នាព្រឹកថ្ងៃទី១៤ ខែមេសា ឆ្នាំ២០២២ ឯកឧត្តម ម៉ែន ង៉ុយ ប្រធានក្រុមប្រឹក្សាខេត្តមណ្ឌលគិរី ឯកឧត្តម ថង សាវុន អភិបាលខេត្ត រួមទាំងឯកឧត្តម លោកជំទាវ សមាជិកក្រុមប្រឹក្សាខេត្ត លោក លោកស្រី អភិបាលរងខេត្ត លោក លោកស្រីថ្នាក់ដឹកមន្ទីរអង្គភាពជុំវិញខេត្ត បានអញ្ជើញទទួលទេវតាឆ្នាំថ្មី ឆ្នាំខាល ចត្វាស័ក ព.ស ២៥៦៦ គ.ស ២០២២ នៅវិមានឯករាជ្យ ស្ថិតនៅក្រុងសែនមនោរម្យ។
ក្នុងឱកាសអបអរសាទរពិធីបុណ្យចូលឆ្នាំថ្មីប្រពៃណីជាតិ ឆ្នាំខាល ចត្វាស័ក ព.ស ២៥៦៦ គ.ស ២០២២ អាជ្ញាធរខេត្តមណ្ឌលគិរី បានរៀបចំកម្មវិធីសង្រ្កាន្តឆ្នាំថ្មី ២០២២ នៅក្រុងសែនមនោរម្យ ដោយមានកម្មវិធីកម្សាន្តសប្បាយ លេងល្បែងប្រជាប្រិយ ការប្រគុំតន្រ្តី ដំដែងសិល្បៈ និងរាំកម្សាន្តរយៈពែល ៣ថ្ងៃ ចាប់ពីថ្ងៃទី១៤-១៦ ខែមេសា ឆ្នាំ២០២២ នៅទីតាំងចំនួន ០២រួមមាន ទី១ បរិវេណសួនច្បារវិមានឯករាជ្យ និងទី២ បរិវេណជើងភ្នំដោះក្រមុំ។
