(កណ្ដាល)៖ នៅព្រឹកថ្ងៃអាទិត្យ ទី២៦ ខែធ្នូ ឆ្នាំ២០២១ លោក នុត ពុធដារ៉ា សមាជិកអចិន្ត្រៃយ៍ គណៈកម្មាធិការ គណបក្សខេត្តកណ្តាល និងជាប្រធានក្រុមការងារចុះជួយសង្កាត់កោះអន្លង់ចិន បានចូលរួមជាអធិបតីក្នុងពិធីប្រកាសបញ្ចូល សមាជិកគណបក្សប្រជាជនកម្ពុជា ចំនួន១១៥នាក់ ក្នុងភូមិស្វាយពងអង្ក្រង និងភូមិចុងកោះ សង្កាត់កោះអន្លង់ចិន ក្រុងតាខ្មៅ ខេត្តកណ្តាល។
បន្ទាប់ពីលោកអនុប្រធានគណបក្សសង្កាត់ បានឡើងអានសេចក្តីសម្រេចបញ្ចូល សមាជិកបក្សរួចមក តំណាងសមាជិកថ្មីទាំង១១៥នាក់ បានធ្វើការប្តេជ្ញាចិត្ត ស្មោះស្ម័គ្រគាំទ្រ និងបោះឆ្នោតជូនគណបក្សប្រជាជនកម្ពុជា នៅគ្រប់អាណត្តិ ដើម្បីបន្តរក្សាសន្តិភាព និងការអភិវឌ្ឍ រីកចម្រើនរបស់ប្រទេសជាតិយើង ក្រោមការដឹកនាំ ប្រកបដោយគតិបណ្ឌិត របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា។
ក្នុងឱកាសនោះ លោកប្រធាន បានលើកឡើងថាៈ គណបក្សប្រជាជនកម្ពុជា ជាគណបក្ស ដែលមានភាពចាស់ទុំ ខាងនយោបាយ ជាគណបក្ស ដែលបានរំដោះ ប្រទេសជាតិ ពីរបបប្រល័យពូជសាសន៍ និងបាននាំយកនូវសន្តិភាព និងការអភិវឌ្ឍ ពេញលេញ ជូនប្រទេសជាតិ និងប្រជាជនកម្ពុជា ជាក់ស្តែង ការប្រយុទ្ធប្រឆាំង នឹងជំងឺកូវីដ១៩ ការចាក់វ៉ាក់សាំង ជូនដល់ប្រជាពលរដ្ឋ នៅទូទាំងប្រទេស ជាការខិតខំប្រឹងប្រែង របស់រដ្ឋាភិបាល ក្រោមការដឹកនាំរបស់ គណបក្សប្រជាជន កម្ពុជា។ ការសម្រេចចិត្តចូលរួមជីវភាព នយោបាយជាមួយ គណបក្សប្រជាជនកម្ពុជា ជាការសម្រេចចិត្តដ៏ត្រឹមត្រូវ បង្ហាញពីការយល់ដឹង និងឆន្ទៈចង់បានសន្តិភាព និងអភិវឌ្ឍន៍ បន្តទៅមុខទៀត។
ជាមួយគ្នានោះដែរ គណៈអធិបតី ក៏បានឧបត្ថម្ភដល់ សមាជិក សមាជិកថ្មីទាំងអស់ ក្នុងម្នាក់ៗ អាវមួយ មួកមួយ និងថវិកា ២០.០០០ រៀល ផងដែរ៕
——————
សូមចូលរួមជាសមាជិកតេឡេក្រាម https://t.me/lorsovanney
