(កោះកុង)៖ លោកជំទាវ មិថុនា ភូថង ប្រធានគណៈកម្មការធិការសាខាកាកបាទក្រហមកម្ពុជាខេត្តកោះកុង បានអញ្ជើញ ចែកអំណោយមនុស្សធម៌ ជូនប្រជាពលរដ្ឋក្រីក្រ ចាស់ ជជរាទីទាល់ក្រចំនួន ២១គ្រួសារ ដោយក្នុងមួយគ្រួសារទទួលបានអង្ករ ២៥គីឡូក្រាម មី ១កេស ទឹកសុទ្ធ ១កេស ត្រីខ ១យួរ ជែលលាងដៃ ១ដប ម៉ាស់ ៣សន្លឹក ថវិកា ៨០,០០០រៀល និងផ្តល់ផ្ទះ ជូនលោកយាយ មាស អ៊ុន ស្ថិតក្នុងភូមិគគីរជ្រុំ ឃុំឬស្សីជ្រុំ ស្រុកថ្មបាំង ខេត្តកោះកុង ថ្ងៃសៅរ៍ ៩ កើត ខែកត្តិក ឆ្នាំឆ្លូវ ត្រីស័ក ពុទ្ធសករាជ ២៥៦៥ ត្រូវនឹងថ្ងៃទី១៣ ខែវិច្ឆិកា ឆ្នាំ២០២១ ។
ឆ្លៀតក្នុងឱកាសនោះដែរ លោកជំទាវបានផ្តាំផ្ញើបន្ថែមដល់បងប្អូនប្រជាពលរដ្ឋទាំងអស់ សូមមានការប្រុងប្រយ័ត្នខ្ពស់បំផុត ក្នុងការថែរក្សា សុខភាព ហើយកត្តាដែលសំខាន់នោះ នៅតាមមូលដ្ឋានកុំឲ្យធ្វេសប្រហែសពីជំងឺកូវីដ-១៩ អោយសោះ ត្រូវអនុវត្តន៍តាមការណែនាំរបស់ក្រសួងសុខាភិបាលគ្រប់ពេលវេលា គ្រប់ទីកន្លែង។
