ឯកឧត្តមបណ្ឌិត ជាម ចន្ទ័សោភ័ណ និងលោកជំទាវ ម៉េង វ៉ាន់ដានីន អញ្ជើញជួបសំណេះសំណាលជាមួយសិស្សានុសិស្ស៤សាលា ក្នុងសង្កាត់ត្រាចទង ក្រុងឧដុង្គម៉ែជ័យ

(កំពង់ស្ពឺ)៖ នៅរសៀលថ្ងៃទី២៧ ខែកញ្ញា ឆ្នាំ២០២៤នេះ ឯកឧត្តមបណ្ឌិត ជាម ចន្ទ័សោភ័ណ អភិបាល នៃគណៈអភិបាលខេត្តកំពង់ស្ពឺ និងលោកជំទាវ ម៉េង វ៉ាន់ដានីន បានអញ្ជើញជាអធិបតីភាពក្នុងពិធីសំណេះសំណាល ដល់លោកគ្រូអ្នកគ្រូនិងមាតាបិតាសិស្ស ដែលមានសាលាបឋមសិក្សាចំនួន៤ក្នុងសង្កាត់ត្រាចទង ក្រុងឧដុង្គម៉ែជ័យ ខេត្តកំពង់ស្ពឺ និងបានអញ្ជើញកាត់ខ្សែបូរក្តាខៀនកិត្តិយស របស់ឯកឧត្តម ហ៊ុន ម៉ានី សម្រាប់តាំងរូបថតសិស្សពូកែប្រចាំខែដែលស្ថិតនៅសាលាបឋមសិក្សាត្រពាំងលើក ក្នុងសង្កាត់ត្រាចទង ក្រុងឧដុង្គម៉ែជ័យ។