អភិបាលខេត្តត្បូងឃ្មុំ និងប្រធានក្រុមប្រឹក្សាខេត្ត អញ្ជើញកាន់បិណ្ឌទី៣ នៅវត្តដំរិល ស្ថិតនៅឃុំដំរិល ស្រុកអូរាំងឪខេត្តត្បូងឃ្មុំ

(ត្បូងឃ្មុំ)៖ នាថ្ងៃទី១៣ ខែកញ្ញា ឆ្នាំ ២០២២នេះ ឯកឧត្តមបណ្ឌិត ជាម ច័ន្ទសោភ័ណ អភិបាលនៃគណៈអភិបាលខេត្តត្បូងឃ្មុំ និងឯកឧត្តម ស៊ាក ឡេង ប្រធានក្រុមប្រឹក្សាខេត្ត និងលោកជំទាវទាំងទ្វេ ព្រមទាំងឯកឧត្តម លោកជំទាវ អភិបាលរងខេត្ត ប្រធានមន្ទីរ/អង្គភាពជំវិញខេត្ត បានអញ្ជើញកាន់បិណ្ឌទី៣ នៅវត្តដំរិល ស្ថិតនៅឃុំដំរិល ស្រុកអូរាំងឪខេត្តត្បូងឃ្មុំ ។

ស្ថិតក្នុងឳកាសនោះ ឯកឧត្តមបណ្ឌិត ជាម ច័ន្ទសោភ័ណ និងលោកជំទាវ និងឯកឧត្តម ស៊ាក ឡេង និងលោកជំទាវ បានប្រគេននូវទេយ្យទាន ទេយ្យវត្ថុ មានអង្គរ១តោន ទឹកសុទ្ធ១០០កេះ មី២កេះធំ សាដក៥០ប្រអប់ ទឹកដោះគោ១០០កំប៉ុង ស្ករស៥០គីឡូក្រាម និងបច្ច័យចំនួន០៨លានរៀល៕