្ទុករបស់តុលាការហ្នឹងរយៈពេលប៉ុន្មានរួចហើយនៅក្នុងពន្ធនាគារ ដើម្បីស្នើសុំទៅនាយករដ្ឋមន្ត្រី ដើម្បីលោកស្នើសុំទៅព្រះមហាក្សត្រឱ្យគាត់សម្រួលទោស ឬក៏សុំនៅក្រៅឃុំ»។