លោកជំទាវអភិបាលខេត្តកោះកុង បានជំរុញដល់មន្ទីរសង្គមកិច្ច អតីតយុទ្ធជន និងយុវនីតិសម្បទាខេត្ត បន្តសម្របសម្រួលដោះស្រាយរាល់បញ្ហា ដែលមនុស្សចាស់កំពុងជួបប្រទះ ដើម្បីលើកកម្ពស់សុខុមាលភាពដល់ពួកគាត់។ មួយវិញទៀតសមាគមមនុស្សចាស់ ដែលកំពុងមានស្រាប់តាមមូលដ្ឋានរស់នៅរបស់ប្រជាពលរដ្ឋ ជាសកម្មភាពមួយដ៏ល្អប្រពៃតបស្នងសងគុណ ដល់ពួកគាត់ជំនាន់មុនៗបន្សល់ទុកឱ្យកូនចៅជំនាន់ក្រោយបានរៀនសូត្រ និងត្រងត្រាប់តាម និងទទួលបាននូវភាពកក់ក្តៅដោយក្តីសង្ឃឹមជឿជាក់។
ទន្ទឹមនេះ លោកជំទាវអភិបាលខេត្តកោះកុង បានជម្រុញអោយមន្ទីរ អង្គភាព និងអ្នកពាក់ព័ន្ធត្រូវបន្តរិះរកដំណោះស្រាយថ្មីៗបន្ថែម ដើម្បីធ្វើយ៉ាងណាជួយគាំទ្រដោះស្រាយបញ្ហាលំបាកនានា របស់ប្រជាពលរដ្ឋវ័យចំណាស់ ខណៈពួកគាត់មានតម្រូវការនានា ឆ្លើយតបនឹងគោលនយោបាយជាតិគាំពារសង្គម និងគោលនយោបាយជាតិ ស្តីពី មនុស្សចាស់៕
ថ្ងៃចន្ទ ១៤ រោច ខែអស្សុជ ឆ្នាំខាល ចត្វាស័ក ពុទ្ធសករាជ ២៥៦៦ ត្រូវនឹងថ្ងៃទី២៤ ខែតុលា ឆ្នាំ២០២២
