ឯកឧត្តមនាយឧត្តមសេនីយ៍ អ៊ី ឈាន អញ្ជើញជួបសំណេះសំណាល សាកសួរសុខទុក្ខ ជាមួយកងកម្លាំងចម្រុះ ដែលបានបំពេញបេសកកម្មការពារសន្តិសុខសណ្ដាប់ធ្នាប់ជូនបងប្អូនប្រជាពលរដ្ឋក្នុងអំឡុងពេលបុណ្យចូលឆ្នាំថ្មីប្រពៃណីជាតិខ្មែរ

ប៉ៃលិន៖ ថ្ងៃទី២២ ខែមេសា ឆ្នាំ២០២២ ឯកឧត្តមនាយឧត្តមសេនីយ៍ អ៊ី ឈាន រដ្ឋលេខាធិការក្រសួងការពារជាតិ និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តប៉ៃលិន បានអញ្ជើញជួបសំណេះសំណាល សាកសួរសុខទុក្ខ ជាមួយកងកម្លាំងចម្រុះ ដែលបានបំពេញបេសកកម្មការពារសន្តិសុខសណ្ដាប់ធ្នាប់ជូនបងប្អូនប្រជាពលរដ្ឋក្នុងអំឡុងពេលបុណ្យចូលឆ្នាំថ្មីប្រពៃណីជាតិខ្មែរ ព្រមទាំងឧបត្ថមដល់ស្នងការដ្ឋាននគរបាលខេត្ត ភេសជ្ជៈ ចំនួន ១០០កេស ថវិកា ២លានរៀល, កងរាជអាវុធហត្ថខេត្ត ភេសជ្ជៈ ចំនួន ៦០កេស ថវិកា ២លានរៀល, តំបន់ប្រតិបត្តិការសឹករងខេត្ត ភេសជ្ជៈ ចំនួន ១០០កេស ថវិកា ២លានរៀល និងកងកម្លាំងចម្រុះក្នុងម្នាក់ៗទទួលបានថវិកាចំនួន ១០ម៉ឺនរៀលផងដែរ។