នាព្រឹកថ្ងៃសៅរ៍ទី២៣ ខែមេសា ឆ្នាំ២០២២នេះ ឯកឧត្តម អ៊ុំ រាត្រី អភិបាលខេត្តបន្ទាយមានជ័យ និង ជាប្រធានគណៈកម្មាធិការសាខាកាកបាទក្រហមកម្ពុជាខេត្ត ព្រមទាំងក្រុមការងារ បានអញ្ជើញចុះនាំយកអំណោយមនុស្សធម៌ របស់សម្តេចកិត្តិព្រឹទ្ធិបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា ផ្តល់ប្រជាពលរដ្ឋដែលទទួលរងគ្រោះដោយសារខ្យល់កន្ត្រាក់ កាលពីពេលថ្មីៗមកនេះ ចំនួន ៨១គ្រួសារ ក្នុងស្រុកចំនួន ០៣ លើក៣ទីតាំង :
១,នៅគោករមៀត ស្រុកថ្មពួក ចំនួន ២៤ គ្រួសារ
២,នៅភូមិចំការគរ ឃុំស្វាយចេក ស្រុកស្វាយចេក
ចំនួន ០៦គ្រួសារ
៣,នៅឃុំអូរបីជាន់ ស្រុកអូរជ្រៅ ចំនួន ៥១គ្រួសារ។
ថ្លែងសំណេះសំណាលក្នុងឱកាសនោះ ឯកឧត្តម អ៊ុំ រាត្រី
បានពាំនាំការផ្តាំផ្ញើសួរសុខទុក្ខពីសំណាក់ សម្តេចតេជោ ហ៊ុន សែន នាយករដ្ឋមន្ត្រី និងសម្តេចកិត្តព្រឹទ្ធបណ្ឌិត ប៊ុន រ៉ានី ហ៊ុន សែន ដល់បងប្អូនប្រជាពលរដ្ឋទាំងអស់ដោយក្តីនឹករលឹក ជានិច្ចកាលសម្តេចតែងតែយកចិត្តទុក្ខដាក់ខ្ពស់ចំពោះសុខទុក្ខលំបាកប្រជាពលរដ្ឋ។
ឯកឧត្តមបានបន្តថា ទីណាមានទុកលំបាកទីនោះមាន
កាកបាទក្រហមកម្ពុជាចុះជួយ ដោយមិនមានការរើសអើងនោះឡើយ គ្រប់ទីកន្លែង គ្រប់ពេលវេលា ក្នុងសកម្មភាពមនុស្សធម៌។ អំណោយមកផ្តល់ជូននាពេលនេះជាការគិតគូរដោះស្រាយការលំបាកពុកម៉ែបងប្អូនបានមួយគ្រា ទោះបីជាមិនបានគ្រប់ទៅតាមតម្រូវការទាំងស្រុងនោះ ជាវប្បធម៌ចែករំលែក ចូលរួមដោះស្រាយទុក្ខលំបាកបងប្អូនក្នុងកាលៈទេសៈនៃការជួបគ្រោះថ្នាក់ដោយសារខ្យល់កន្ត្រាក់នាពេលថ្មីៗមកនេះ។
អំណោយទទួលបានក្នុងមួយគ្រួសារទទួល អង្ករ ២៥ គីឡូក្រាមត្រីខ ១យួរ មី ១កេសតូច ទឹកត្រី៣ដប មុង១ ភួយ ១ សារុង១ ក្រមា ១ អាវយឺត ២ តង់ប្លាស្ទីក (១សម្រាប់គ្រួសាររងគ្រោះធ្ងន់) ដោយឡែកនៅឃុំគោករមៀត បន្ថែមចបកាប់១ កណ្តៀវ ១ និង នៅឃុំអូរបីជាន់ លោកជំទាវ នួម សោភ័ណ អ្នកតំណាងរាស្ត្រ បានឧបត្ថម្ភថវិកាបន្ថែម ក្នុងមួយគ្រួសារ ១មឺនរៀលផងដែរ៕
