ភ្នំពេញៈ រដ្ឋាភិបាលកម្ពុជាបានអនុម័តគម្រោងវិនិយោគចំនួន ១០ គិតជាប្រាក់ជិត ៥០ លានដុល្លារនៅក្នុងខែធ្នូគិតត្រឹមដើមសប្តាហ៍ទី ៤ ដែលភាគច្រើនស្ថិតក្នុងវិស័យកាត់ដេរសម្លៀកបំពាក់ ស្បែកជើង និងវេចខ្ចប់។
បើយោងតាមក្រុមប្រឹក្សាអភិវឌ្ឍន៍កម្ពុជា (CDC) ដែលចុះផ្សាយត្រឹមថ្ងៃទី ២៦ ខែធ្នូ ខ្លួនបានអនុម័តគម្រោងវិនិយោគចំនួន ១០ ក្នុងខែធ្នូ គិតត្រឹមដើមសប្តាហ៍ទី ៤ ដែលមានទុនវិនិយោគ ៤៨,៧ លានដុល្លារ និងបង្កើតការងារបាន ៨ ៦៨៥ កន្លែង។ គម្រោងវិនិយោគទាំងនោះគឺមានទីតាំងភាគច្រើននៅខេត្តព្រះសីហនុ កណ្តាល តាកែវ ភ្នំពេញ និងខេត្តកំពង់ចាម។