នាព្រឹក ថ្ងៃអាទិត្យ ខែកម្ភះ ឆ្នាំ២០២២ លោកជំទាវ ម៉ាណ ណាវី តំណាងរាស្ត្ររាជធានីភ្នំពេញ និងជាប្រធានក្រុមការងារគណបក្សប្រជាជនកម្ពុជា ចុះជួយមូលដ្ឋានសង្កាត់ច្រាំងចំេរះទី១ និងលោកជំទាវ ម៉ាន ចិន្តា រដ្ឋលេខាធិការក្រសួងកិច្ចការនារី បានអញ្ជើញជួបសំណេះសំណាលជាមួយបេក្ខភាពឈរឈ្មោះបោះឆ្នោតឃុំសង្កាត់ អាណត្តិទី៥ ស្ថិតនៅទីស្នាក់ការគណបក្សប្រជាជនកម្ពុជា សង្កាត់ច្រាំងចំេរះទី១ ។
លោកជំទាវ ម៉ាណ ណាវី បានជំរុញនិងលើកទឹកចិត្តដល់សកម្មជនទាំងអស់ឲ្យបន្តរក្សាសាមគ្គីភាព បង្កើនសកម្មភាពផ្សព្វផ្សាយគោលនយោបាយ និងសមិទ្ធិផលនានារបស់គណបក្ស ជំរុញការចូលរួមឲ្យកាន់តែសកម្មក្នុងសង្កាត់ច្រាំងចំេរះទី១ ក្នុងការត្រៀមលក្ខណៈឲ្យបានគ្រប់គ្រាន់ សម្រាប់ការបោះឆ្នោតឃុំសង្កាត់ ដែលនឹងប្រព្រឹត្តទៅនៅថ្ងៃទី៥ ខែមិថុនា ឆ្នាំ២០២២នេះ ជាពិសេសទៀតនោះ ជំរុញឲ្យប្រជាពលរដ្ឋដែលគ្រប់អាយុអោយទៅបោះឆ្នោតឲ្យបានគ្រប់ៗគ្នា ដោយលោកជំទាវបានសង្កត់ធ្ងន់ថា ពលរដ្ឋមួយរូប គឺជាសន្លឹកឆ្នោតមួយសន្លឹក ដើម្បីសម្រេចជោគវាសនាប្រទេសជាតិ។
ឆ្លៀតក្នុងឱកាសនោះ លោកជំទាវ ក៏បានឧបត្ថម្ភថវិកា ដោយម្នាក់ៗទទួលបាន ៥០០០០រៀល ទឹកភេសជ្ជៈមួយកេស ក្រម៉ាមួយ សរុប២៣រូប ។
