(ត្បូងឃ្មុំ)៖ ក្រុមប្រឹក្សាខេត្តត្បូងឃ្មុំ នៅព្រឹកថ្ងៃទី០៨ ខែកញ្ញា ឆ្នាំ២០២២នេះ បានបើកកិច្ចប្រជុំសាមញ្ញលើកទី៤០ អាណត្តិទី៣ ក្រោមអធិបតីភាពឯកឧត្តម ស៊ាក ឡេង ប្រធានក្រុមប្រឹក្សាខេត្ត និងឯកឧត្តមបណ្ឌិត ជាម ច័ន្ទសោភ័ណ អភិបាលខេត្តត្បូងឃ្មុំ ព្រមទាំងសមាជិក សមាជិកា ក្រុមប្រឹក្សាខេត្ត អភិបាលរងខេត្ត នាយក នាយករងរដ្ឋបាលសាលាខេត្ត នាយកទីចាត់ការសាលាខេត្ត ថ្នាក់ដឹកនាំមន្ទីរ អង្គភាពជុំវិញខេត្ត និងមន្ត្រីសាលាខេត្ត ដែលពាក់ព័ន្ធជាច្រើនរូបទៀត។
ក្នុងកិច្ចប្រជុំនោះ មានរបៀបវារៈចំនួន៧ ដែលត្រូវបានលើកយកមកពិភាក្សារួមមាន៖
១-ពិនិត្យ និងអនុម័តលើសេចក្តីព្រាងកំណត់ហេតុ នៃកិច្ចប្រជុំសាមញ្ញលើកទី៣៩ របស់ក្រុមប្រឹក្សាខេត្តត្បូតឃ្មុំ
២-ពិនិត្យ ពិភាក្សា និងអនុម័តលើសេចក្តីព្រាងរបាយការណ៍រីកចម្រើនប្រចាំ ខែសីហា របស់រដ្ឋបាលខេត្តត្បូងឃ្មុំ
៣-ពិនិត្យ ពិភាក្សា និងអនុម័តលើសេចក្តីព្រាងសរចក្ដីសម្រេច ស្ដីពីការកែសម្រួលសមាភាព គណៈកម្មាធិការសម្របសម្រួលបច្ចេកទេសខេត្តត្បូងឃ្មុំ
៤-ពិនិត្យ ពិភាក្សា និងអនុម័តលើសេចក្ដីព្រាងសេចក្ដីសម្រេចស្ដីពីការកែសម្រួលសមាសភាពគណៈកម្មាធិការ លទ្ធកម្មខេត្តត្បូងឃ្មុំ
៥-ពិនិត្យ ពិភាក្សា និងអនុម័ត លើសេចក្ដីព្រាងសេចក្ដីសម្រេច ស្ដីពីការកែសម្រួលសមាសភាពគណៈកម្មាធិការពិគ្រោះយោបល់កិច្ចការស្ត្រី និងកុមារខេត្តត្បូងឃ្មុំ
៦- ពិនិត្យ ពិភាក្សា និងអនុម័ត លើការងារបោះឆ្នោតចាត់តាំងមន្ត្រីរាជការសាលាខេត្តត្បូងឃ្មុំ
៤-បញ្ហាផ្សេងៗ ស្ដាប់បញ្ហាប្រឈមរបស់គណៈកម្មាធិការពិគ្រោះយោបល់ស្ត្រីកុមារខេត្តត្បូងឃ្មុំ។
