រសៀលថ្ងៃទី ១៦ ខែតុលា ឆ្នាំ ២០២២ នេះ ឯកឧត្តមបណ្ឌិត ជាម ច័ន្ទសោភ័ណ អភិបាលខេត្តត្បូងឃ្មុំ បានអញ្ជើញចុះចែកស្រូវពូជ ជាជំនួយដ៏ថ្លៃថ្លារបស់សម្ដេចតេជោ ហ៊ុន សែន និងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន បានផ្ដល់ជូនប្រជាកសិករអាទិភាពមានដីអាចស្ដារឡើងវិញបាន ចំនួន ២១,៦៥០ គីឡូក្រាម ស្មើនឹង ២៨៤ គ្រួសារ ក្នុងចំណោមគ្រួសារដែលមានដំណាំស្រូវ ទៅរងការខូចខាតដោយទឹកជំនន់ទឹកភ្លៀង នាពេលកន្លងទៅ ក្នុងឃុំព្រះធាតុ និងឃុំមៀន ស្រុកអូររាំងឪ ខេត្តត្បូងឃ្មុំ ។
ពិធីប្រគល់ជូននេះ ប្រព្រឹត្តទៅ នៅបរិវេណវត្ត ទួលឃ្លាំង ស្ថិតនៅភូមិទួលឃ្លាំង ឃុំព្រះធាតុ ស្រុកអូរាំងឪ ខេត្តត្បូងឃ្មុំ ដោយមានការអញ្ជើញចូលរួម ពីសំណាក់ ឯកឧត្តម ម៉ៅ ឌុង អភិបាលរងខេត្ត ឯកឧត្តមស្នងការនគរបាលខេត្ត កងរាជអាវុធហត្ថខេត្ត តំបន់ប្រតិបត្តិការសឹករងខេត្ត ប្រធានអនុប្រធានមន្ទីរជំនាញ អាជ្ញាធរមូលដ្ឋានស្រុក/ឃុំ ប្រជាកសិករ និងអ្នកពាក់ព័ន្ធជាច្រើនរូប។
