(ភ្នំពេញ)៖ ឧទ្ធម្ភាគចក្រ Mi-17 ចំនួន ៣គ្រឿង ត្រូវបានសម្ដេចតេជោ ហ៊ុន សែន សម្រេចឲ្យទិញ ដើម្បីបំពាក់ជូនដល់កងយោធពលខេមរភូមិន្ទ។ កាលពីថ្ងៃទី១២ ខែសីហា ឆ្នាំ២០២១ ឯកឧត្តម នាយឧត្ដមសេនីយ៍ វង្ស ពិសេន អគ្គមេបញ្ជាការនៃកងយោធពលខេមរភូមិន្ទ បានទៅត្រួតពិនិត្យឧទ្ធម្ភាគចក្រទាំងនោះ នៅបញ្ជាការដ្ឋានកងទ័ពអាកាស។
ក្នុងឱកាសនោះដែរ នាយឧត្ដមសេនីយ៍ អគ្គមេបញ្ជាការ វង្ស ពិសេន បានណែនាំដល់អស់លោកនាយទាហាន នៅទ័ពអាកាស ឱ្យយកចិត្តទុកដាក់ក្នុងការប្រើប្រាស់ និងថែទាំឱ្យបានល្អត្រឹមត្រូវតាមបច្ចេកទេស។
ឯកឧត្តម នាយឧត្ដមសេនីយ៍ អគ្គមេបញ្ជាការ ក៏សូមគោរពថ្លែងអំណរគុណចំពោះសម្ដេចតេជោ នាយករដ្ឋមន្ត្រីនៃកម្ពុជា ដែលបានបំពាក់ឧទ្ធម្ភាគចក្រ ជូនដល់កងយោធពលខេមរភូមិន្ទ ដើម្បីបម្រើក្នុងកិច្ចប្រតិបត្តិការ បានលឿនទាន់ពេលវេលា៕