ឯកឧត្តមបណ្ឌិត ជាម ច័ន្ទសោភ័ណ អញ្ជើញទទួល ជែលលាងដៃចំនួន៦៧៣កេស​ ជាអំណោយដ៏ថ្លៃថ្លារបស់សម្តេចកិត្តិព្រឹទ្ធបណ្ឌិត ជូនសាខាកាកកាទក្រហមកម្ពុជា​ខេត្តត្បូងឃ្មុំ

(ត្បូងឃ្មុំ)៖ រសៀលថ្ងៃទី១៤ ខែធ្នូ ឆ្នាំ២០២១នេះ ឯកឧត្តមបណ្ឌិត ជាម ច័ន្ទសោភ័ណ អភិបាលខេត្ត និងជាប្រធានគណកម្មាធិកាសាខាកាកបាទក្រហមខេត្តត្បូងឃ្មុំ បានអញ្ជើញទទួល ជែលលាងដៃចំនួន៦៧៣កេស​ ស្មើនឹងប្រមាណ១,០៧៦៨ដប ជាអំណោយដ៏ថ្លៃថ្លារបស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា តាមរយៈលោកជំទាវ ម៉ែន នារីសោភ័គ អគ្គលេខាធិការរងទីមួយ កាកបាទក្រហមកម្ពុជា ផ្តល់ជូនសាខាកាកកាទក្រហមកម្ពុជា​ខេត្តត្បូងឃ្មុំ។

ជែលលាងដៃដែលផ្តល់ជូនទាំងនេះ នឹងត្រូវបានចែកជូនដល់មន្ទីរពេទ្យបង្អែក មណ្ឌលសុខភាពទូទាំងខេត្ត មន្ទីរ-អង្គភាពជុំវិញខេត្ត និងអនុសាខាកាកបាទក្រហមទាំង០៧ក្រុង-ស្រុក៕