ជប៉ុន៖ បន្ទាប់ពីបានអញ្ជើញមកចូលរួមគោរពវិញ្ញាណក្ខន្ធ និងពិធីបុណ្យសពថ្នាក់ជាតិ អតីតនាយករដ្ឋមន្ត្រីជប៉ុន ឯកឧត្តម អាបេ ស៊ីនហ្សូ ដើម្បីលាគ្នាជាលើកចុងក្រោយរួចមក នៅរសៀលថ្ងៃទី ២៧ កញ្ញា សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានឆ្លៀតឱកាសជួបសំណេះសំណាល ជាមួយឯកឧត្តម ណារិនដ្រា ម៉ូឌី នាយករដ្ឋមន្ត្រីសាធារណរដ្ឋឥណ្ឌា ក្នុងឱកាសដែលឯកឧត្តម មានវត្តមានចូលរួមក្នុងពិធីបុណ្យសពថ្នាក់ជាតិនេះ ដោយមានការចូលរួមពីថ្នាក់ដឹកនាំជាប្រមុខរដ្ឋ/រដ្ឋាភិបាល អតីតមេដឹកនាំពិភពលោក ប្រមាណ ៥០រូប និងភ្ញៀវកិត្តិយសអន្តរជាតិ ប្រមាណ ៧០០នាក់ និងភ្ញៀវជាតិ សរុបប្រមាណ ៤៥០០នាក់ ៕
