ភ្នំពេញ៖ សម្ដេចតេជោ ហ៊ុន សែន បានមានប្រសាសន៍ថា ប្រសិន ណាបើកុំមានការរាលដាលជំងឺកូវីដ១៩ កម្ពុជា នឹងមានការអភិវឌ្ឍ លឿន ជាមួយនឹងការកាត់បន្ថយភាពក្រីក្រកាន់តែច្រើនថែមទៀត។ សម្តេចតេជោ បញ្ជាក់ថា អ្វីដែលជាការកត់សម្គាល់នោះ គឺសេដ្ឋកិច្ច កម្ពុជា រំពឹង ថានឹងកើនឡើងប្រមាណ៥,៦ ភាគរយសម្រាប់ឆ្នាំ ២០២២ នេះ ។
សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃ ព្រះរាជា ណាចក្រកម្ពុជា បានលើកឡើងដូចនេះ នៅក្នុងឱកាស ទទួល ជួបពិភាក្សាជាមួយ លោក ចូ អ៊ុកលី (Joo-Ok Lee ) ប្រធានកម្មវិធីតំបន់ប្រចាំអាស៊ី-ប៉ាស៊ីហ្វិក និងជាសមាជិកគណៈកម្មា ធិការប្រតិបត្តិវេទិកាសេដ្ឋកិច្ចពិភពលោក (WEF) នាព្រឹកថ្ងៃទី៣ ខែមីនា ឆ្នាំ២០២២ នៅវិមានសន្តិភាព ។
ឯកឧត្តម អ៊ាង សុផល្លែត ជំនួយការសម្ដេចតេជោនាយករដ្ឋមន្ត្រី បាន ប្រាប់អ្នកយកព័ត៌មាននៅក្រោយជំនួបថា លោក ចូ អ៊ុកលី បានអបអរសាទរសម្ដេចតេជោ ហ៊ុន សែន ដែលបានទទួលធ្វើ ជាប្រធានអាស៊ានប្ដូរវេន និងសម្ដែងចំណាប់អារម្មណ៍ចំពោះ វឌ្ឍនភាព ការវិវត្តរបស់កម្ពុជា។ លោក ថា លោកបានមកប្រទេស កម្ពុជា កាលពីឆ្នាំ២០១៧ ហើយនៅពេលនេះ កម្ពុជា មានការអភិវឌ្ឍ យ៉ាងខ្លាំង ទោះបីក្នុងដំណាក់កាលការរីករាលដាលជំងឺ កូវីដ១៩ ក៏ដោយ។
លោកបានបន្តថា ប្រសិនបើគ្មានកូវីដ១៩នោះទេ កម្ពុជា ពិតជា មានការរីកចម្រើនអភិវឌ្ឍន៍លឿនជាងនេះមិនខាន។ ជាមួយគ្នានេះ លោក ចូ អ៊ុកលី ក៏បានជម្រាបជូនសម្ដេចតេជោ អំពីដំណើរការ នៃការរៀបចំកិច្ចប្រជុំវេទិកាសេដ្ឋកិច្ចពិភពលោក ដែលនឹងប្រព្រឹត្តទៅនៅខែមិថុនាឆ្នាំ២០២២ខាងមុខនេះ។ លោក ក៏បានទន្ទឹងរង់ចាំ នូវទស្សនៈអនុសាសន៍របស់សម្ដេចតេជោ ហ៊ុន សែន ក្នុងវេទិកាសេដ្ឋកិច្ចពិភពលោក ក្នុងនាមសម្តេចជា ប្រធាន អាស៊ាន។
ជាការឆ្លើយតបសម្ដេចតេជោ ហ៊ុន សែន បានមានប្រសាសន៍ថា ប្រសិនណាបើកុំមានការរាលដាលជំងឺកូវីដ១៩ កម្ពុជា នឹងមានការ អភិវឌ្ឍ លឿនជាងនេះ ជាមួយនឹងការកាត់បន្ថយភាពក្រីក្រកាន់តែ ច្រើនថែមទៀត។ សម្ដេចតេជោក៏បានជម្រាបលោក ចូ អ៊ុកលី ផងដែរថា កម្ពុជា បានចាក់ស្រោចវ៉ាក់សាំងទប់ស្កាត់ជំងឺកូវី១៩ ហើយក៏បានបើកកម្ពុជាឡើងវិញកាលពីថ្ងៃទី០១ ខែវិច្ឆិកា ឆ្នាំ២០២១កន្លងទៅ ។
សម្តេចតេជោ បញ្ជាក់ថា អ្វីដែលជាការកត់សម្គាល់នោះ គឺ សេដ្ឋកិច្ចកម្ពុជា រំពឹងថា នឹងកើនឡើងប្រមាណ៥,៦ ភាគរយ សម្រាប់ឆ្នាំ២០២២នេះ ។ ពាក់ព័ន្ធនឹងទស្សនៈរបស់សម្ដេចតេជោ ហ៊ុន សែន ក្នុងនាម ជាប្រធានអាស៊ាន សម្ដេច បានមានប្រសាសន៍ថា អ្វីដែលសម្ដេច ចង់បាន គឺអាស៊ានសហការបើកប្រទេសឡើងវិញព្រមៗគ្នា ជំរុញទំនាក់ទំនងក្នុងក្របខ័ណ្ឌអាស្តា ជំរុញពាណិជ្ជកម្មក្នុងតំបន់ បំពេញឲ្យគ្នាទៅវិញទៅមក បរិបទថ្មី នៃសម័យកូវីដ១៩។
លើសពីនេះទៅទៀត សម្ដេចតេជោ ហ៊ុន សែន ក៏បានជម្រាបជូន លោកប្រធានកម្មវិធីតំបន់ប្រចាំអាស៊ី-ប៉ាស៊ីហ្វិក និងជាសមាជិក គណៈកម្មាធិការប្រតិបត្តិវេទិកាសេដ្ឋកិច្ចពិភពលោក (WEF) អំពីរូបមន្ត មួយបូក ។ នោះគឺការវិនិយោគមិនប្រមូលផ្ដុំ គឺការ វិនិយោគនៅប្រទេសមួយហើយ វិនិយោគនៅប្រទេស ជាប់នោះ មួយទៀត ព្រោះនៅពេលដែលប្រទេសមួយមានវិបត្តិ ដូចជាជំងឺ កូវីដ១៩រាលដាលជាដើម ប្រទេសមួយទៀតអាចបំពេញ ទៅឲ្យ តម្រូវការ ដើម្បីរក្សាឱ្យខានតែបាននូវស្ថិរភាព នៃការផ្គត់ផ្គង់ទំនិញ។
សម្តេចតេជោ ហ៊ុន សែន ក៏បានទាញចំណាប់អារម្មណ៍ទៅលើកា រ វិនិយោគវិស័យឌីជីថល ដែលកន្លងមកនេះ វិស័យឌីជីថល មិនត្រឹម តែ មិន មានការប៉ះពាល់ដោយជំងឺកូវីដ១៩ នោះទេ ផ្ទុយទៅវិញ វិស័យឌីជីថល បានកំពុងវិវត្តរីកចម្រើនយ៉ាងឆាប់រហ័ស ៕